الي معاه ملخصات سعيد الغامدي احصاء

[mo0dy]

شباب ابغا منكم مساعده في الاحصاء في نقطة مافهمتها الكل يفتح معايا صفحة 6 المربع الي في النص معاليش راح اتعبكم شويا بس واقف عند الجدول ومتنح من اول.
ابغا اعرف شيء احنا سوينا class limits من ال raw data ناخذ اصغر قيمة ونحطها على lower limit الي هيا 32 على اليسار طيب واكبر قيمة موجود وهيا 164 ونحطها اخر قيمة من upper limit وتكون على اليمين من تحت زي مانتو شايفين


طيب ياحلوين السؤال الي يطرح نفسه انا ماعرف كيف جيبنا العدد 50 الي بعد 32 في upper limit ياريت الي يعرف يفيدني واكون شاكر له وان كان فيها معادلة يكتبها لاني جربت كل المعادلات ومانفعت والسلام خير ختام .



باقي من الزمن 4 ايام على المكافأت

[Asem Shaabat]

إنت بأيت شعبه ؟؟

[mo0dy]

المشاركة الأصلية كتبت بواسطة asem shaabat إنت بأيت شعبه ؟؟

سؤال خطير الشعبة hb

[Asem Shaabat]

اوول شي تجيب اكبر قيمه واصغر قيمه ...

ثاني شي تجيب المدى >>> R=H-L
يعني تطرح الكبير من الصغير
بيطلع الناتج 129

ثالث شي تجيب عدد الكلاسات وعندك القانون في صفحه 5 سلايد 2

وبعدين نجيب CLASS WIDTH
يطلع الناتج 19


دحين يبدأ الشغل ركككززز

عندي اقل قيمه 32 حلوو ؟؟

نجيب اصغر قيمه في كل الكلاسات

نزود 19 على ال 32 وزي كدا الين ما تجيب اقل قيمه عند كل واحد

يبقالك دحين اكبر قيمه كيف تجيبها اللي عاليمين اللي انت تسأل عنها

نجي لأصغر قيمه في الكلاس الثاني اللي هيا 51 حلو ؟؟

نسوي عليها قاعده الـ CLASS BOUNDARY
اللي هيا ننقص .5 او .05 وزي كدا

نجي للـ 51 نطبق عليها القاعده حتسير 50.5 صح ؟؟

نروح نحط جمب الـ 32 .. 50.5

حتسير

32 - 50 .5

>> نرجع الخمسين زي ماكانت في الاصل

مو هيا ع اليمين يعني على حسب القاعده انوو نزود نص صح ؟؟

اللي هيا قاعده الكلاس باوندري

دحين نرجعها على اصلها يعني قبل ما نزود كم كانت ؟؟

حتسير 50

وسلامتكم =pP

[Asem Shaabat]

لا عشان لو كنت معاي بالشعبه ما اضيع وقت هنا خلاص افهمك هناك بس يلا يارب تكون فهمت

[Asem Shaabat]

ملاحظه //

بعد ما تجيب اول شي اللي هيا من 32 _ 50

اللي بعدها خلاص ما تجلس تنقص نص وتزود وتضيع وقتك

خلاص تزود 19 سواء في اعلى قيمه او اقل قيمه

يعني 50 اللي بعدها اعلى قيمه بتكون 50 + 19

الـ 19 حق الـ class width

[mo0dy]

الف مليون ترليون زليليون شكرا لك ياعسل على المجهود والله يوفقك ويعطيك الي تتمناه يارب سلام نشوفك ان شالله دكتور بكرة يا عاصم

[Asem Shaabat]

آمييييييييين ياااارب شكرا ع الدعوه