اضافة مواد وشعب المستوى الثالث !!

[ابوغلاب]

السلام عليكم ورحمة الله

الان احاول تسجيل المواد في تخصص موارد بشرية ولكن لما اختار اضافه مواد واحدد المواد التى ارغب اضافتها ثم اذهب لتسجيل الشعب تأتيني صفحه ولا اجد فيها كل المواد التي اخترتها وتأتيني شعب كثيرة للمادة الواحدة مالحل الله يجزاكم خير وكيف الطريقة ؟؟ وماهي المواد التي تنصحوني باضافتها ؟

[ابوغلاب]

يا اخواني مساعدتكم لو سمحتوا

[مجنونة بيبي]

اخويا انا بعطيك الطريقه كامله بالشرح وان شاءالله تفهم عليا ..

اول شي تخش عالاودس - بعدين الطالب - بعدين التسجيل - بعدين الحذف والاضافه لشعب الخطه الدراسيه

بعد كدا اختار للفصل الدراسي الاول - بعدها حيجيك صفحه المفروض يكون فيها جدولك لكن لانه موادك مانضافت

حتجيك صفحه فاضيه وفيها تحت 3 ايقونات الي هي ( اضافة شعب - اعادة ضبط - تنفيذ التغيرات )

راح تختار ( اضافة شعب ) .. حيجي بعد كدا صفحه كامله فيها الخطه الدراسيه تبعك مطروح فيها كل موادك كامله

وجنب كل ماده فيه بعض المواد عندها صح يعني انجزتها وخلصتها والي مابجنبها شي تعرف انه لسه ماانجزتها ..

المهم حنبدا بالمهم دحين .. معلومه مهمه بعطيك اياها ( امشي مع الخطه الدراسيه والمستوى )

يعني لاتروح تنقز للمستوى ال5 تضيف مواد منه ووانتا لسه بالمستوى ال 3 !!

بالتالي كدا ماراح يتاح لك المواد الي اخترتها كدا لانك ماخلصت مستواك ..

عشان كدا حتشوف المواد الي انتا واقف عندها عند اي مستوى وتبدا تضيف ماده ماده

علم عليها بعلامة الصح .. وبعدين سوي ( عرض الشعب ) حيجيك الشعب المتاحه واسماء الدكاتره حقون المواد

ووقتها وايامها وانتا اختار الي يناسبك .. اختار الشعبه الي تناسبك بوضع علامة صح جنبها وسوي اضافه وبعد ماتخلص

كل المواد ال 6 سوي حفظ التغييرات او تنفيذ التغيررات ..

وبالتالي حيزبط معاك كدا لكن لاتسوي كذا ماده بوقت واحد لانه حيصير صعوبه وشعتره بالبحث

خد ماده ماده .. وان شاءالله تكون فهمت عليا وان احتجت شي اكتب وانا بكون متابعه لموضوعك لين يزبط معاك

ان شاءالله .. والله يوفقنا جميعا اخويا ."

[ابوغلاب]

المشاركة الأصلية كتبت بواسطة مجنونة بيبي اخويا انا بعطيك الطريقه كامله بالشرح وان شاءالله تفهم عليا .. اول شي تخش عالاودس - بعدين الطالب - بعدين التسجيل - بعدين الحذف والاضافه لشعب الخطه الدراسيه بعد كدا اختار للفصل الدراسي الاول - بعدها حيجيك صفحه المفروض يكون فيها جدولك لكن لانه موادك مانضافت حتجيك صفحه فاضيه وفيها تحت 3 ايقونات الي هي ( اضافة شعب - اعادة ضبط - تنفيذ التغيرات ) راح تختار ( اضافة شعب ) .. حيجي بعد كدا صفحه كامله فيها الخطه الدراسيه تبعك مطروح فيها كل موادك كامله وجنب كل ماده فيه بعض المواد عندها صح يعني انجزتها وخلصتها والي مابجنبها شي تعرف انه لسه ماانجزتها .. المهم حنبدا بالمهم دحين .. معلومه مهمه بعطيك اياها ( امشي مع الخطه الدراسيه والمستوى ) يعني لاتروح تنقز للمستوى ال5 تضيف مواد منه ووانتا لسه بالمستوى ال 3 !! بالتالي كدا ماراح يتاح لك المواد الي اخترتها كدا لانك ماخلصت مستواك .. عشان كدا حتشوف المواد الي انتا واقف عندها عند اي مستوى وتبدا تضيف ماده ماده علم عليها بعلامة الصح .. وبعدين سوي ( عرض الشعب ) حيجيك الشعب المتاحه واسماء الدكاتره حقون المواد ووقتها وايامها وانتا اختار الي يناسبك .. اختار الشعبه الي تناسبك بوضع علامة صح جنبها وسوي اضافه وبعد ماتخلص كل المواد ال 6 سوي حفظ التغييرات او تنفيذ التغيررات .. وبالتالي حيزبط معاك كدا لكن لاتسوي كذا ماده بوقت واحد لانه حيصير صعوبه وشعتره بالبحث خد ماده ماده .. وان شاءالله تكون فهمت عليا وان احتجت شي اكتب وانا بكون متابعه لموضوعك لين يزبط معاك ان شاءالله .. والله يوفقنا جميعا اخويا ."

