بنت مكة محتارة تبي تستفسر عن كلية إعداد المعلمات بجدة

[بنت مكة محتارة]

	((بسم الله الرحمن الرحيم)) السلام عليكم ورحمة الله وبركاتة أخوات وأخواني لي استفسار أنا طالبة بكلية إعداد المعلمات بمكة قسم قرآن كريم ودراسات إسلامية مستوى الرابع كتب الله علية اني انخطب لواحد بجدة وزواجي بيكون بصيفية وعقبالكم يارب هههههه المهم أنا لازم انقل السنة الجاية جدة مع زوجي وسألت كليتي عن النقل قالوا لازم تجيبي الموافقة من جدة من نفس الكلية سؤالي: هل الموافقة بجدة تحتاج لمتطلبات وشروط غير عقد النكاح يعني المعدل؟ وياترى موادكم تختلف عن مواد كلية مكة؟ وممكن تعطوني فكرة عن النظام عندكم البس المحاضرات المواعيد الدخول والخروج؟ وكيف المبنى والطالبات والأستاذات ومن العميدة عندكم في كلية إعداد المعلمات؟ وفين موقع الكلية في جدة؟ اتمنى تردوا علية ولاتتجاهلوني بليز أختكم بنت مكة

[بنت مكة محتارة]

ياهووووووووووووووه صلوا على النبي مافي أحد عنده خلفية عن الموضوع

[هتان هتو]

والله يا اختي اعتقد مافي احد راح يفيدك والاحسن انك تسالي الكليه بنفسك حتى لو تتصلي عليهم

[أنا وبس]

مبرووووووووووووووووووك الفرح

انا اعرف مكانها

في شارع الستين قريبه من سوق اويسيس مووول

حي الشرفيه ..

بس هادا اللي اعرفو اما بخصوص معادله المواد فأعتقد والله اعلم انو حيعادلولك هيا

بس روحي الكليه بنفسك واسألي ..

اما بخصوص اللبس فعادي البسي اي لون طبعا تنوره وبلوزه مافي الوان محدده


ان شاء الله اكون افدتك ويجي احد تاني يفيدك بخصوص الاسئله التانيه..

[بنت مكة محتارة]

هتان هتو مشكور حبيبي الله يعطيك العافية على مجهودك

أنا وبس مشكورة قلبي الله يعطيك العافية والله ماقصرتي وربي يوفقك بصراحة يعني طمنتيني بس يقولوا المبنى يفجع وقديم

ياليت ترسلوالي الرقم تبع الكلية

[ران موري]

السلام عليكم
انتِ تبغي تنقلي الى كليه اعداد المعلمات بجده
انا ادرس فيها بس انصحكِ لا تنقلي فيها
لانه مافي مباني قفلوها ولا في قاعات ندرس فيها
حتى بعض محاضراتنا في المصلى او في المسرح
وربي معاناه
قال جامعة الملك عبد العزيز قال

[اخت عزوز]

مرحبا

انا كنت ادرس فيها بعدين نقلونا لكلية الفيصليه بالنسبه للمواد الي اخذتيها ويمكن ارفعت للعام القادم وانتي ناجحه فيها يسون لك معادله انك ناجحه وما تدرسينها تكونين اسمك طالبه زائره لين مايجيبو ملفك وتكوني منتظمه مثلنا بدون اسم زائره
عن اللبس كل شي عادي ومسموح ماعدا بناطيل بعدين البنات الي فقسمك حولوهم كلية الفيصليه روحي كلية الفيصليه مركز التسجيل والقبول علشان ينقلونك لان الكليه لاعداد المعلمات صارت اداره واعمال اتمنى اكون افدتك

[اخت عزوز]

هذا رقمها بس ماحد بيرد
026658240

[ماستر محروم]

الوضع عاااااااادي حيعادلو كل المواد المجتازة

المقر : شارع المكرونة جنوب دوار الهندسة ـــــــــــــــ تحياتي

[الهاتف7]

طيب سؤال هل لها موقع الكتروني هذي الكلية ولا لا؟؟؟؟؟؟؟؟؟؟؟