طالبه مساعدتكم

[ميما :)]

انا متخصصه ادارة الخدمات الصحيه والمستشفيات يعني لسه متخصصه وما اعرف شيءهدا القسم بكلية الاعمال برابغ ادرس تعليم عن بعد سألت بالمنتدى قالولي انو اختباري في كلية البنات بالفيصليه
سؤالي
وين موقع الكليه بالضبط ؟؟؟وادا رحت وين ادخل ووين اروح
وادا فيه اي معلومات ياليت لو تقولولي
سؤالي التاني انا محمله ماده من التحضيري انجليزي 102 وين اختبرها بالفرع الرئيسي زي ما كنت ادرس التحضيري لو بعد اختبروا بالفيصليه ؟؟؟
ياليت لو تساعدوني والله يجزاكم كل خير ولكم دعوات بظهر الغيب إلأي بتريحني

[مرمر~]

كلية الفيصلية طريقها سهل..ان شاءالله ماتضيعي..
عند مستشفى عرفان إلي جنب مبنى عبد اللطيف بلازا و حولينها سور الحوامل و دوار الهندسة ودوار الفلك ..

او وصف تاني لها

امسكي طريق المدينة الين تشوفي شامي تدخلي من عنده (خط خدمة )بعدها تطولي ثم تلفي و تعدي اول اشاره و تطولي الين توصلي دوار الفلك و بعدها تاخذي الدوار حتلاقي اشاره و تمشي من عندها اللي يأكد الوصف بعد الاشاره الثانيه يكون على يدك اليمين مرينوس و بلاتينيوم محلات سجاد و تطولي من عندها الين تدخلي من خط الخدمه و واضح السور و لوحه مكتوب عليها جامعة الملك عبدالعزيز تدخلي منها و تطولي و تاخذي اللفه على اليسار اذا انتي ادبي اول بوابة توقفي عندها و اذا علمي البوابه اللي بعدها

شوفي دا الرابط فيه صور لها لو تحبي تتعرفي عليها

http://gce.njb.kau.edu.sa/ImageGalle...NG=AR&Gal=3010

اذا علمي انتي روحي للمبنى اللي شبابيكه سودا واسألي هناك اللي تبغيه..

اذا ادبي شوفي المباني اللي شبابيكها زرقا ..

بالنسبة لسؤالك التاني والله مااعرف ..

انتي لمن تروحي أسألي..

الله يوووفقك ويسهل لك اموورك..

^^

[ميما :)]

مشكوره اختي مرمر والله يوفقك في حياتك ويسهلك امورك ويحققلك مبتغاكي
انا ادبي لاني تعليم عن بعد مافي علمي يعني من البوابه الاولى ادخل
والله ما تدرين ايش كتر ريحتيني الله يريحك