طلاب وطالبات كلية الصيدلة>>>come here

[pharm.d .s]

انا طالبة في صيدلة
خامس
بصراحة الي خلاني اسجل في المنتدى اني شفت اسئلة مرا كتير
فحبيت اساعدكم
لانوا بصراحة لما دخلنا من جد عانينا لانو مافي احد ساعدنا
بالتوفيق للكل

[soma al7elwa]

^^^

ياحياااتي

الله يخليكي لنا يارب :)

[حابه # اتخصص]

تسلمي يا قلبي ما تقصري

[Jodah]

تسلمي ياقلبو الله يسخرلك يارب و ييسرلك كل حاجة تبغيها

[$$د.عباادي$$]

المشاركة الأصلية كتبت بواسطة pharm.d .s انا طالبة في صيدلة خامس بصراحة الي خلاني اسجل في المنتدى اني شفت اسئلة مرا كتير فحبيت اساعدكم لانوا بصراحة لما دخلنا من جد عانينا لانو مافي احد ساعدنا بالتوفيق للكل

شاكرين لك المساعدة والمشاركة

والله يجعله في ميزان حسناتك إن شاء الله

[Lil Genius]

السلام عليكم ورحمة الله وبركاته

أرحب بجميع طلاب الصيدلة الجدد .. سعداء جداً بانضمامكم إلى الكلية :)
أنا إحدى طالبات الدفعة اللي قبلكم 08
دخلت هنا كزائرة وتفاجأت من عددكم الكبير ما شاء الله
صراحة احنا صار لنا فترة ننتظركم
لأنه لنا منتدى ثاني خاص بكليات جامعة الملك عبد العزيز الصحية فقط ..
هذا رابطه
http://www.medkaau.com/vb/index.php

راح تلاقوا أقسام متعددة للصيدلة مو بس قسم واحد
ياليت نشوفكم هناك لأنه أسهل علينا نساعدكم ونجاوب استفساراتكم .. تقريبا كل دفعة 08 تدخل هناك مافي أحد يدخل هنا
وكل تفاصيل المواد وملفات المحاضرات اللي راح تحتاجوها هذي السنة موجودة ..

الله يحييكم :)

أعتذر من إدارة المنتدى إذا كان إعلاني عن المنتدى الآخر مخالف
لكن هدفنا في الأخير من هذي المنتديات هو الفائدة وليس التسلية مثل بقية المنتديات
لذلك وضعت الرابط من باب إفادة الطلاب الجدد

وبالتوفيق

[Jodah]

انا مسجلة في المنتدى دا و بصراحة الاعضاء اللي فيه من جد يفتحوا النفس و مرة متعاونيين من قلبهم و الله
الله يعطيهم على قد نيتهم وزيادة كمان

[Dr. Kheeloo]

ماشاء الله عليك يا ليل جينيس

لسه جاني خبر انه في طلاب من السنة الجديدة متواجدين هنا قلت ضروري اشوفهم تعبت و انا اروح للوكيل عشان اخد ارقام الشباب و نتواصل معاهم

وكمان عشان في مفاجات عندنا بس ناقصني من اللي يتفاجؤا بيها

و صراحة انا مرره انبسطت لمن شفت شاب يافع ( الاخ عبادي ) نشيط و مبدع

لانه قليل ما نشوف شباب كدا اما الاخوات ماشاء الله كلهم نشاط و الابداع

ايوة صح نسيت اعرف نفسي

انا خالد اللهيبي اخوكم من دفعة 08

مشرف الصيدلة في منتدى الكليات الصحية بجامعة الملك عبدالعزيز medkaau

صراحة اتمنى اتعرف ع شباب السنة 09 و احب انبه و اذكر انه في مفاجأة ( ان شاء الله ) في اول يوم دراسي

في اليوم التثقيفي الاكاديمي للكلية فأتمنى الكل يحضر


ايوة صح


مبرووووووووووووووك عليكم هذه الكلية

و انا أوكد لكم انكم ستجدون ما يرضي طموحاتكم و اهدافكم و الصيدلة علم كبيييييييييييييييييييييييييييييييير و بحر لا ينهتي لألئه ( جمع لؤلؤ اذا ما غلطت فيها هههه ) بس الباحث عن العلم هو الذي سيجد لؤلؤته الخاصة


تحياااااااااااااتي لكم

و ربي يسسسسسسسسسسسسسعدكم

:)

[دلوعـــــة أبوهـــــا]

اهلااا وانا كماااااااااان انقبلت صيدلة ومررررررررررررررررررررررررة متحمسسسسسسسسسسة

[Dr. Kheeloo]

احلى شي الحماااس

الحماس وقود العمل

ربي يسعدك

:)