مستجد ~ ساعدوني لو سمحتوا !!

[Abdullah.aj93]

السلام عليكم
انا انقبلت في كلية الاقتصاد والادارة
بس حبيت اعرف ايش الخطوة اللي اسويها الحين ؟
كيف اتخصص ؟ ومن ايت خانة في الاوديوس ؟؟؟

[‏cДяǎṀёŁǎ™●•]

الجمآعة يقولو ترتيب التخصصآت نزل في الأودس وقفل ..!
بس بصفة عامة التخصص رح يكون بعد مآ تدرس ثلآث مستويآت ..
غير إذآ تبغَ تخصص إدآرة مستشفيات فعلى طول رح تتخصص ..


إن شآء اللهـ غيري يفيدك أكثر ..
بالتوفيق للجميع :)

[سماوة روح]

انا كمااان مستجدة واللي اعرفو تدرس 3سمسترات عام حسب خطة تلاقيها بموقع كليه الادارة والاقتصاد7اقسام العلميه7محاسبه7 بكالوريوس 7اانتظام 7الخطه الجديده
وحسب معدلك تتخصص بالكليه
وراح ينزل لك جدول تعدل وتضيف فيلو ونزلو قبل كدا ترتيب التخصصات بس ممكن يفتحوه تاني ما اعرف

[Aboodi A.S]

أهليين و سهلين و الف مبروووك القبوول

بالنسبة للتسكين في مستجد اعمال- عام تدرس 3 سمسترات و بعد المستوى الخامس تتخصص في واحد من الأقسام العلمية هي (المحاسبة - نظم المعلومات الادارية - التمويل - الموارد البشرية - التسويق - ادارة اعمال) و التخصص يكون على حسب المعدل .. ماعدا ادارة مستشفيات تتخصص على طوول و شوف الخطة الدراسية زي ما قالت لك الاخت

[Abdullah.aj93]

مشكورين كلكم وما قصرتوا
بس انا اعرف انو لازم اختار ادارة اعمال او اقتصاد او ادارة جودة ومستشفيات عشان ينزلي الجدول
لانو الين دحين ما نزلي جدول

[سماوة روح]

ماني فاهمه قصدك بس انا مستجدة اعمال علمي ولسى مانزل لي جدول ان شاءالله حيفدوك

[Abdullah.aj93]

انا كان عندي صيفي وخلصت وبعدين جاني القبول في كلية الادارة صرت مستجد علمي بس.
ايش اسوي دحين عشان ادخل ادارة اعمال ؟؟
وكمان هل راح ينزلي جدول او انا اضيف المواد حسب الخطة ؟؟

[colorful bubble]

المشاركة الأصلية كتبت بواسطة Abdullah.aj93 انا كان عندي صيفي وخلصت وبعدين جاني القبول في كلية الادارة صرت مستجد علمي بس. ايش اسوي دحين عشان ادخل ادارة اعمال ؟؟ وكمان هل راح ينزلي جدول او انا اضيف المواد حسب الخطة ؟؟

اول شي الحق على نفسك واضيف دي المواد

بعطيك مواد خطة مستجد علمي

elib 201>>>انقلش
stat271>>احصاء اعمال
acct117>>محاسبة
arab101>>عربي1
econ107>>> اقصاد جزئي

ويمديك تروح تسال عن التخصصات لانو نزلت تخصصاتنا بس يمكن يحذفوها زي الطيبين اللي قبلنا اتوقع
خلوهم بعد مايخلصو اعمال عام يرتبو التخصصات تاني

فشد حيلك