بنات التصميم الداخلي ,, ممكن لحظات لو سمحتم ؟؟

[Waah Fdatek]

صباحكم/مساؤكم ورد ..
بنات أنا حبيت اتخصص في هالكلية تصميم داخلي ..
لكن المشكلة ما عندي معلومات كافية عن الكلية .. أو طريقة الدراسة .. الاختبارات ..
الاستاذات .. طبيعة المناهج .. أسلوب التدريس ..الأستاذات وتعاملهم .. أنتي كطالبة في القسم ..
كيف تشوفين التخصص وش نظرتك له .. مرتاحه فيه ؟؟ ولا ؟؟ .. ايش المميز فيه ؟؟
ايش اللي تحبيه وتكرهيه في هالقسم ؟؟ .. الأنشطة .. وأخيرا .. مجالات العمل ..

قلت فـ نفسي مافي غير إني أروح لمنتدى القسم وأسأل هناك ..
ياليت تفيدوني ..
كل وحده تدخل وتشوف موضوعي ..
تترك بصمة ..
أكتبوا كل اللي بخاطركم .. اكتبوا أي شي تعرفونه ..
ولو فيه أشياء أنا غفلت عنها وما ذكرتها ضيفوها ..
ترى أصغر معلومة منكم .. تعتبر أكبر معلومة عندي ..
أدري أسألتي كثيرة .. لكن مرة خايفة أدخل وأندم بعدين ..
أكره إحساس الندم .. أبغى أمشي من البداية بالمسار الصحيح ..
وجزيتم خيرا مقدما ..
وشكرا لكم بحجم السماء عزيزاتي ..

[Waah Fdatek]

بنات بليز .. أحد يرد عليا ..
والله محتاجه لأي معلومة منكم ..
تكفون لا تردوني ..

[عموديه]

اذا انت تحبين القسم إن شاء الله رح تنبسطين
احنا الحين الدفعه الاولى والقسم مو مهيئ مزبوط واغلب الاستاذات ماعينوهم رسمي
حطي ببالك انه رح تجي فتره مارح تقدري تحكي راسك من كثر الشغل خاصه على اخر السنه
يعني ضروري يكون عندك رغبه لهذا التخصص
والطلبات على كيف كيفك يعني مصااريف
واستخيري قبل ماتختاري
والله يوفقك يارب

[Eng_sara a7mad]

مثل ماقالت عاموديه اذا حابه التخصص وحابة العملي اكثر من النظري ان شاء الله تمشي فيه قسمنا جدا ممتع وفنفس الوقت جدا متتتتتعب ومجالات العمل طبعا التخصص هذا لو مستقبل وغير انو يفيدك فحياتك
اي سؤال احنا بالخدمه ولاتنسي تستخيري الاستخارة اهم شي وربي راح يسهلك كل خير
تقبلي مروري

[Waah Fdatek]

المشاركة الأصلية كتبت بواسطة عموديه اذا انت تحبين القسم إن شاء الله رح تنبسطين احنا الحين الدفعه الاولى والقسم مو مهيئ مزبوط واغلب الاستاذات ماعينوهم رسمي حطي ببالك انه رح تجي فتره مارح تقدري تحكي راسك من كثر الشغل خاصه على اخر السنه يعني ضروري يكون عندك رغبه لهذا التخصص والطلبات على كيف كيفك يعني مصااريف واستخيري قبل ماتختاري والله يوفقك يارب

شكرا عزيزتي ..
بس حبيت توضيح أكثر عن .. أنه القسم مو مهيئ مزبوط ؟؟ كيف يعني ؟؟
والاستاذات ؟؟ كيف يعني وضعهم ؟؟
من ناحية الشغل عندي فكرة بسيطة عنه وانه كثيييير وصعب ..
بس الطلبات والمصاريف .. ايش الطلبات ؟؟ وش نوعها يعني ؟؟

المشاركة الأصلية كتبت بواسطة dmoa مثل ماقالت عاموديه اذا حابه التخصص وحابة العملي اكثر من النظري ان شاء الله تمشي فيه قسمنا جدا ممتع وفنفس الوقت جدا متتتتتعب ومجالات العمل طبعا التخصص هذا لو مستقبل وغير انو يفيدك فحياتك اي سؤال احنا بالخدمه ولاتنسي تستخيري الاستخارة اهم شي وربي راح يسهلك كل خير تقبلي مروري

شكرا عزيزتي ..
بس عندك فكرة عن مجالات العمل بعد التخرج ؟؟
وهل فيه إمكانية أرجع معيدة في نفس القسم ؟؟

وعندي كمان سؤال .. ايش الفرق بين الفرع اللي في السليمانية والفرع اللي في الرحاب ؟؟
وهل إذا تخرجت من فرع السليمانية يكتبوني خريجة اقتصاد منزلي ولو تخرجت من الرحاب يكتبوني تصاميم وفنون ؟؟

أدري أسئلتي كثيرة .. بس مرررررة محتارة وما اعرف ايش اسوي ؟؟
سمعت انه فرع السليمانية تجهيزاتهم أحسن وعندهم استديوهات ؟؟ ومدري أيش ؟؟
أذا وحده فيكم عندها فكرة ي ليت تعلمني ؟؟
وآسفه لو تعبتكم ؟؟ أتمنى تساعدوني .. بجد محتاجتكم ..
وشكرا بحجم السمآء عزيزاتي ..

