مافي شعب ايش الحل

[Alia12]

السلام عليكم
انا انتظام كلية حقوق اول سنة

عندي مشكلة أنا مااعرف انو لازم أسوي جدولي لنفسي
عرفت قريب المهم ماقدرت اضيف غير 3 مواد
عربي 2
ثقافة 2
مبادئ القانون

كان نفسي امشي على نفس الخطة اللي هم حاطينها
عشان لا تسيرلي مشاكل بعدين فجدول الاختبار خائفة من كدا
بس اضطريت أخد الثقافة عشان الباقي مقفل
ايش الحل ايش أسوي ؟؟؟ حقدر أخد باقي المواد فالخطة ولا خلاص راحت عليا

[عبدالله 000]

المشاركة الأصلية كتبت بواسطة alia12 السلام عليكم انا انتظام كلية حقوق اول سنة عندي مشكلة أنا مااعرف انو لازم أسوي جدولي لنفسي عرفت قريب المهم ماقدرت اضيف غير 3 مواد عربي 2 ثقافة 2 مبادئ القانون كان نفسي امشي على نفس الخطة اللي هم حاطينها عشان لا تسيرلي مشاكل بعدين فجدول الاختبار خائفة من كدا بس اضطريت أخد الثقافة عشان الباقي مقفل ايش الحل ايش أسوي ؟؟؟ حقدر أخد باقي المواد فالخطة ولا خلاص راحت عليا

ترى فيه بعض المواد ماتطلع في الاودس روح بكره عندهم ونزل من عندهم افضل لان يوم الخمس راح يقفل التسجيل

[بكرى أحلى]

وعليكم السلام ورحمة الله وبركاته

وهم بعد حاولي كل شوي تدخلي الاودس احتمال وحده تنزل من البنات أو يوسعوا الشعب
والله يوفقك ويسهل أمرك يا رب

[خالد~]

يفترض مراجعة الشوون التعليميه بالكليه في اقرب فرصه قبل لا يقفل الحذف والاضافه
واكيد راح يشوفوا حل

توسيع شعب او غيره

بالتوفيق

[Alia12]

يعني ماينفع اروح بكرة الخميس ؟؟

[بكرى أحلى]

توكلي على الله وروحي

والله يسر أمرك ويكتب لك الخير وين ماكان يا رب

[Somaiiia]

وعليكم السلام اختي
تقريبًا هذي المشكلة تتكرر كل فصل دراسي
تقدري يوم الاحد تروحي للجامعة المبنى السادس عند مكاتب الدكتورات وتشوفي حل في الشعب المقفلة
اكتبي الارقام المرجعية معاكِ ف ورقة للمواد اللي تبغي تضيفيها واطلبي توسيع شعبة من عندهم
وعالاغلب تلقي عند اللي تحذف وتضيف ورق لتوسيع شعب المواد اكتبي اسمك في الورقة اللي عليها اسم المادة اللي تبغيها
ماراح تستفيدي شي بروحتك هذا الاسبوع
مع بداية الدوامات روحي زي ماقلتلك
بالتوفيق اختي واي استفسار او مساعدة انا حاضرة

[Alia12]

شكرا كلكم

طيب في وحدة قالتلي اروح بكرة مبنى 2
وانتي بتقوليلي اروح مبنى 6
فين اروح اتخربطت
شكرا على شرحك الله يعطيكي العافية
وكيف اعرف الارقام المرجعية حقت المواد؟