بنات هاليومين

[بسكأتي أذلك]

السلام عليكم ورحمة الله وبركاته ..

انا ياجماعةالخيرحابه اتكلم عن موضوع قديم ومغبر في راسي كل ماافتحه في منتدى ينحذف موضوعي ولايتقفل عليه فيه ولا يقلون انقلعي انتي وياه سوا ولااحد راضي يسمع مني هالموضوع خيرشر مماشكلي تراكمات نفسيه كثيره عموما بجلس اهذر في هالموضوع لين يقول النص الذي ادخلتيه طويل مره والمنتدى مايقبله عشان احس اني طحنت الحب الي براسي كله ..

نعم بنات هالجيل ( من أنتم ؟ ) ..

خلونا نتكلم عن بنات هاليومين ونقارنهم ببنات الجيل القديم ايام ابائنا واجدادنا ..

زمان امي كانت البنت عن عشر رجال ترعى بالغنم من يوم عمرها سبع سنوات وان ضيعتها ولله ان ياكلونها واقفه

ولاعمرنا سمعناهم استوردو خدامات ولاهم يحزنون



ولاعندهم تقنيه ولاواتس اب ولا ايفون 5 ولاخرابيط ولاشي ولاشي ولاعمرنا سمعنا وحده فيهم قالت انها كانت تطفش ولاكاانو يعرفون كلمة طفشاانه

كانويجلسون العايله كلها كامله ولافيه احد بينهم يضحك مع الجوال

يعني قلنا تغيرت الدنيا وتطورت ولكن اللي جالس يصير امر مبالغ فيه ..

الحين لوسكروعلينا في غرفة مافيها لاتلفزيون ولانت ولاجوال ولاشي وربي مانقدر نقعد ثانيه ولانعيش ابد ابد

ليش طيب نطفش وزمان كانو زيهم زينا ولايطفشوون ولاكانت هالكلمه تطرا في مجالسهم

السبب لانا علقنا انفسنافيهاالتقنيه الفاشله ولاصرنا نشوف الحياه الابها صح لها منافع بس مييييين الي استخدمها صصصح قليييييل

هالجيل صار دلع بزيادة ورجل على رجل ولا شغل ولا مشغله ؟ لييييييييييييييييييييييييه

ليه كل بيت سعودي محتاج لخدامه على الرغم من وجود من 4 بنات الى 6 في البيت الواحد ..والله لووحده منهم لعنت ابليسها ان تساوي عشرين شغاله من الي نستوردهم دلع زايد وطلعات وجيات مع هالسواقين وليتها لمشاورين مهمه الا يروحون يغيرون جو ويوسعون صدورهم ..

ولي يفقع القلب لاشفتي ناس غصصصصصب تجري وراء التطور وقامو يبربرون ويهذرون في المجالس عن الفيس والتويتر والواتس والخرابيط وهم من جنبهاا المشكله انهم كبرجدي عيب ولله هالحركات اعقلوو الناس وصلت القمر وانتو ابلشتوني بالهشتاق والخرابيط حقتكم اسكتو ولي يرحم امكم

فشلتوونا
يازين ايام زمان كانت السووالف غيررر لهاطعم ثاني الحين ان تكلمو ودك يسكتون

كل سوالفهم تجيب الغثى

اعطيكم مثال للواقع الي عايشته صديقتي كان جوالها ابوكلب مدري برج العرب المهههم بعد فتره غيرته لبلاك بيري

الله لايبارك في الي اخترعه لنا

وصاارت ماتضحك ولاتسولف معي كل سوالفهامعه والسماعات من فوق العباه صار شكلها تقلون لاب توب شابكينه في شاحن كل ماروح ادوراحد اهذرعنده الاقيهم يضحكون ويسولفون مع الجولات ع بالي يضحكون معي
صار زمااننا زمااااان الصمت ماحد يكلم احد كل واحدفي حاله

