التأهيلي شي كويس ولا مجرد سحب ...........!!!!

[sounzr zr]

بس ابغى احد يطميني ...
السنة التأهيلية حتروح فيها 16 الف على الفاضي!! ولا من جد بعد السنة دي يحولوا البنات انتظام عادي من غير رسوم و كده.. انا سجلت بس جاييني قلق و خايفة بعد 16 مايخدوها يصوفوني و اتورط :s
اي احد كان في التاهيلي السنة اللي فاتت و سار انتظام السنة دي يقولي و يطميني ارجوكم :( !!!!

[ينبوع الحنان]

هلا والله اختي sounzr zr


انا كنت تأهيلي السنه اللي فاتت ودحين حولوني انتظام الحمد لله


حبيبتي ان شاء الله يحولوكي انتظام بعد سنه اذا جبتي معدل فوق 3 ونص

حتكون سنه صعبه عليكي شويه لأنه كل السيستم حق المدرسه يتغير في الجامعه

شدي حيلك وربنا يوفقك ويسهلك امورك

[sounzr zr]

شكرا :)

[walaa]

السلام عليكم ورحمة الله وبركاته ......... ممكن بس اسألك اذا الحين دخلت سنه تأهليه في الجامعه وجبت معدل زي ماقلتي فوق 3ونص اقدر ادخل اي كليه حتى لوطب؟؟؟؟؟؟؟؟؟؟؟وشكرا موفقه بإذن الله ... لك مني أجمل تحية .

[sounzr zr]

اعتقد ايوة بس لازم تكوني مسار علمي..

[رفيقة الأمـــل]

انــــــــــــا كنت سنه تأهيليه وحولت انتظام ولله الحمد
واطمني كل البنات اللي اعرفهم حولوا انتظام
وحتى اللي جابوا اقل من 3 بس اعلى من 2.5 حولوهم انتظام بس كلية اقتصاد منزلي
لانه احنا كنا كلية العلـــــــــــــــــوم يعني مافي احد راحت عليه 16 الف
وربي يكتبلك الخير انشاء الله

[عـــهـــود]

مرحبا اختي

السنه التاهيليه مرة كويسة بتداومي كانك انتظام وتوزيع الدرجات فيها مثلك مثل الانتظام

وبتدفعي بالسنه الكامله 16000 بكل سمستر 8000

وهما يسوولك تا كيد بعد فترة يطلعون موعدك بس في التسجيل كمان فرز للمرشحين يعني مو تضمني انك انقبلتي خلاص

ممكن ما يقبلونك

واما عن التحويل

حطي رجولك بموية باردة حيحولونك لو جبتي فوق 3

و3 انشالله بسهولة تجيبيها

بس انتي شدي حيلك

والله كثار بنات حولوا لانتظام الحمدلله وانا منهم

واي استفسار انا جاهزة يا قمر

[هدفي التعليم]

السلام عليكم ورحمة الله وبركاته
خيتو انا ماابغى احطمك بس لمن رحت وسألت عن التأهيلي قالولي ليست مضمونة شنو رايك!!!!
الله يوفقك وانشاء الله يقبلوكي

[غ ـلأ]

والله يعيوني انا تاهيلي السنه اللي فاتت
وجبت 2.80 وماحولوني انتظام
ومررررره متحطمه
وكرهت الجامعه وللي فيها
يعني حتى اللي دفعته مو سهل 16 وطارت
والله يكون بالعون

[M!ss Mojy]

حتى انا كمان قالوا لي انو التاهيلي شي مو مضمون

وكمان في فرز واماكن شاغره ومدري ايش وكمان على حسب النسب

<<< هذا الي سمعته