طالبات الفرنسي والانجلش ممكن مساعدة ضروري

[ѕωєєт нєαят]

السلام عليكم ورحمة الله بركاته



رحت اليوم ابغى اعمل طلب تحويل انجلش بس قالولي ماتحولي الا لما تختبري
و الاختبار إما قبل الفاينل باسبوع او بداية السمستر الجاي

التحويل يقفل يوم السبت الجاي يعني حيروح عليا الوقت وانا ما عملت شيء

وسؤال تاني ادا كنت بحول فرنسي لازم من دا الاختبار ؟؟؟ ولا يحولوني على طول

مع العلم اني في الالكا 1 جبت 68 و الكا 2 جبت 85


وادا في طريقة تانية اقدر احول منها ياريت تساعدوني

[nour al3mr]

وعليكم السـلام ورحمة الله و بركــــــاته ..~

التحويل للقسم صار لابد فيه من اختبارالقبول ..
وتكون الدرجات في الالكـــــــا 95

هذا اللي عرفته من البنـــــــات .. لانه لما تخصصت ماكان في اختبار قبول ..

و القبول لكأكيد بيكون على الترم الجاي إن شاء الله ..
عشان كذه لاتخافي ..

أمـا الفرنسي ما أعرف والله ..إن كان لازم اختبار او لا ..

الأفضل تتأكدي من القسم ..

يوفقك رب العباد و يكتب لك الخيـر ..~

[butterfly pink]

طيب لو طلبت تخصص من قسم الرجال يقبلووو

[ѕωєєт нєαят]

^
^
نفس السؤال


نور تسلمي عـ الرد

طيب دحين اقدر احول لما اكون مثلا في المستوى الخامس بدل التالت ؟؟

[nour al3mr]

قسم الرجــــــــال ؟؟
ماجربت نهـائيـاً ..

بس أفتكـر في بنات قدموا من هنـاك ومشي الحال ماشاء الله ..

فجربوا مو خسرانين شيء إن شاء الله ..

ويسلم ربي قلبك ..سويت هارت ..

بس تحولي على الخـامس ..

ليش طيب بيروح من عمـرك على الفـاضي ..
دامك حاطه في بالك تحولي من أولهــا اسعي لهـا الشيء ..

اعتقد من شروط التحويل ماتكوني خلصتي نصف متطلبات التخرج من عدد ساعات..
بس لو عندك واسطه اعتقد تتيسر ..

يعينكم رب العباد ..

[ام حمدان]

وعليكم السلام ورحمة الله وبركاته

عزيزتي بالنسبه للفرنسي هم يطلبوا نفس معايير الانقلش
لكن لقلة الاقبال على التخصص
يتغاظوا عن الشروط لو اصريتي عليهم

افتكر وحده العام
تخصصت فرنسي مع انه معدلها 3 تقريبا ودرجاتها في الالكا قريبه منك
راحت حاولت في الدكتوره رندا وقبلتها في الفرنسي

وماافتكر يعملوا اختبار لهم
لانه مثل ماقلت الاقبال عالتخصص قليل جدا
وقسم هادي ورايق ماعندهم مشاكل حتى سمعت انه الاستاذات تبعهم مرره متعاونين معاهم وتعاملهم جدا راقي مع الطالبات
واكيد قله العدد لها دور كبير في الشي ذا


الانقلش ماصرا فيه التعقيدات ذي الا بعد ماشافوا الاقبال كل ماله يزيد على القسم فوضعوا الشروط ذي



بالتوفيق

[ام حمدان]

بالنسبه للمستوى الخامس والتحويل

اذا الترم القادم وصلت ساعاتك المكتسبه لفوق 64 ساعه

ماراح يقبلونك
لكن لو 64 او اقل راح يقبولوا يحولوكي ---اتكلم عن مبدأ التحويل بشكل عام سواء للانقلش او غيره

لانه من شروط التحويل من قسم لقسم او من كليه لكليه ماتكوني درستي اكثر من نصف متطلبات التخرج

موفقه

[butterfly pink]

يااابنااات احد جررب من عند قسم الرجاااااااااااال

[butterfly pink]

انااا ماابغى اختبر خااايفة مااانجح

ايش اسووي وربي طفشت

[ѕωєєт нєαят]

شكراً شكراً شكراً

حاسة اني اطمنت شويا

يعطيكم الف عافية ربي و يوفقكم دنيا وآخرة

واللي عندو اجابة لأسئلة العسولة ياريت تفيدوها لأن ماعندي فكرة على سؤالها =(

وان شاء الله لما احول انجلش ولا فرنسي ابشركم بوضوع زي ما اني قالقتكم كل شويا بموضوع اسألكم فيه