وربي خواتي في البيت نسيت شكلهم اربع وعشرين ساعه ع الجولات وع الفيس بوك -الله ياخذ ابليس الي اخترعهم
وحتى ان سولفو ودك يسكتون صارت سوالفهم ماصله كلها عن نكت الفيس

هذي شغله خلصت منها ----

الشغله الثانيه الي البنات طايحين فيها وهي مووووضةالدلع الماصل الي ودك تقتلين صاحبته ورجو امنا فيه كل مااروح منتدى فلانه ودها تصير طبق الاصل من علانه وكان الدلع الماصل شعر تحفظه المشكله ان بعضهم كانها يوم تدلع ان عندها حاله نفسيه

لله في خلقه شؤؤن

ع هالطاري اختي قبل فتره تقول انها شافت وحده تفكرها تبكي اوشي تقول يوم ناظرتها زين الاهي تضحك مدري تسولف وبعد التحريات طلعت البنت تبغى تدلع بس مشكلتها انها ماصله - الحمدلله الي ماخلاني اشوفها

المشكله الثالثه الي راح اتطرق لها

وهي جراايم الخدم

لاتلومووونهم لوموانفسكم اييييييه لومي نفسك

فيه احد ضربك ع يدك وقال دخليهم مع الباب

اعرف بنات كاس المويه ماتجيبه لها الاالخدامه ..

يعني وجودها مثل عدمها ولذلك كثرت العماله عندنا وياكثر مشاكلهم والمشكلة لاسوو مشكلة حطينا السبب فيهم لا والله انا من هذا المنبر اقولها المشكلة فيكم انتم يالبنات حلوها بنفسكم وفكونا من غثى الشغالات ومشاكلهم الي ماتنتهي ..

..

انتم والله السبب وانتم اللي بيدكم الحل اتركوا هالحركات وساعدوا امكم في المطبخ وخلونا من حركات المياعه وارجعوا زي بنات اول ..

ارجعوا الى رشدكم الأمة الإسلامية بحاجة لكم ..

هل تعلمون أنكم تجعلوننا نفر منكم بهذا الطابع المخزي والدلع الماصل ولي يفقع المراره ؟

؟

ملاحظة :

ماوضعت الموضوع الا لتوعيتكم وأتمنى الردود تكون لإيجاد حل لهذه المشكلة التي ستدمر الشعب في غضون سنوات قليله ( إن أستمرت ) ..</B>

وتراني اكتب اللي بخاطري واهم شي اوصل الفكره بأسلوبي فلا يجي احد يتفلسف ويدور الأخطاء طبيعي تكون موجوده لكن اهم شي اوصل رسالتي - ولاتنسوون كلمةشكرا بعد القراءه واعلمن ان موضوعي هذا ماهو الى سلسله لمواضيع قوويه - والسلام عليكم ورحمةالله وبركاته -

[سملّق :)]

كفو والله يا بنت الرجال :)

قمتي وتكلمتي ووفيتي وكفيتي .. وقلتي الكلام اللي نتهرب منه من سنين طووووويلة

شعبنا يحاول انه مايربط مشاكل الخدم فيهم ،، يحاولون بأي وسيلة يبررون للخدم دخول منازلنا
واذا صارت الجرايم والمشاكل !!! قالوا : الجنسية الفلانية ماهي كويسة !


الللي ماهو كويس يابابا هو : تفكيرك



دول العالم الثالث وهم افضل منا اقتصاديا وسياسيا واعلامياً وعلمياً

اتحداك تلاقي بيت من الطبقة المتوسطة او حتى فوق المتوسطة لديهم خادم او خادمه أو سائق !



عندنا في السعودية :

حتى الطبقة الـ تحت متوسطة " لديهم خدم وسواقين وحشم "






ما خوفي الا بكرة لو تنشب حرب ،، والله نروح فيها وعيالنا ربيناهم على الآيباد والآيبود !


