حيراااانه في تخصص الميكرو؟؟؟

[!ادري غلطت بطموحي!]

كنت ابغى اسأل عن تخصص الميكرو ..هل هوه احسن اوالنبات؟؟ وايش الخطه الدراسيه حقته ؟؟وفين يكون التدريب الميداني للتخصصين؟؟ آسفه طولت عليكم الاسئله بس انا خلال هذا الاسبوع لازم نقرر ايش ندخل تخصص...وانا مره حيرانه لانه بيقولوا انه الميكرو مره صعب وانه ماعاد يوظفوا في المستشفى زي زمان؟؟؟الله يسعد وينور درب الي ينورني..

[بيو كيميائية ^_^]

اللي أعرفه

المايكرو أحسن شيء في الأحياء

إستخيري وربي يوفقك

هذا فقط اللي أعرفه

[غـلاتـي^]

والله المايكرووو مره حلـووو وصح كلام الحلوة انه احسن شي في الاحيـاء

بس طبعا بعض المواد يبغالها شويه تعب طبعا كده الدراسه اصلا

بس هوا وبصفه عامه مره ممتع وانا بالنسبه ليه مره حلوو الحمد لله الين دحين ما وجهت صعوبه مره ..

انتي راح تدرس عن الاشياء الدقيقه زي البكتيريا وكل شي عنها .. واسمائها وتصنيفها وامراضها

وعن الطحالب نفس الشي كمان عن استعمالتها ..

وعن الفطريات كمان كلها تصنيف وامراض وفي ماده اسمها امراض نبات ..من اسمها باين عن ايش تتكلم بس مرتبطه بالفطريات

وعن الفايروسات بس انا لسه ما اخدتها وهيا الماده الوحيد الي كل البنات يقول صعبه كمان من استاذتهاهيا الي مصعبتها .

بس غير كده كل شي يمشي ان شاء الله لاني ما اخدت غير كده فما اعرف ..

وياقلبي تقدري تتدربي في مستشفى او مركز تحاليل ومختبرات ..

وبالنسبه للوظيفه كانو يقولو مستشفى ومختيرات بس دحين الاوليه للتفنيه الطبيه لانه في قسم مايكروو هناك

بس اعرف واحد يدرس هناك نفس دراستنا بالظبط بس والله مدري في النهايه الي كاتبه ربنا بيصير ..

والخيار لـكـ والله يوفقك ,,فكري في رغبتك انتي تبغي ايش ؟؟؟

يعني فكري كويس كلها الحكايه ميول لو لك خلق في المعامل لان كل ماده لازم لها معمل

وتحضري اشيااء يعني بكتيريا وفطريات وفيروسات زي كده مو كل الناس يتقبلوو الوضع ...

لان صحباتي في الرياضيات والفيزياء مره يقرفو من دي الاشياء بس انا احسها مره عادي ..

والله يسعدك يارب ويختار لك الي فيه الخيرر ..

واذا احتجتي اي سؤال تاني انا في الخدمه ..

[L0St QuEEn]

انا أوافق غلاتي في كلامهما 100%

حبيبي استخيري قبل كل شئ

والله يوفقك يارب