استاذة فتون مادة مؤسسات معلومات

[hayat nimer]

بنات حبيباتي حابة اسأل عن استاذة فتون عثمان اللي تدرس مادة مؤسسات معلومات
انا نزلت عندها المادة دا الترم و انا ما اعرف هيا كيف و كيف اسلوبها
ياريت اللي درست عندها او سمعت عنها تقولي كيف شرحها و كيف اسئلتها تجيب مقالي ولا لا ....
و هل اضمن ال a+ عندها ولا لا ؟؟!!

[دانة العبدالله]

حضرتي عندها عشان بكرا بضيف المادة ؟؟
يقولو انها شديدة في البداية ودقيقة في التكاليف
بس اسألتها سهلة ومتنوعة دا الي سمعتو
تجيبي عندها +a لو انتي مجتهدة معاها
شكلي خلاص بنزلها مع انو مترددة الله يكتب لنا
الي فيه الخير ويارب تطلع طيبة

[hayat nimer]

المشاركة الأصلية كتبت بواسطة دانة العبدالله حضرتي عندها عشان بكرا بضيف المادة ؟؟ يقولو انها شديدة في البداية ودقيقة في التكاليف بس اسألتها سهلة ومتنوعة دا الي سمعتو تجيبي عندها +a لو انتي مجتهدة معاها شكلي خلاص بنزلها مع انو مترددة الله يكتب لنا الي فيه الخير ويارب تطلع طيبة

يعطيكي العافية يارب ..
انا حضرت معااها و من اسلوبها باين انها مرا طيبة و ان شاءالله حنحب المادة معاها
بس هيا مشكلتها شديدة في اشياء زي الغياب و الحضور تقول بس 4 غيابات بعدين دي ان و الاختبارات ماتنعاد حتى لو جبتي عذر و قالت لو كان عذرك وفاة احد من اهلك لا سمح الله لازم تجيبي شهادة الوفاه و تعدلك الاختبار مقالي فقط ..
و كمان لازم تفصخي العباية و تقفلي جوالك لو جوال دق او شافتو على الطاولة تاخدو و توديه للشوؤن ..
بس انا احس انو اسألتها حتكون سهلة لانو كمان جلست تتكلم معانا و انبسطنا و ضحكتنا تحسيها صحبتك
المادة اصلا تافهة و اعطتنا ملازم بس نذاكر منها و حددت مواعيد الاختبارات و الاختبار التاني حيكون اول يوم بعد الاجازة اللي في نص الترم ..
اختباراتها صح و خطا و اختياري بس معادا الغايبين ..
و الاختبار الفاينال شامل الاختبار الاول و الثاني