Lesson4: 2-Rescuer CPR - Adults

[Dr.Passed]

السلام عليكم ورحمه الله وبركاته

كل عام وانتو بخير وصحه وسلامه ان شالله
كيف صيامكم..؟ الله يتقبل من الجميع ان شالله ..

طبعا اسفه اذا الدروس زادت عليكم بس انا بحاول اقسمها اخليها صغيره و بسيطه واديكم هيا حبه حبه عشان ماتستصعبو الموضوع وتملو منو..اصلا خلاص بس باقيلنا شي صغير و البزوره و البيبيز( هما نوعين الاطفال صح؟ ولافي شي كمان ما ادري عنو؟ ) عموما في دروسنا عنهم في ال CPR محانسميهم نونو وبيبي وبزوره ومش عارفه ايه...عيب دا الكلام ينقال قدام الدكاتره لحد يسمعناا...في مصطلحات تانيه حناخدها.هادا بس بيني وبينكم..حنقسمهم تقسيمه تانيه على حسب اعمارهم اذا حبيتو ناخد دروسهم ..

درسنا اليوم قصييييييييير وكلامو قلييييييييييل ( بس برضو حاخد راحتي ) يعتمد الدرس دا على Lesson1 لازم تكونو عارفين خطوات ال CPR كامله اوكي؟

_________________________________

Two-Rescuer CPR

لمن يحصل عندنا حاله تحتاج CPR ويكون عندنا اكتر من شخص متوفر ممكن واحد يبدأ خطوات ال CPR و التاني يطلب المساعده ويجيب ال AED بعد كده بدل مايريح نفسو ويقعد متفرج ممكن خطوات ال CPR تنقسم عليهم...يعني يسير واحد يدي breaths و التاني يدي compressions..طبعا لازم يكونو سريعين وكل واحد مع التاني..ينتبهو انو يكون شغلهم ورا بعض بانتظام..مو هادا يخلص breaths يجي داكا التاني " اوووو ما انتبهت..يلا 1,2,3, " لازم كل واحد يحيي قلبو مع التاني و الشغل كلو على بعضو يدي cycle كامله صحيحه..

بعد كده لمن يجو يبغو يتبادلو الاماكن...الي كان يدي breaths يسير يدي compressions و العكس...في طريقه وترتيب للموضوع...مو داكا ينط فوق الضحيه و التاني يدعس مدري فين يطير..

الطريقه كالاتي:

الشخص الي يدي compressions لازم يعد بصوت ( عالي واضح ومسموع )
"1.2.3.4.5.6.7.8.9.10.1.12.13.14.15.16.17.18.19.20. 21.22.23.24.25.26.27.28.29.., (switch ) "

لولاحظتو ماقلنا 30 >>>قلنا switch عشان ال rescuer الي بيدي breaths يفهم انو يالا نبدل...انت تاخد مكاني وانا اخد مكانك...فهمتو كيف؟ طبعا الفيديو حيوريكم كيف الحركه تكون ( تبادل الاماكن) ..طبعا يفضل انو احنا نقول كده ( فيكل الاحوال كل دقيقتين يستحسن انهم يكونو متفقين انهم يبدلو الاماكن عشان مايتعبو )

اتفضلو اتفرجو..على الفيديو يوضحلكم ( سيبوكم من الربع الاخير مو موضوعنا الان)

http://وبس...هادا موضوعنا اليوم>>>

[Dr.Passed]

ملاحظه/ الارقام ما ادري ليه تنقلب معايا ( هيا مرتبه يا جماعه بس ما ادري ليه تنزل كده) ِ

[Dr.MEEM]

يالللله مرا حلو الدرس عجبني
لان الموضوع هدا كان في بالي انو لو تعبت في احد يقدر يساعدني او لا !
مرا شكرا حبيبتي على كل جهودك في ميزان حسناتك يارب :)
مرا انبسط لما اشوف دروسك ومبسوطه لاني اول وحدا رديت

يعطيك العافية قلبي وانتظر باقي الدروس !

[ζ ـــږۉف الـتـ’ـمـيـــزْ]

يعطيك العافيه


كله واضـــــح

ماقصرتي

[Dr.Passed]

المشاركة الأصلية كتبت بواسطة dr.meem يالللله مرا حلو الدرس عجبني لان الموضوع هدا كان في بالي انو لو تعبت في احد يقدر يساعدني او لا ! مرا شكرا حبيبتي على كل جهودك في ميزان حسناتك يارب :) مرا انبسط لما اشوف دروسك ومبسوطه لاني اول وحدا رديت يعطيك العافية قلبي وانتظر باقي الدروس !

الله يخليكي اختي ❤
...طيب كنتي سألتي ليه تخلي في نفسك سؤال الله يهديكي
ان شالله نقول...اهم شي عجبك الموضوع

[shiki]

شكرااا dr :D كان الدرس سهل مره حبيتو ...
و بالعكس انا استنى دروسك و كنت احسب إنها خلصت xP

طيب نرجع لموضوعنا ... دحين باختصار انو لما يكون في احد بيساعدنا وقت مانعمل ال switching معاهم نروح علا الجهه الفاضيه مو نفس مكان الشخص "ازا كنا احنا الشخص الي بيعطي البريثز "


طيب سؤال دحين هيا كانت ماسكه رأس المريض ورافعتو برجلها ولا ؟؟؟

[Dr.Passed]

المشاركة الأصلية كتبت بواسطة shiki شكرااا dr :d كان الدرس سهل مره حبيتو ... و بالعكس انا استنى دروسك و كنت احسب إنها خلصت xp طيب نرجع لموضوعنا ... دحين باختصار انو لما يكون في احد بيساعدنا وقت مانعمل ال switching معاهم نروح علا الجهه الفاضيه مو نفس مكان الشخص "ازا كنا احنا الشخص الي بيعطي البريثز " طيب سؤال دحين هيا كانت ماسكه رأس المريض ورافعتو برجلها ولا ؟؟؟

بالنسبة لتبادل الاماكن ايوا بس يزحفو زي الفيديو محط يقوم يمشي ...
لا لا رجولها قريبه من الراص ( مو تحتو )

[sweet teen]

درس اكثر من رائع
تسلمي يا دكتورتنا

[maryam.n]

دكتر باسيد أحييييك ما شاء الله عليكي كفيتي ووفيتي في ذا الدرس وكل اللي قبلوا ما شاء الله
صراحة نفسي أشكرك بقووووة و إنتي من جد طبيبة رائعة وان شاء الله لك مستقبل باهر ،، أتمنالك التوفيق مرة استفدت حمدلله

[Dr.Passed]

Uppppp