أريد رأيكم

[أبو كحل]

يا إخوان أنا طالب تحضيري معدلي 3.56 والنسبة 77.444
الآن كلي همي في قبولي في الهندسة أو رميي في كلية وتخصص ما أبغاه ،، ايش رايكم أعيد السنة التحضيرية وأكرف ع نفسي عشان أجيب نسبة تشرف وترفع الراس ،، بس ما أعرف هل أقدر أطوي قيدي ولا فات الآوان ؟!!

[~Me~]

روح بكره لهم وكلمهم قول لهم كيف لو بسحب ملفي واسجل ثاني

التسجيل ما قفل حتى الآن اتوقع في امكانيه

حاول وشوف بس لا تتأخر

[عبدالرحمن الجهني||~]

هلآ آخوي
حرام تعيد سنه كامله
لكن الافضل ادخل تخصص يكون مقارب لتخصص الهندسه
يعني تكون فيه مواد مشتركه بين التخصصين
فيصير تشد حيلك بالترم الاول وتجيب معدل حلو
ثم تطلب تحويل للهندسه
بكذا مابيكون فات عليك شيء
وبتكون ماشي تمام
بالتوفيق يارب

[Somaiah Yousef]

حتضمن قبولك ؟

وثاني شي مافي مجال خلاص

اخر موعد لسحب الملف كان 1/8/1435

[Reem Mohammed~]

المشاركة الأصلية كتبت بواسطة فيونكـه حتضمن قبولك ؟ وثاني شي مافي مجال خلاص اخر موعد لسحب الملف كان 1/8/1435

+1

لو انت مصر ، روحلهم بكرا من الصباح وحاول معاهم
روح عند كذا واحد ، واسأله رأيه ، يمكن تقدر تطلع بنتيجه

بالتوفيق ياارب

[جامعي تحضيري]

ﻻااااااااااا مررررة ما انصحك تعيد التحضيري ما صدقنا نخلص منها الحمدلله

ياعمي منت داري وين الخييره شوف يمكن تدخل هندسة موازي او شمال او حاسب وتقدر تحول بعد ترم او كلية العلوم وتحول بعد ترم

انا حلمي ادخل صيدلة بس ناقصني درجتين تخييل بس درجتين عشان اجيب النسبة الخاصة ونسبتي العامة ان شاء الله تدخلني صيدلة بالراحة بس مدري وين الخيرة انت ادعي وان شاء الله خيير

للمعلومية فيزيا المنسق الفرحة رح يرووح وما تدري مين يجي وممكن تكون دفعة 15 ادفر من دي الدفعة وتندم بعدين

في النهاية انت برااحتككك
وتم تمديد فترة الانسحاب الى يوم 23 شعبان ونتائج التسكين 17 رمضان

استخير قبل كل شي

[x3bade]

صراحة انا اشوف انك تعيد السنه من جديد وتشد حيلك السنه الجايه
وترا نسبة الهندسه بسيط اي احد اقدر اجيبها لو شديت حيلك شويه

بس اذا تبغا تدخل كلية وبعدين تحول لكلية الهندسه فأتوقع افضل كلية تدخلها هيا كلية تصاميم البيئه لأنها الأقرب لكلية الهندسه
بس ما ادري احس طريقة التحويل حيكون صعب

بس شوف صراحه قاعد اطالع في نتايج التسكين حق الدفعه الي راحت
الهندسه الموازي اقل نسبة قبلت هيا 76.4
بس هل انت جبت النسبه الخاصه للهندسه ولا لا؟
لو جبتها ممكن تنقبل موازي بس الواحد ما اعرف ممكن النسبة تزيد ممكن تقل

والله اوفقك وعليك بالإستخآآره

[Dr.mariam]

استاذ حسام نزل التويتة اليوم , اذا تحب تسحب عندك فرصة ان شاء الله ..
أستخير قبل كل شي ..
بالتوفيق

[ماركوانا]

اول شي الله يوفقك في التخصص اللي تبغاه
ثانيا حبيت اسئل كيف طلعت المعدل من 100 ...؟

[Faris.A]

انا بأقلك رأيي ولك القرار
اول حاجة لازم تعرف انه معدلك بيستمر معاك الين تخلص الجامعة ومن الصعب جدا انك ترفعه وحتى لو طلع ما بيطلع كثير امكن عالمادة 1 من 10 هذا اذا اخذ كامل
ثاني شي انتا شووف نفسك هل اذا عدت السنة هل حتقدر تجيب درجات اعلى مع العلم انه المنسقين قد يتغيروا
واذا قررت تسحب وتعيد الافضل انك تنتظر الين تنزل نتائج التسكين وبعدين قرر
واستخير قبل كل شي والله ييسر لك امرك