اختبار هيئة التخصصات الصحية بالرياض

[مسايس العبرة]

السلام عليكم ورحمة الله وبركاته
من باب رد العرفان للمنتدى والي بالمنتدى حبيت اطرح تجربتي بالحصول على بطاقة هيئة التخصصات
اولا يعطونك نموذج تعبية وترفق معاه bls وصورة البطاقة وصورة الوثيقة وصورة السجل مع احضار الاصول
تصف تاخذ رقم والله يعينك يعني كل مابكرت افضل لك لانه كل موظف ياخذ على واحد 20 دقيقة والي شغالين موظفين بس
يعني ماياخذ الشهادة ويطابقها وتدفع الرسوم 3 سنوات 1460 وخمس سنوات 1700 ريال بطاقة عندهم مايحتاج تاخذ كاش
يواعدونك الاثنين لانه اختباراتهم الاثنين من كل اسبوع يعني الي يجي الاحد يختبر من بكرة
بيوم الاختبار يمر الاستقبال علشان يرسلون اوراقه ويروح الدور الثاني يسار بيسار المكتب قبل الاخير تنتظر تمره تسالة يقولك انتظر
غالباً لين تجي اوراقك لين يناديك تدخل على الدكتور غالباً يمر عليك الاسئلة
تكلم عن نفسك ووظيفتك الحالية
تكلم عن بحثك
يناقشك فيه شوي
يناقشك بامور العمل شوي
يطلب منك تجيب خمس مصطلحات باالانجليزي سواء اقسام مستشفى امراض
الدكتور والشهادة لله ممتاز جداً وطيب ومتساعد الي بيختبر يسرد عليه ولا يسكت ربع ساعه تقريباً ويقول الله يستر عليك
وطبعاً عاد من بكرة تاخذ البطاقة
والله يوفق الجميع لما يحبه الله ويرضاه

[الأسعدي]

مشكور بيض الله وجهك

[أبو ريان1]

يعطيك العافيه

[بدر حسن بدر]

اخوي المقابله في الهيئه حسب ماسمعت انهم يحولونك لشميسي او مدينة الملك فهد او جامعة الملك سعود انت تعرف اسم الدكتور الي اختبرك

[عبدالله بن نمشان العجمي]

طيب كم مدة الدوره اللي خذيتها كم شهر ؟

وهل في اثناء التدريب يوميا الحضور او منقطعه ؟

واسالة العمل اللي انت فيه هل انت تعمل اساسا فالمستشفى او تعمل في وزارة اخرى ؟

واسف عالاسالة لاكن حبيت نستفسر لاني اليوم مريت الهيئة بالخبر ولا عطوني خبر مؤكد لانها زحمه وغثه والمبنى صغير جدا لايتحمل العدد الهائل اللي يجيه

والسرى لاشفته تنسد نفسك من التصنيف والموضفين 3 ومايلحقون على اي شي ..

والف شكر

[حربي المدينه]

الله يجزاك خير

..........


هل لازم اخذ دوره بمستشفى او مستوصف وولا اروحلهم على طول

[نواف بن فهد]

استفسار بسيط

هل خريج الادارة العامة يستطيع الحصول على التصنيف ؟
وماهي المتطلبات ؟

[بدر حسن بدر]

خريج ادارة مستشفيات يحصل على التصنيف بدون دوره ولا اختبار فقط مقابله وقصدي بتحويل لشمسي ومدينة الملك فهد قصدي يسوي مقابله اداره عامه لا ماياخذ تصنيف

[مسايس العبرة]

المشاركة الأصلية كتبت بواسطة بدر حسن بدر اخوي المقابله في الهيئه حسب ماسمعت انهم يحولونك لشميسي او مدينة الملك فهد او جامعة الملك سعود انت تعرف اسم الدكتور الي اختبرك

مو صحيح هالكلام اختبارك بالهيئة مقابلة مباشرة مع الدكتور الفهيدي حسب ماعتقد ومقابلة شخصية بس

[مسايس العبرة]

المشاركة الأصلية كتبت بواسطة عبدالله بن نمشان العجمي طيب كم مدة الدوره اللي خذيتها كم شهر ؟ وهل في اثناء التدريب يوميا الحضور او منقطعه ؟ واسالة العمل اللي انت فيه هل انت تعمل اساسا فالمستشفى او تعمل في وزارة اخرى ؟ واسف عالاسالة لاكن حبيت نستفسر لاني اليوم مريت الهيئة بالخبر ولا عطوني خبر مؤكد لانها زحمه وغثه والمبنى صغير جدا لايتحمل العدد الهائل اللي يجيه والسرى لاشفته تنسد نفسك من التصنيف والموضفين 3 ومايلحقون على اي شي .. والف شكر

قصدك موظفين بس مو ثلاثة الباقين منظر بس
انا شغال بوزارة ولا في تدريب او اي حاجه الدعوة بسيطة تعال بدري وخذ رقم وقدم وتعال الاثنين واختبر مباشرة بس حاول تحفظ شوية مصلطحات ولا تنسى موضوع بحثك