ودي أتوب !

[عبدالله الAL-HARBIحربي]

كم راح من عمري وانا ودي اتوب
ولولا الهوى والنفس كان امس تايب
عشرين عام امني النفس يا ايوب
لين اكتشفت اني مع الوقت شايب



راحت حياتي بين طالب ومطلوب
ولي خاطر(ن)لو طبت ماهوب طايب
واخاف من يوم به الموت مكتوب
لا حولوا بي بين عوج النصايب
في منزل مظلم عن الناس محجوب
محجوب حتى عن نسيم الهبايب
صار الكفن يايوب يغني عن الثوب
وفرقت ربعي والاهل والقرايب



وماعاد فيها جاه وموال وسلوب
ولا عاد فيها حب خشم وطلايب
ولا عاد حولي شمر ولا به حرووب
انا وملائكة الرضاء والعقايب
خدعني التسويف وغرتني دروب
من يامن الدنيا وغدر النوايب
يالله يافارج على كل مكروب
ياواحدٍ بامرك تهون المصايب



يامن تقلب بين اصابيعك قلوب
خلقتها من بين صلب وترايب
ياغافر لمن جالك وكله ذنوب
عبدٍ ضعيف وجاك تايب ونايب
ياربي لو قلبي صخر عندك يذوب
يامن لهيبتك الجبل خر ذايب
اتوب ثم اعود واعود واتوب



ماهي عجيبه وانت رب العجايب


من المهد لين اللحد وقتي محسوب
ماضاع شي ومابقى شي غايب
يارب مالي غير رحمتك مطلوب
من لي سواك ان جيت يارب تايب
كم راح من عمري وانا ودي اتوب
ولولا الهواء والنفس كان امس تايب



كم راح من عمري وانا ودي اتوب
ولولا الهوى والنفس كان امس تايب
عشرين عام امني النفس يا ايوب
لين اكتشفت اني مع الوقت شايب
----------------





كلمات / زياد الحربي

أداء / فهد مطر

[زمردة 2009]

الله لا يقبض أرواحنا جميعاً إلا وهو راضٍ عنا

حلوووه وااااجد بصراحه يعطيك العافيه أخوي

وشـ هركم مبـ ارك

تحياتي // الجازي

[مدااااااااااوي2010]

شكرا علي النقل وهلا

[tota7]

رآآآآآآآئعه فعلا ..
سلمت اناملك على نقلك المتميز وسلمت انامل كاتبها
ربي يسعدك .. دمت بخير