افضل الاستاذات لقسم الفنون الاسلاميه

[البار]

بسم الله الرحمن الرحيم

السلام عليكم ورحمه الله وبركاته

انا عندي استفسارات واتمنى اني القي الجواب عندكم

انا قدمت طلب تحويل من كليه اداب الي كليه االاقتصاد المنزلي

وان شاء الله ابغى اتخصص فنون اسلاميه لكن انا ماعرف ولا استاذه في القسم

وانا اعرف انه لازم ادرس مقررات اجباريه لكن عامه قبل مادخل في مواد التخصص

وانا شفت هذي المواد وباقي من المواد العامه 6 مواد وهي

الإرشاد والتوجيه للأطفال , علم النفش العام , مدخل الاقتصاد المنزلي , اداره المواد الاسريه1 , اسس التغذيه , اختيار وتنفيذ المفروشات المنزليه والعنايه بها

مين افضل الاستاذات في تدريس هذي المواد ؟

وشكرا مقدما

[ساكنه في بيتنا]

و عليكم السلام و رحمه الله و بركاته


انا ما اعرف غير ناديه الخطيب و دكتوره عفت << كلهم اخلاااق

بس أميمه انصحك بالابتعاد عنها قدر الامكان ..


الله يوفقك و يكتبلك الخير يارب :) ..

[البار]

يعطيكي الف عافيه على المعلومه
وان شاء الله ابعد من اميمه

وبانتظار اراء باقي الاعضاء

[تخصص 13]

اول حاجه حابه اقلك ان دي المواد مو لازم تاخذيها في ترم واحد عادي تتقسم ع الاترام

اسس تغذية انا اخذتها مع أ. منى خليل مرره كانت حلوة محاضراتها وممتعه حتى أ. هالة يقولو كويسه
علم نفس عام مافي غير استاذه هيفاء هزازي و هي استاذه كويسه

المواد الباقيه ما اخذتها فما عندي علم بمدراساتها

دعواتك بكره عندي اختبار علم نفس

[البار]

المشاركة الأصلية كتبت بواسطة تخصص 13 اول حاجه حابه اقلك ان دي المواد مو لازم تاخذيها في ترم واحد عادي تتقسم ع الاترام اسس تغذية انا اخذتها مع أ. منى خليل مرره كانت حلوة محاضراتها وممتعه حتى أ. هالة يقولو كويسه علم نفس عام مافي غير استاذه هيفاء هزازي و هي استاذه كويسه المواد الباقيه ما اخذتها فما عندي علم بمدراساتها دعواتك بكره عندي اختبار علم نفس

انا قلت احسن اخدها في ترم واحد عشان اخلص بسرعه وطبعا على حسب المواعيد اذا كان ينفع
وان شاء الله نجرب مه منى خليل
وحابه اسئلك المادتين اللي ماخذتها كيف دراستها واختباراتها حلوه ولا كلام كثير
الله يوفقك وينجحك يارب

وشكرا حبيبتي على تفاعلك

[E.M.A.B]

للمفروشات استاذه نعيمه مرغلاني مره كويسه وحبوبه أو استاذه سلمى الجابري

[البار]

تسلمي حياتي على المعلومه

ويعطيكي الف عافيه