الله يرضى عليك اختي

شوفي الان انا مستغرب شلون اختار الوقت اللي يناسبني ؟ انا انتساب ماني تعليم عن بعد ! او هل هناك محاضرات الزامية .؟

معليش المشكلة فيه مواد عديتها وما عليها علامة صح يعني مخلص 8 مواد واللى عليها علامه صح يمكن خمسه مواد ، عموما الان ابغا بس اجابتك على بخصوص اوقات المحاضرات ورحم الله والديك

وهل تنصحيني اختار هذي المواد علشان ارفع معدلي او اضيف او اغيرها ؟

acc251 أساسيات المحاسبة المالية 3
arab201 اللغة العربية )2(3
bla251 قانون الاعمال3
hr251 مقدمة في ادارة الموارد البشرية3
misy251 مقدمة في نظم .م.الادارية3

[ابوغلاب]

طيب سجلت الان خمسة مواد بقي لي مادة هل اقدر اخذ من الجدول اللي بالمستوى الثاني مادة الثقافه الاسلامية 201 علما باني اخذت الثقافه الاسلامية 101 في المستوى الاول قبل ثلاث سنوات قبل لا انقطع عن الدراسه

وبعدين فيه سؤال ايش المقصد بالوقت والتاريخ لكل مادة ؟ هل فيه محاضرات يجب ان احضرها ؟ افيدوني

[مجنونة بيبي]

اهلين اخويا ..

اوول شي ينفع تضيف مادة الثقافه دامك اخدت المستوى الي قبله ..

ثانيا : نعم لك محاضرات عبر البلاك بورد اخويا والوقت والتاريخ دا حيكون وقت ويوم المحاضره لكل ماده

وموادك تمام مرا ماشاءالله .. راح اعطيك التقويم الجامعي تتابع عليه موعد ابتداء محاضراتك ..

http://admission.kau.edu.sa/Pages-test5.aspx

^ دا رابط التقويم الجامعي ادخل ع خانة الانتساب والفصل الدراسي الاول وتابع كل جديد

يخص محاضراتك و اختباراتك وكل شي حتلقاه وتعرفه في التقويم ..

وبخصوص المحاضرات راح تدخل عالرابط دا اضغط هنا

وتحط رقمك الجامعي والباسورد كانك بتدخل عالاودس وراح يدخلك وتخش عالمواد الدراسيه تلقى موادك

وكل شي واضح امامك اجلس فصفص الموقع ولو مافهمت شي اكتبلي هنا وبفهمك ان شاءالله

وبخصوص المواد الي بتنزلك عالبلاك بورد راح تنزل بعد 24 ساعه من وقت عملك للجدول

وبكدا جاوبت على كل استفساراتك ربي يوفقك لاتنساني من دعواتك ."

اي استفسار اخر اكتبلي هنا وراح اكون متابعه لك لين تنتهي من كل شي ان شاءالله اخويا

."

[مجنونة بيبي]

شوفي الان انا مستغرب شلون اختار الوقت اللي يناسبني ؟ انا انتساب ماني تعليم عن بعد ! او هل هناك محاضرات الزامية .؟

معليش المشكلة فيه مواد عديتها وما عليها علامة صح يعني مخلص 8 مواد واللى عليها علامه صح يمكن خمسه مواد ، عموما الان ابغا بس اجابتك على بخصوص اوقات المحاضرات ورحم الله والديك


^ وبخصوص دا السؤال .:"

اول شي الوقت راح تختاره لمن تجي تضيف موادك من ( الشعب المتاحه لك ) حتلقى

بجنب كل شعبه وقتها وتاريخها ومع اي استاذ .. وبالتالي حيكون لكل ماده من شعبه الى 10 شعب حسب توفرها

ولانك متاخر بتعديل الجدول محيكون متاح لك الا شعبه وحده متاحه او اتنين لانه اغلبها قفلت .. ان شاءالله تكون فهمت عليا.

ثاني شيء : بخصوص المواد الي مابجنبها صح وانتا متاكد انك اخدتها .. خليك منها عادي انا كان قبل كدا معلق عندي الموقع

وفجاه من نفسه تعدل .. المهم انك عارف موادك الي خلصتها اخويا ونازله لك درجاتها وكدا ..

وبس ان شاءالله اكون افدتك وفهمت عليا اخويا ."

[ابوغلاب]

الله يسعدك الان اتضحت الصورة وانتهيت من اضافه المواد والشعب ، الله يسعدك ويعطيك العافيه ماقصرتي

[mushtaq-321]

مجنونة ... لا هنت عندي أستفسار


الأن انا باقي لي 45 ساعة

سجلت في 17 ساعة يكون باقي 28 ساعة
السؤال الأول
الفصل القادم هل هو 18 ساعة أو ترتفع ؟
اذا سجلت 18 ساعة يبقى 10 ساعات .. اسجلها ولا ما أقدر ؟

السؤال الثاني
باقي لي مواد الثقافة الاسلامية 202 و 203 و 204
اذا م سجلته اسجل الفصل ذا مادة ولا اخليها اخر شيء واختبرها مع بعض ؟

السؤال الثالث الاختياري اخذه كله ولا فقط 5 مواد

السؤال الرابع /
ما يسجل لي تدريب تعاوني ليه ؟ و كيف اسجل ؟؟

وشكرا

[مجنونة بيبي]

المشاركة الأصلية كتبت بواسطة ابوغلاب الله يسعدك الان اتضحت الصورة وانتهيت من اضافه المواد والشعب ، الله يسعدك ويعطيك العافيه ماقصرتي

الحمدلله يارب ., يلا بالتوفيق اخويا

ولو احنا هنا اخوان الله يسعدك ويعافيك .,

بالتوفيق للجميع يارب ."