شباب صبايا اطمع في نصيحتكم ورايكم جدولي بين يدكم :)

[ماهمني غيركـ]

*محاسبه حكوميه : انا اخدتها مع سارة بكر ومرررة كانت المادة حلوة معاها وسهله واسئلتها بالمرة حلوة

بس السنه الي راحت ماكانت بالجامعه فمدري اذا السمستر الجاي موجودة او لا


*متوسطه 1 : اخدتها مع صباح شرحها بالمرة حلوة وتفهمني منها كويس بس اسئلتها مو سهله
ونهال طيوبه واسئلتها حلوة بس الشرح مو مررررة

*تكاليف : رغداء وريم صقر كلهم حلوين
انا اخدتها مع رغداء
وريم صقر كمان شرحها واااضح وحلو


*مالية شركات : اخدتها مع سحر بالمرة المادة حلوة والاسئله سهله معاها وتضمني درجاتك اذا مداكرة كويس

*كمادة اختياريه : اخدت نظام سياسي مع امل عرب مرررة المادة حلوة معاها

بس امكن السمستر الجاي ماتدرس المادة تاكدي قبل لاتضيفيها

ولو معاها توكلي جدا ممتععه المادة معاها


واتمنى اكون افدتك :)

[ماهمني غيركـ]

المشاركة الأصلية كتبت بواسطة نوف المسلماني طيب نظام سياسي سعودي عن ايش تتكلم ومين احسن وحده تعطيها مدري ليش من اسمها احسها معقده وتجيب الالم

بالعكس المادة حلوة وسهله تتكلم عن نظام المملكة في الحكم من ايام الملك عبدالعزيز لين الوقت الحالي

ومع امل عرب المادة حلوة وسهله

[BoBy]

حكومية : انا لسه ما اخذتها بس ان شاء الله هذا الترم لو نزلوها مع وحده كويسه حاخذها

متوسطة : أنا انصحك في سحر جبروني طبعا وهي دائما تعطي المادة :-)

وبالنسبة لمالية شركات : اخذتها مع نسمة السمستر اللي فات
اوك متفقين شرح لا يعلى عليه واسئلة اختبارات سهلة وحلوة لحد دحين كل شيء تمام وتجيبي درجات في الدوريات فوق العال وتطلعي في النهائي والفرحة تسبقك بس تعالي اوصلي للحظة تنزيل الدرجات تنصدمي بدرجة غير شكل
وهذا اللي صار معانا انا وصحباتي ومعظم اللي كانوا في شعبتها الترم الماضي
وكل البنات راحوا يراجعوا لو عندها في غلط وكانت تتهرب من انها حتى تورينا اوراقنا :(

تكاليف : اخذتها مع ريم صقر شرح لا يعلى عليه بس تعامل زفت وماعندها اسلوب ابدا
ولو لقيتيها مع رغداء خير وبركه انا اخذت مواد مع رغداء ومره كويسه

[Banno0osha]

شوووووووووووووووووووووووووووووكراااااااااااااااااا ااااا

الله ياخد بيدنا ويوفقنا ويحقق امانييييينا :)