اخشوشنوا فإن النعم لاتدوم

[gzl GZLAN]

طب انا باعرف عائله بكبرها والدهم طبيب واخوانه اطباء وفي المستقبل القريب رح يطلع من بناته واولاده اطباء وربنا يكرمهم يفتحو مستشفى على مستوى رفيع من الجوده
وعادي بناته بيدخلو المطبخ ويطبخو الي يعرفو هو مو لازم يكونو زي الشف رمزي وغرفهم هما الي بينظفوها والباقي على الخدامه عادي يعني مش موضوع بعدين تعالي هنا فين الششباب مايوصلو اخواتهم مشاويرهم بدل مايكونو مع السواق يفرفر بيها الدنيا


بالنهايه البنت هتطبخ ازا صبر ابو الشباب سنه طيب منو والله لو يموت فيها الا المعده فهيا اقرب طريق الى قلب الرجل

[S.Bn]

بعدين تعالي هنا فين الششباب مايوصلو اخواتهم مشاويرهم بدل مايكونو مع السواق يفرفر بيها الدنيا

+1000000000000000

[A.r.s]

لا تقارني بالجيل القديم رجال او نساء لأن الزمن اختلف ولكن تستطيعي ان تقارني البنت الخليجية بأي بنت في أنحاء العالم فهي الوحيدة التي بحاجة لشغالة وكان حياتها عبارة عن نفاس الحامل

[بسكأتي أذلك]

المشاركة الأصلية كتبت بواسطة سملّق :) كفو والله يا بنت الرجال :) قمتي وتكلمتي ووفيتي وكفيتي .. وقلتي الكلام اللي نتهرب منه من سنين طووووويلة شعبنا يحاول انه مايربط مشاكل الخدم فيهم ،، يحاولون بأي وسيلة يبررون للخدم دخول منازلنا واذا صارت الجرايم والمشاكل !!! قالوا : الجنسية الفلانية ماهي كويسة ! الللي ماهو كويس يابابا هو : تفكيرك دول العالم الثالث وهم افضل منا اقتصاديا وسياسيا واعلامياً وعلمياً اتحداك تلاقي بيت من الطبقة المتوسطة او حتى فوق المتوسطة لديهم خادم او خادمه أو سائق ! عندنا في السعودية : حتى الطبقة الـ تحت متوسطة " لديهم خدم وسواقين وحشم " ما خوفي الا بكرة لو تنشب حرب ،، والله نروح فيها وعيالنا ربيناهم على الآيباد والآيبود ! اخشوشنوا فإن النعم لاتدوم

ايووولله انه من جد كلامك و بعضهم خدامتين عندهم
واخر الشهر يتسلفون هعع

ولي يفقع القلب بعضهم يجيبون خدامه عشان تقلد فلانه علانه

ايولله لوجاء حرب مايبقى الا جيل الطيبين الي عاشو مراهقتهم وطفولتهم ع جوال برج العرب

[rubi]

انتي تنتقدي اشيا لها ايجابيات

والرسول نفسه ماطنش الاشيا الجديدة الموجودة بعصره
ولا قال دا حق كفار نسيبو
بالعكسسسس اعترف فيها واتعامل معاهم بالشي اللي هما يتعاملو فيه لمن كان يرسل رسايل للملوك عن الاسلام

كمان ماذكرتي البنات بيعملو كدا طيب والرجال اللي بالبيت معاهم ايش بيعملو
نسيتي انهم يسافرو يسوو المحرمات كلها؟ بس البنت تغلط وهي فبيت اهلها لسا ماجات مرحلة البنت تقول ابغا اكمل حياتي في الدولة الفلانية ودا قراري الشخصي لانها بالنهاية حتدخل قبرها لوحدها زيها زي اخوها اللي يسوي كل مابداله بالطريقة اللي تعجبه

