المواد الحره المتاحة للاقتصاد المنزلي للفصل الثاني 1431 هـ ..

[ساكنه في بيتنا]

دا كلام البنات ..

المشاركة الأصلية كتبت بواسطة duaa=) استاذه سهام فانا اخذت معاها ماده ثانيه اسمها نظام التعليم في المملكه كانت اسئلتها فيها عرفي وعددي واختياري وصح وخطأ- وتحب كمان انك تكوني محضره الدرس قبل ما تجي

المشاركة الأصلية كتبت بواسطة نبراس النسيج السلام عليكم ورحمة الله وبركاته عزيزتي مادة ادارة مدرسية انا اخذتها مع : د/ سميرة باروم بصراحة الدكتورة رائعة والمادة معاها اروع وكانت مررررررررررة حلوة صح المادة حفظها كثير بس مررررة سهلة الاسئلة هي تتفق معاكم من اول محاضرة كيف تبغوا الاسئلة " موضوعي والا مقالي " وتمشي معاكم زيما تبغو حتى النهائي اذا اخذتي معاها تخرجي من المادة تدعيلها وكمان تحط 30 للواجبات والدرجة تاخذيها بسهولة احنا كانت 3 مقالات عن التعليم ومشاكلة وعرض بوربوينت برضه عن التعليم وكمان لقاء مع مديرة مدرسة وكلها واجبات جماعية اهم شيء خذي المادة مع صحباتك عشان الواجبات وازيدك من الشعر بيت ماتاخذ حضور وغياب

[فيزيائيه طموحه]

يا الله يا ساكنة في بيتكم

ماشالله عليكي الله يسعدك ويعطيك على قد نيتك

شايفتك تردي ع الكل بطيب خاطر الله يسعدك ياشيخه وينولك اللي في بالك

تستاهلي الدعاوي الحلوة

ماراح اكتبها هنا عشان تصير بظهر الغيب

انا طالبة تخرج وباقيلي مادة حره ..

اخذت صحة الطفل وتغذيته .. مع استاذة/دكتورة رذاذ جميل أمين سلطان

بحثت عنها كثير بس مالقيت عنها معلومات حتى موقعها لسه فاضي الظاهر جديده ياليت تفيدوني عن اسلوبها وطريقتها و تعاملها

قرأت كلام كتبتيه ان الماده صعبه سهله .. كيف يعني ايش المنهج وكيف كميته .؟

وشكراً

[ساكنه في بيتنا]

اخجلتيني و الله


ما عملت شي دا واجبي اجل ايش فايدتي لو ما ساعدت الناس باللي أقدر عليه ^_^

أ. رذاذ ما قد درست معاها و الله بس هي اللي كانت تعملنا جداولنا معاملتها مرررررررررره طيبه و مرررررررره حبوبه تحسيها اختك الكبيره او الصغير اي شي .. بس البنات يقولوا انها شديده في الدرجات ..


مممممممم الماده حلوه و عن الأمراض و الوقايه منها و علاجها .. مدري اذا حتغير الكتاب اللي درست فيه ولا لا

الكتاب كان صغير بس الكلام كتييييييير ,, تحظي كل مرض اعراضه و الوقايه منو و علاجه و اسبابه ....


اذا انتي من النوع اللي يحفظ اول بأول خديها اذا عندك مواد اعم تركزي عليها احس الماده حتحوسك لا قدر الله ..


آه نسيت اقلك

شكرا على الدعوات الحلوه و الله يجزاك خير و يضاعفها لك ..

[فيزيائيه طموحه]

شكراً ياعسله .. تستاهلي كل خير

امممم اهم شي انها كويسه .. والله انا مو مرة مع الحفظ .. حاتأكد من المنهج منها ان شاء الله ولو شفت اني اقدر عليه كمل .. لو لا ح احذفها

شكراً مرة ثانية الله يسعدك

[ساكنه في بيتنا]

^_^

الله يعينك و ييسر أمرك ..

[ρίήќ яσѕє]

الله يسعدك ويوفقك ياااااارب ياساكنه ع مساعدتك لاخواتك ويعطيك ع قد نيتك ياعسل

انا نزلت ماده (صحه الطفل وتغذيته) بس خفت الصراحه منها لاني اكره الحفظ ومالقيت الا هي

راسي احس بيشيب ماني عرفه اش اسوي طيب اذا بحذفها وش احط بدالها ماده حفظ وتكون سهله وخفيفه
لانو جدولي مضغوط مره ودسم فابغى شي سهل واللي يعرف يقول حبايبي

ومشكووووووووووره ياساكنه الله يسعدك

[ساكنه في بيتنا]

يااارب وانتي كمان و المسلمين جميعاً ..


قبل ما تحذفيها استخيري ربنا و شوفي ايش يسير معاكي ..

المواد اللي اجتمع البنات انها سهله ان شاء الله


اصول تربيه \ ادارة مدرسية \ نظام التعليم \ صحه نفسيه

ربنا يكتبلك الخير يارب ..

[عصر الحاسب]

بنات الله يسعدكم

hed 111
hed 222
ايش المواد هذي وهل هي صعبة او سهله وجزاكم الله خيرا