اسئلة بليز ازا احد يقدر يجاوبني عليها ويكسب فيا اجر

[I can]

السلام عليكم ورحمة الله وبركاته

كيفكم؟وكيف الدراسة ؟إن شاء الله كلو تمام وربي معاكم

انا من اول اتمنى اني اكتب الموضوع دا واتمنى اكتر الاقي احد يرد عليا

انا عندي اسئلة وطفشت من كتر ما اسال ومالقيت الجواب الكافي الشافي ليها

فقلت اسال هنا يعني ازا الدكاترة مشالله ماساعدوني مين حيساعدني؟؟

انا طالبة ف3 ثانوي من المدينة المنورة وامنية حياتي ادرس عندكم في جامعة الملك عبدالعزيز
واتخرج دكتورة منها زي ماما درست هنا وسارت احسن دكتورة في المدينة ..

بس الناس قالو مايسير ابتعث بعثة داخلية لهناك صح ؟
طب حتى لو جبت معدل عالي
انا معدلي في الترم الاول 98.77
وإن شاء الله الترم التاني احسن ومن دحين بزاكر قدرات وتحصيلي
كم لازم اجيب فيهم؟و عالالقل كم لازمني نسبة عشان اقدر اخد بعثة او منحة داخلية ابغا باي طريقة اجي هنا

واقدر اجي من السنة التحضيرية ولا لازم ادرسها هنا؟
بليز احد يرد عليا والله يجعلها في ميزان حسناتكم يارب والله تاخدو فيني اجر

وشكرا

[dr.CILIA]

وعليكم السلام ورحمة الله وبركاته
اهلا أختي وان شاءالله U can
الله يوفقك ان شاءالله وتحققي اللي تبغيه
بالنسبة للبعثات الداخليه اعتقد مافي غير للجامعات الاهليه يعني ماينفع لجامعتنا
بس تقدري تقدمي وتدرسي عندنا من البدايه وهذا افضل من انك تدرسي بعدين تحولي لأنه التحويل صاير مرره صعب
حكاية المعدلات والارقام دي انا مااعرف فيها لأنه كل سنه تختلف عن اللي قبلها بس ماشاءالله نسبتك حقت الثانوي كويسه واصلي والله يكتب لك الخير ويوفقك

[surgeon]

بدي اضيف شئ واحد


انو دخول كلية الطب عندنا الحين يعتمد على السنة التحظيرية....((سنة اولى)) على حسب معدلك في هذي السنة تدخلي طب
بالتوفيق لك

سرجون