عدة استفسارات لو تكرمتـــوا ^_^ ؟

[Majed7]

السلام عليكم .. كيفكم يا بشوات الهندسه ؟

إنـ شاء الله ماشيينـ مع الدراسه ؟



بس عندي كم استفسار يا ليت لو تفيدونيـ فيها ضروري الله يخليكم ..

الحين انتوا خلصتوا دروس كثير من المناهج اللي تاخذوها ولا لسى في البدايه أشياء خفيفه >> ما يعرف يصيغ سؤال :)

وهلـ أخذتوا كويزات وهووم وورك .. وفي أي ماده ؟

وهل لو فيه أحد حول لـ عندكم تتوقعوا يمديه يلحق ويمشيـ معاكم ولا فاته قطار هذا الترم ؟

+

يا ليت لو أحد فيكم ينزل ليـ الخطة الدراسية للاقسام .. أبغى أشوف كم ساعه مقرره ( شامله التحضيري ) ..



آسف كثرت أسئلة تحملونيـ ^_^

[sultanooh]

هلا بالدكتور المهندس ماجد نوورت القسم

وهل لو فيه أحد حول لـ عندكم تتوقعوا يمديه يلحق ويمشيـ معاكم ولا فاته قطار هذا الترم ؟

فيه مواد تونا بدينا فيها مثل معمل الكيمياء والفيزياء وبعضها اخذنا 3 سكاشن مثل الماث 202 يعني يمديك تلحق على الماث والفيزياء 202 لأن اختبارهم الدوري الأول راح يكون 18 ذو القعدة

فيه مواد مايمديك تاخذها مثل التصميم الهندسي والاقتصاد الهندسي لأننا بدأنا هذا الأسبوع في اول كوز فيهم طبعاً الكوز عليه درجة واحدة مدري اذا فيه امكانية ان الدكتور يختبرك فيه او انك ماعليك تضحي بالدرجة حقت الكويز

على العموم المواد العامة ثقافة وعربي المعامل كيم وفيز ورياضيات 202 وفيزياء 202 هذي يمديك تاخذها مافاتك شيء بهذي المواد يصير جدولك 14 ساعة يعني مش بطالة

اما مواد الهندسية بدأنا في اختباراتها بس انت ماعليك تاخذها ترم ثاني وصيفي

يخصوص الخطة الدراسية شاهد المرفقات

انت يمديك لو حولت هندسة تاخذ 14 ساعة لأننا تونا بدينا فيها واختباراتها حتكون 18 ذو القعدة اما المواد الهندسية بدأنا الكويزات تبعها


اي استفسار اخر تفضل

موفق

[الســــاامر]

المشاركة الأصلية كتبت بواسطة Majed7 السلام عليكم .. كيفكم يا بشوات الهندسه ؟ إنـ شاء الله ماشيينـ مع الدراسه ؟ بس عندي كم استفسار يا ليت لو تفيدونيـ فيها ضروري الله يخليكم .. الحين انتوا خلصتوا دروس كثير من المناهج اللي تاخذوها ولا لسى في البدايه أشياء خفيفه >> ما يعرف يصيغ سؤال :) وهلـ أخذتوا كويزات وهووم وورك .. وفي أي ماده ؟ وهل لو فيه أحد حول لـ عندكم تتوقعوا يمديه يلحق ويمشيـ معاكم ولا فاته قطار هذا الترم ؟ + يا ليت لو أحد فيكم ينزل ليـ الخطة الدراسية للاقسام .. أبغى أشوف كم ساعه مقرره ( شامله التحضيري ) .. آسف كثرت أسئلة تحملونيـ ^_^

اولا حياك الله يالغالي ونورت القسم بحضورك

أما عن استفساراتك : كل واحد عنده جدول يختلف عن الثاني فما تدري في مواد انا أخذتها غيري بياخذها الترم الجاي يعني نختلف عن بعض

فأنا بفيدك باللي عندي : الرسم الهندسي : باقي في بداية المشوار ما مشينا كثير والاسبوع اللي راح في واحد حول عندنا وما شاء الله لحق معانا يعني يمديك ان شاء الله

ie200 : مشينا فيها شوي ولا اعتقد انه يمديك تضيفها الترم هذا لان في واحد جاء عند الدكتور عبدالعزيز التيفوتي ( منسق المادة ) يوم الاربعاء وقال ما عاد يمديك تضيفها الترم هذا ضيفها الترم الجاي .
الثقافة الاسلامية واللغة العربية : ما يحتاج اوضح شي فيها حتى ولو خلصنا المنهج كامل بامكانك تلحق .
الماث 202 : تقريبا مشينا حبتين يعني يمديك تلحق علينا لكن يبغالك اسبوع عشان تفهم اللي اخذناه وتراها ما هي بعيدة عن 110 كدروس .

معمل الفيزياء 281 : باقي ما أخذنا الا تجربة واحدة .

أما عن الهوم وورك فأخذا في بعض المواد مثل الرسم الهندسي .
والاختبارات باقي ما اختبرنا ولا اختبار .

وان شاء الله بقية الاعضاء يفيدونك اكثر

عموما ان شاء الله يمديك اذا كان عندك رغبة

وهذي الخطة الدراسية

7
7
7

في المرفقات

وبالتوفييق ان شاء الله

[هم وانطوى]

حياك الله دكتور ماجد .. ^_^

وماشاء الله الاخوان كفو ووفو .. ماأقدر اضيف على كلامهم أي جديد ..

لو عندك استفسار نحنو في الخدمه ^^

[Majed7]

^^

يعطيكم العافيه جميعا ما قصرتوا .. في موازين حسناتكم :) ..

وشكرا على دعواتكم ^_^