بنات تشيروا عليه بمين ارجوكم ردوا

[فرفشة]

بسالكم عن احسن الاستاذات مين احسن وافضل في اسس تغذية (منى سامي حلبي خليل أو حنان عبدالسلام علي جمبي )وكيف اسلوبهم وطريقة اسئلتهم وضحولي اكثر ومين تنصحوني في ثقافة اسلامية مستوى ثاني (استشهاد حريري _ حنان باحمدان _رشا رجب_اسية الحربي _سلوى باجابر _زينب حبيب الله ) من ترشحوا كيف اسلوبهم تكلمولي عنهم
معليش على الاطالة وجزاكم الله خير ردوا علي وشوروا الله يرزقكم الفردوس الاعلى ويوفق الجميع

[ساكنه في بيتنا]

د. حنان يقولوا اسئلتها صعبه ..

أ. رشا في الثقافه مره حبوبه ,, اخدت معاها ثقافه 2 ..

[فرفشة]

هلا ياساكنة تسلمين على الرد بس قصدك مين حنان ايت فيهم حنان جمبي حق التغذية ولا حنان باحمدان حق الثقافة الي يقولوا اسئلتها صعبة جزاكي الله خير تفاعلوا يابنات الله يجزاكم الجنة

[المجهولة 123]

فرفشه .. عذرا على التطفل :

انتي دفعه 10 وتخصصتي في الاقتصاد المنزلي دي السنه ولا درستي 3 أترام ودحين تتخصصي ؟

والله العظيم تعبت .. الله يساعد الي تساعدني

يعني الي أبغى أوصلوه دحين دحين نتخصص لانو وحده دوبها قالتلي فكت الاوديس وطلعتلها مواد حره
حق الكلية .. فاهمين عليا .. يعني دي اليومين تنزل لكل وحده التخصص الي اختارته .. مافي تدرسي 3 أترام
وتتخصصي ؟

عارفه مرررررره زودتها .. ترى تجننت خلاص بنتف شعري ...اهئ اهئ اهئ اهئ

[روح الربيع]

أستاذة منى حلبي لأسس تغذية وحدة قالت لي لا تاخذي هذي المادة الا معاها وأسئلتها تنحل مو صعبة ~
وأستاذة استشهاد حريري أخذت معاها ثقافة مستوى أول شرحها حلو وحبوبة وبالنسبة لأسئلتها ما أعرف لأني كنت تحضيري والأسئلة كانت موحدة ~

[متاخره واااايد]

بالنسبه للاسس انا اخدتها مع منى شلبي شرحها مرآآ حلو و اسالتها حلوه بس سوال او سوالين يحوسووكي ولو ماتنتبهي كويس تطير درجاتك لانو كل سوال بدرجه

اما بالنسبه للتقافه المستوى الاول اخدتو مع رشآ رجب وكان مرآآآ شرحها حلو ومختصر

بس المستوى التاني اخدتو مع حنآآن باحمدان مادري هل حتعجبكي ولا لا بس انا حسيت كاني بالمدرسه لسآ !!

انا مااهتم بمين تدرس التقافه كتير لانو بالاول والاخير الاسئله موحده يعني بس هوآآ الشرح اللي ممكن يختلف

ماقدر انصحكي بمين اكتر لانو ممكن اذواقنا تختلف واكون وهقتك ^_^

وفي النهايه كل المنهج معاكي فنصيحتي لكي خدي الشعبه اللي وقتها يتناسب مع جدولك.. موفقه ^_^

[روح الربيع]

منى شلبي هي نفسها منى حلبي ولا وحدة ثانية ؟؟

[متاخره واااايد]

ههههههههههههههه اوبس لاحد يشوف

اقصد منى حلبي .. ايوا هيآ نفسهآ ^_^

[فرفشة]

شكر خاص لكل وحده ردت عليه الله يجزاه الفردوس الاعلى وينولها مرادها مرة فرحانة انوا في احد رد عليه وانتي يااختي المجهولة 123 انا دفعة 10 خلصت السنة التحضيرية ولسه ماطلعت نتايج التخصص بس الحمدلله اتسكنت في كلية اقتصاد منزلي الله يوفق الجميع

[ساكنه في بيتنا]

هلا ياساكنة تسلمين على الرد بس قصدك مين حنان ايت فيهم حنان جمبي حق التغذية ولا حنان باحمدان حق الثقافة الي يقولوا اسئلتها صعبة جزاكي الله خير تفاعلوا يابنات الله يجزاكم الجنة

لا قصدي حنان جمبي حقت التغذيه اللي اسئلتها صعبه ..

انتي دفعه 10 وتخصصتي في الاقتصاد المنزلي دي السنه ولا درستي 3 أترام ودحين تتخصصي ؟ والله العظيم تعبت .. الله يساعد الي تساعدني يعني الي أبغى أوصلوه دحين دحين نتخصص لانو وحده دوبها قالتلي فكت الاوديس وطلعتلها مواد حره حق الكلية .. فاهمين عليا .. يعني دي اليومين تنزل لكل وحده التخصص الي اختارته .. مافي تدرسي 3 أترام وتتخصصي ؟ عارفه مرررررره زودتها .. ترى تجننت خلاص بنتف شعري ...اهئ اهئ اهئ اهئ

انتي خلصتي السنه التحضيريه السنه اللي فاتت صح ..
اذا ايوه خلاص المفروض تتخصصي ,,

اذا بدك تروحي لشؤون الاقتصاد المنزلي ولا لأي احد في الكليه ,, روحيلهم في مبنى الطب هما موجودين حاليا هناك ..