بالله هذا موظف يرد على تليفون عمادة القبول والتسجيل ؟

[$$$$]

بعد صراع وحرب ضروس بيني وبين الزر الاخضر بجوالي المسكين

تذكرت من خلالها الحرب الدائرة بين الجيش اليمني والمتمردين الحوثيين بجنوب اليمن وبالتحديد في مدينة صعده

تم الرد بعد 3 ساعات من الترفيس والتضغيط

واذ بموظف يكاد يتثائب من التعب قلت مسكين هذا شكل الطلاب فاقعين راسه ومؤدي عمله على اكمل خشه

وشكله بيعطيني علووم مهمه وبنزلها بالمنتدى

كسبق لي سخصيآ على قولة ابو حاتم في باب الحارة .. المهم مالكم بالطويله

طبعآ انا مسوي ذوق مهب عن شي بس عشان يعطيني وجه زيادة ..

انا : السلام عليكم

هو: وعليكم السلام

انا :مساء الورد

هو : هلا

انا :لو سمحت بالنسبه للتسكين في طلاب تسكنوا ومعاهم مادتين وماده وانا معي 102 انجليزي وما تسكنت !!

عاد جا وجاوب جوااااب متعووووب عليه تتوقعو وش قال ؟؟

على حد علمي ان التسكين بعد اجتياز السنة التحضيريه


والله يا جماعه بغيت اقوله بالله عليك اثاري التسكين بعد السنه التحضيريه وانا ما ادري ؟؟

تدرون وش المصيبه انه يقول على حد علمي يعني مو متأكد بعد

قلت له انا عارف هالشي لكن اقولك في ناس تسكنوا

قالي والله ما اعرف ؟؟

ماتعرف وش اللي رازك هنا لابو الشيطان اللهم اني صائم

بالله شخص مثل هذا وش تسوي فيه والشياطين مربطه ؟؟

يعني مافي اي فايده تخيلوا انا احترت ادق على مين ؟؟

ادق على مين ؟ ما بقي الا الطبيشي رئيس المراسم الملكية يشوف لنا