[Eng_sara a7mad]

لا حبيبتي خذي راحتك واسالي واحنا ان شاء الله نفيدك على قد مانقدر
بالنسبه للمجالات العمل تقدري تفتحي مكتبك الخاص او مع شركات ولاتخافي اذا ربي كتب لك ودخلتي القسم راح يعملو لكم يوم ارشادي يوضحو لكم كل شي ويجاوبو على كل استفساراتكم
وبالنسبه للفرق بين الفرع الرئيسي وفرع الرحاب
الفرع الرئيسي زي ماقلتي تجهيزاتهم افضل واستوديوهات وكل شي طبعا لانو قسم من زمان فاتح فشي طبيعي يكون مجهز من مجاميعو ولمن تتخرجي شهادتك راح تكون اقتصاد منزلي قسم تصميم داخلي لاكن فرع الرحاب قسم جديد فمو مجهز صراحه لاكن شهادتو تصميم داخلي دكاترتنا يقولو احنا افضل من ناحية الشهادة وفيه فرق في المواد او يمكن فاساميها فقط
انتي استخيري وشوفي والفرع الرئيسي للعلمي وفرع الرحاب قبل ادبي وعلمي لاكن سمعنا انو على السنه الجاية راح يكون علمي بس ما تاكد الخبر الا الان
وطبعا لمن تقرري تابعي متى راح يكون الاختبار القبول بالقسم ماعندي عنو معلوميه صراحه لاني مادخلتو ان شاء الله احد يفيدك فيلو غير
ان شاء الله اكون افدتك :)

[Waah Fdatek]

المشاركة الأصلية كتبت بواسطة dmoa لا حبيبتي خذي راحتك واسالي واحنا ان شاء الله نفيدك على قد مانقدر بالنسبه للمجالات العمل تقدري تفتحي مكتبك الخاص او مع شركات ولاتخافي اذا ربي كتب لك ودخلتي القسم راح يعملو لكم يوم ارشادي يوضحو لكم كل شي ويجاوبو على كل استفساراتكم وبالنسبه للفرق بين الفرع الرئيسي وفرع الرحاب الفرع الرئيسي زي ماقلتي تجهيزاتهم افضل واستوديوهات وكل شي طبعا لانو قسم من زمان فاتح فشي طبيعي يكون مجهز من مجاميعو ولمن تتخرجي شهادتك راح تكون اقتصاد منزلي قسم تصميم داخلي لاكن فرع الرحاب قسم جديد فمو مجهز صراحه لاكن شهادتو تصميم داخلي دكاترتنا يقولو احنا افضل من ناحية الشهادة وفيه فرق في المواد او يمكن فاساميها فقط انتي استخيري وشوفي والفرع الرئيسي للعلمي وفرع الرحاب قبل ادبي وعلمي لاكن سمعنا انو على السنه الجاية راح يكون علمي بس ما تاكد الخبر الا الان وطبعا لمن تقرري تابعي متى راح يكون الاختبار القبول بالقسم ماعندي عنو معلوميه صراحه لاني مادخلتو ان شاء الله احد يفيدك فيلو غير ان شاء الله اكون افدتك :)

ربي يسعدك حبيبتي .. ويوفقك ويسهل عليك ..
بس حبيت أسأل من ناحية الشهادة .. ليش شهادة فرع السليمانية أحسن من الرحاب ..
مع انه التخصص فاتح من زمان .. وإذا كان السبب على قولتك عشان إختلاف في المواد أو مسمياتها .. هل فيه أمل انو نتساوى بالرحاب ..
وايش الاختلاف في المسميات والمواد بين الرحاب والسليمانية ..
لأنه كذا احترت .. لو رحت السليمانية الموقع افضل والاستاذات احسن بس الشهادة مو مرة قوية ..
ولو رحت الرحاب الشهادة احسن لكن التجهيزات والاستاذات مو تمام ..
يعني لا من هنا ولا من هنا مزبوطة ... هههههههههههههههههههههه ..
والله ياهي حاستنا هالجامعه .. ماعرفنا لها ..

مرة ما قصرتي .. ويعطيك الف عافية ودعواتي لك إن شاء الله بمستقبل مشرق ..
شكراً بحجم السمآء غاليتي ..

[Eng_sara a7mad]

حبيبتي بالعكس دكاترتنا مرة كويسين الحمدلله بس المشكله في نفس الكليه بس انو مو مجهزة وانا نفسي مرة ننقل السلمانيه عاد دعواتك
وبالنسبه لاسامي المواد نسمع من المعيدات انو فيه عندهم استوديو 1 واستوديو 2 وغيرها والله لا احنا عندنا رسم معماري مبادى التصميم سكني تجاري وفيه كثير تقدري تدخلي على خطة القسم وتشوفي بنفسك
شكرا ياقلبي على دعواتك الي تجنن اللهم امين

[الطالبه المبدعه]

حبيبتي انا عندي معلومه حابه اضيفها انو الفرق بينا احنا الرحاب والسليمانيه
انو السيلمانيه مسار فقط وليس قسم
ونحن الرحاب قسم باكمله

[Waah Fdatek]

المشاركة الأصلية كتبت بواسطة الطالبه المبدعه حبيبتي انا عندي معلومه حابه اضيفها انو الفرق بينا احنا الرحاب والسليمانيه انو السيلمانيه مسار فقط وليس قسم ونحن الرحاب قسم باكمله

شكرا ع المعلومة عزيزتي .. افدتيني كثير ..
ما انتبهت لهذا الشي أبدا ..