يمكن صح كلامك في نقطة اننا ماسرنا نتعامل مع بعض معاملة طبيعية لازم بين الاصحاب احد عينو عالجوال ومبتسسم


وبالنهاية احب اقلك
لو في شي مو عاجبك( لاتشتريه ولا تسويه وعيشي بافكارك)
ولو شي عاجبك وحابة تاخدي دور الشغالة سويه واعمليه لانه عاجبك ومقتنعة فيه

محد حيقلك لااا تنظفي نبغا ندفع راتب للشغالة صح؟

شي ماتسويه انتي بالفعل لاتنتقديه

[استغفرالله>_<فوفو]

بصرااااااااحه كلامك كأنك قلتي اللي بخااااطري وين صله الرحم واجرها خلالالالاص لاحول ولاقوه الا بالله الكل مشغوول بالكلام الفاضي لو بيكلم احد واشي بالواتس يعيد عليه ويسلم عليه مفي زيارات وين ونااسه زماان الله بس لو ترجع الايام الحلووه ماطلع الخراب وماضاعو شبابنا وبناتنا ال هالتقنيات وللاسف اغلبهم استخدمها استخدام خاااطئ سهلت لهم التعارف الحرام ووو حسبي الله ونعم الوكيل
وع قول اخوي لو صار حرب الله يرحمنا

[خاتم سولتير]

اتفق مع كلامك (بسكأتي أذلك)

بس التكنولوجيا والاتصالات لها فائده كبيرة عند الغرب لانها قربت بينهم
أما العرب أساؤو استخدامها فبعدت بينهم وسببت لهم قطيعه وحاله تقوقع مع الموبايل

الله المستعان

[coOola]

,’



حسسيت إننا بـ نفكر مع البلاك والآيفونز وهـ الأشياء !


طيب يا غالية افتحي مووضوع شباب هـ اليومين !!

لو كانوا الشباب بـ نفسهم يشيلون مسؤولية غرفهم ودورات المياه الخاصة بهم - أكرمكم الله -

يمكن قلت نسبة الخدم !!

ولو الشباب شالوا مسؤولية أهلهم بـ البيت برضه ما كان وجدنا السواقين !


كمان مو شرط يكون عندنا خدامة عشان فضاوة وحنا كذا !!

فيه سيدات يشتغلون، فـ وقتها ما يساعدها ترتب بيت طول بـ عرض + طبخ وكرف + مسؤوليات أسرية تجاه زوجها وولدها + شغلها ومتطلباته + رافهيتها الذاتية !!

وجدت التقنية لـ خدمتنا ومن الله علينا بـ سعة الرزق عشان ننعم بعيشة طيبة

مو عشان نحشر أنفسنا ونضيق عليها !!!!

إيه معك فيه تقصير ودنيا وزحمة ، بس ما يعني هـ الشيء إنه جيلنا فاسد لأن معاه آيباد وآيبود وخلاافه =/ !!

يعني إذا أردت أن تطاع فـ أمر بـ ما يستطاع ^^"


في وجود التقصير والخلل ، ما نعمم ونلغي الفايدة ..!

بل نوعي ونثقف الموجودين بـ هـ الانفتاح وهـ التقنية ، ونبطل نشتري لـ عيالنا آيباد وخلاافه في سن صغيرة ونحملهم شوي مسؤولية !!

الخادمة موجودة وندخل المطبخ ونشيل ونحط وعادي لأنها ميب روبوت، ولأن ذا واجبنا أجمعين نشيل مسؤولية أنفسنا =)

التقنية موجودة بس لـ كل مقام مقال ، وإذا فيه شخص عقليته على قده ويستخدمها في غير استخدامها ما يعني إن " الله ياخذ اللي اخترعها =/ " !!

تجاهل الشيء ما يعني بـ كذا ألغينا تأثيره علينا =/ !!


لازم نحرر عقولنا من هـ القيود ونسخر الموجود لـ خدمتنا


دمتم بـ خير =)