لو سمحتوا عندي استفسار عن أ/زينب العايش (عنوان مخالف تم تعديله)

[عاشقة الفردوس]

انا آخذ مادة المدخل للتوجيه مع أ/زينب العايش البنات حذروني منها بس أنا استخرت والحين أنا خايفة الله يخليكم كيف هي ؟

[نسووومة]

أهلا بك ..

بالنسبة للدكتورة زينب العايش انسانة قمة في الأدب والاحترام والأخلاق والرقي في التعامل والأفكار ... ياريت يكون في منها اتنين بس !

هي شرحها ممتاز ورائع .. صح انها ماتتقيد بالكتاب في الشرح يعني مو زي باقي الاستازات يمشو معاكي بالسانتي .. لا هي من النوع اللي تتوسع في المعلومات عشان تفيدنا على قد ماتقدر ... مو بس تديكي معلومات عقيمة من الكتاب وتقولك زاكريها دي بس وتجي بالاختبار زي مايسوو الباقيين ... لا دي تحسيها ماشاءالله عليها أمينة جدا في أدائها لعملها .. ومستعدة تفيدك وتخدمك الى أقصى حد ...

والبنات مايحبوها عشان هي من النوع اللي تحب في اختباراتها الأسئلة المقالية ... يعني تحب الكتابة مررررة .. لو تكتبيلها صفحة صفحتين وكلام بالمعنى ومفهوم تاخدي الدرجة ... وانا اخد دحين معاها مادة عيادي ... تقول بنات السمستر اللي راح نسبة اللي جايبين a+ هم 56% منهم ماشاءالله ... والدليل على كده انها أسألتها سهلة بس تحب الكلام والكتابة ... غير كده هي انسانة والحق يقال قمــــــة ... وأحسها من الناس اللي ماعاد في زيهم في دي الدنيا الا قليل .... وأغلب دكاترة القسم طيبين وفيهم الخير والبركة ...


وان شاءالله اكون أفدتك :)

[بنت العمودي]

في البداية أتخوفت كثير منها .. حتى كتبت موضوع اسألكم عنها ..


بس حسيت إنها تبغانا طالبات علم بجد .. وعلى قولتها أنت بناتي وابغاكم أحسن مني



والله يوفقنا يارب