الجامعه جاهزه !!!!

[F&R]

السلام عليكم
كيفكم وكيف الداوم معكم أنا اليوم رحت الجامعه أبغى أفهم كيف كانو يقولو الجامعه جاهزه
بالبدايه دخلت مع البوابه اللي عند حي النسيم وكان الوضع تمام
وكمان بوابة السليمانيه تمام
بس صراحه الممرات كلها تراب وطين والمواقف مرررره تراب وطين
وكانت البوابه حقت الهندسه اللي من الشارع كان قدامها مرررره طين وكانو حاطين زي الخشب أو كرتون عشان يمشو فوقو الطلاب ومايقدر يمشي فوقو الا طالب واحد
وكمان البوابه الحديد اللي قدام مواقف الأدوار على المدخل كدآ على جمب فيه كمية طين ماتقدر تمشي فوقها السيارة
كان أول محاظره عندي انقلش بمبنى (48) المبنى مرررررررررررررره مغبر وطين ومايصلح للدراسة وكان مافيه محااظرة
المحاظرة ثانيه كانت برمجة حاسب بمبنى (79) الكلاسات كانت نظيفه مره وفيه دروس
الأسلام ماحظرت كان بمبنى (125) بس كانت مواقف المبنى ماتبشر بخير
وكان عندي رسم هندسي بمبنى (22) كان المبنى نظيف مره والكلاسات نظيفه بس الحمامات وانتو بكرامه مرررره وسخه
وشدني شي غريب كانو حاطين أكياس جواتها تراب وحاطينها زي السد عند كلية الهندسه مدري ايش الهدف منها يعني راح توقف السيل ولا ايش صراحه ما أعرف
">
هذي البوابه حقت الهندسه وزي ماانتو شايفين
">
دي المواقف وشوفو كيف مليانه مويه وطين وتراب
">
دي صورة واحد من اللابات بمبنى الأنقلش شوف كيف الأرضيه مليانه طين وباقي كلاسات المبنى كدآ
">
دي صورة السد اللي مسوينو

[pharm.d .s]

الجامعه مو جاهزة
بس يتفننون في تعذيبنا
اصلا عندهم ارحم نموت ولاناخد اجازة زي الخلق

[امونة المزيونة]

كلام الصحف لاتصدقوه قاااااال جاهزة قاااااااااااااال..
الله يعيننا ع بكرا خصوصاا انو الكل ناوي بكرا يداوم حيصير زحمة غير طبيعية!!


ومشكور ع التغطية!!

[دلوعة الإقتصاد المنزلي]

كلام الجرائد عن الجامعة بعد الفيضان

مسرحية شاهد ما شفشي حاجة

خلاص الأجواء صافية

و الأغلبية حيتوكلو على الله و حيداومو من يوم الإثنين

20-12-1430