المتضرريــن والمـحروميـن من اضافة المواد الحرة في كلية الاقتصاد والادارة . هلمووو!!

[sosoana121]

الـسلام عليكـم ورحمة الله وبركـاتـه

اخـواني واخـواتي طلاب وطالبات كلية الاقتصاد والادارة

لا يخفى عليكم الصعوبة و التعجيييز الي نواجهـها عند اضافة المواد الحرة و حتى المواد الاختيارية من نفس كليتنا الموقـرة

نطـالب و بشـدة المساواة بطلاب الآداب و بقية الكليات التي تتاح لهم اضافة المواد الحرة والاختيارية عن طريق النت حيث تتاح لهم جميع المواد الحرة و بما فيها مواد كليتنا
في حين اننا محرومين من هذه الــمـيـزة

فلا يعقل ابداً ان تكتفي جميع شعب المواد الحرة بأول نصف ساعه من دوام الارشاد الاكاديمي

وتبدأ هنا أول مراحل المرمـطة

لازم نراجع مشرفة المادة ومشرفة المادة و بعد سين وجيم وعشرين مليون عذر
تقول تعالوا بكره.!. ولمن نجيها بكره تتحجج باجتماعها مع الوكيلة
وبعد ما نستناها عند الابواب تقول: الحقوا اجروا على كليتكم وسعت الشعب

و يبدأ مسلسل الركض و كأننا في حلقة من حلقات طاش ماطاش
و لمن نوصل كليتنا العزيزة بعد مسافة ليست بالقصيرة أبداً وبعد ما نمسك دوور عند المرشدة الوحيدة الي تملك الحهاز السحري الوحيد لاضافة المواد الحرة والاختيارية , ويجي دورنا

تجي تضيف المادة نلقى الشعبة فللل وما توسعت ولا شي
وضاعوا يومين و كل المواد سارت فلللللل
نرجـع البيت نلقى الشعب توسعت 6 بنات زيادة , لكن هلموا يا طلبة الآداب والكليات الثانية واضيفوا المادة ع المستريــح ...

و نرجع لنقطة البداية .!..

و من غرفه لغرفة ومن رئيسة قسم للثانية خرجنا بحل يتيم
اما ان تكوني خريجة وتسجلي المادة حتى لو مكتفية بالقوة ومو لازم موافقة مشرفة المادة
أو انك تكتفين بالـ 12 والـ 14 ساعه وتقضين عمرك بالجامعه..!.

أو يكون عندك واسطة يكون موظف في عمادة القبول يضيف المادة حتى لو مكتفية
وهذا الشيء سمعته بأذني من احدى الموظفات كانت تكلم والله اعلم استاذة او مشرفة مادة
وكانت تسألها اذا وسعت شعبة مادة في الاقتصاد والادارة ؟.,
جاوبتها الموظفه : لا ما وسعنا هذي المادة , اممم هذا احد في القبول اضاف المادة
بس عجبتني أمانتها قالت راح احذف المادة من الي اضافها فوق الحد الاقصى .

خلاصته : جداولنا ناقصة ساعات و المواد الحرة الي تنفعنا في تخصصنا وتناسب أوقاتنا وحتى الاختيارية مقفلة شعبها و السبب واحد " فتح الحذف والاضافه بحرية مطلقة لكليات على حساب كليات ثانية "

تخيلوا مشرفة مادة في كلية الآداب تقول : معقولة ليش ماتقدروا تضيفوها عن طريق النت ؟.,
الخلل من كليتكم راجعوا الكلية .

<< وكأننا ناقصين تضييع وقت و مرمطة عند الأبواب

ختاما : ارجـوا التفاعل ولو برد .
وكل طالب/ـة عانى من هذا التمييز يذكر قصته
أو يطالب بحل سريع وفوري

كمـآ ارجو من اي مسؤول في العمادة او صاحب شأن أنه ينظر في قضيتنا نحن طلاب الاقتصاد والادارة
آسفين على الاطالة لكن من الي شفناه في يومين نجي فيها 7 ونص ونخرج الساعه وحده ونص بدون اي فائدة .!.

[امـــ88اني]

والله صح كلامك ١٠٠٪
ايش القهر والتفريق هذا
الانظمه لازم تمشي على الكل مو ناس ايوا وناس لا
يعني من جد مافي عدل
طيب الحل برايكم نروح لرئسيه الكليه ونطالبها ولا ايش

[بنت ابويا]

تسلمي على كل كلمة قلتيها

من جد دي معاناتي لمن اكون من قبل الحذف والاضافة باسبوع مخططة على مواد وشعب

وتجي اول دقايق تنقفل الشعب والله حرام

هما لهم الحق واحنا نتفرج ع الشعب وهي تحمر وشوفي الشحططة بدايه الدوام

مشكورة ع الموضوع اللي جا ع الجرح من جد

ربي يسعدك ان شاء الله

[angel heart]

يعني راح يسمعونا

وربي رحت اضيف ماده ثقافه وهيا كمان لاهي حره ولااختياريه تخيلو 5 ساعات عشان اضيفها وفي النهايه ارجع البيت ماالقاها:(

اجل كيف بالحره والاختياريه؟؟

والتعامل زففففففففت وتصرخ عليكي ومدري ايش

كأني رايحه اضيفها من بيت ابوها

[لـــو"الأموره"لـــو]

معاك حق من أول يوم ماني قادره أضيف ولا ماده حره كل ماخترت ماده تتقفل الشعب ولسى ماإنضافت اخترت يجي سبع مواد ولا وحده انضافت لازم يعدلوا نظامهم الأهبل الي جبلنا الجلطه إحنا ماراح نتخرج من هذه الجامعه الا على مستشفى شهار أو المقبره

[احلاهم واتحداهم]

صاادقه بكل كلمه وهذا الي حاصل ليه المواد الاختياريه قفلت شعبهاا

فقررت اخليها كلها مع ترم التخرج والله يعين

ولازم يفتحوون لنا الحر والاختياري

احنا نرتاح وهم يرتاحون كمان

[امـــ88اني]

خلاص بنات في حل واحد نتجمع عند وكيله الوكيله ونشرحلها التفريق والظلم
بدل الكلام اللي بدون نتيجة
لازم من اللحين نتكلم مو نسكت ويجي ترم ويروح ترم ونفس الحاله حددودا ساعه وحده كلنا ندخل عند الوكيله اوي مسؤله ونتفاهم معاها من اللحين

[لمعة الألماسة]

والله معاك حق انا ابغى ماده حره جدولي ناقص
بس الشعب قفلت

[E7sasBanota ~]

من جد :(

رحت السبت حطيت ورقة اني ابغا اختياري

رجعت ماضافولي هيا والشعب قيدها اتقفلت

رجعتلهم الاحد وكلمت الاستاذة بنفسي وطالبت بتوسعه شعب

رجعت البيت لقيت الشعبة اتوسعت بس ماضافوها

والله حالة !!! والحل معاهم

:( :(

[AL-TWFAN999]

كلامك مزبوط والله يعينا
كلنا