سؤال احصاء

[Mesho alsulami]

السلام عليكم ..
دا سؤال من النماذج ال ورا الكتاب قالتلنا الاستازه تجي زيها بليييز مين يعرف
-مجمع مدارس به 1000 طالب (ابتدائي-متوسط-ثانوي)تم تمثيلهم في قطاع دائري وكانت زاويه قطاع المرحله الثانويه هي 72 درجه فان عدد طلاب الثانوي ؟

بيلز مين يعرف كيف طريقة الحل والله ادعيلو

[58h]

مرحبآ وعليك السلام والرحمة
بالنسبة للنماذج اللي فالخلف مراا اشكرك انو نبهتيني زي مانبهتي غيري عليها
تانيا جوااب السؤاال هوا 200 محطوط فالكتاب
والطريقة انا حكتبها ليكي
شوفي اولا قالنا انو مدرسه بيها 1000 طالب من هذه الفئات (الابتدائي , المتوسط , الثانوي)
وغششكي انو زاوية القطاع للمرحلة الثانويه هي 72
وانتي عندك قانون زاوية القطاع الدائري اللي هوا
زاوية القطاع الدائري = التكرار النسبي * 360
طيب نبدأ نعوض فالقانون دا
72 = التكرار النسبي * 360
طيب احنا التكرار النسبي مو عارفينو مو عاطينا قيمتو فالمسألة بكدا حيكون شكل المسأله بدا الشكل
72 = 360 التكرار النسبي
" طيب عشين اجيب التكرار النسبي اقسم فالمعامل اللي جنبو اللي هوا 360 فكلا الطرفين "
حيسير شكل المعادلة زي كدا
72%360 = 360%360 التكرار النسبي
حتطلع قيمة التكرار النسبي بعد ماتقسمي اللي هيا
التكرار النسبي = 2.0
طيب دحين جبنا التكرار النسبي بس هوا مو طالبو طالب عدد الطلاب او اللي هيا نسبة عدد الطلاب
نروح نجيب من التكرار النسبي دا نسبة التكرار النسبي واكيد عارفه عشين نطلع نسبة التكرار النسبي نضرب الـ p اللي هيا التكرار النسبي في 100
يعني ياستي 2.0 * 100 = 200 اللي هيا نسبة عدد الطلاب
اتمنى تكوني فهمتي عليا وبالتوفيق حبيبتي

[b6o6a]

جزاكم الله الف خير ... فكرتيني بدي الاسئله
الله يعطيكي العافيه ع الشرح الواضح مرره افدتيني

[بنوته رايقه]

انتي لو 360 تضربيها بالخيار الثاني وتقسميها على 1000 بيطلع لك الناتج 72 الللي هي زاوية القطاع

يعني بطريقه ثانيه غير اللي قالتها الاخت جزاها الله خير
تجربي الاربع خيارات وتشوفي لمن تزبط معاك وحده

[Mesho alsulami]

الله يسعدكم يارب ويسهل عليكم ..