سؤال بسيط في المحاسبة

[الحائرة دائما]

السلام عليكم ورحمة الله وبركاته

السبت
طبعا عندنا المحاسبة فاهمة اشياء واشياء تانية ماني فاهمتها
بس عندي سؤال

الحمد لله الجدول لا بأس فيه فاهمة جزئيات منه بس اللي بعرفو ايش عناوين الجداول, هو في اكتر من جدول حق ديبت وكريدت وحق اول شابر اللي فيه كاش وكابيتال والخ واحط الرقم تحتها يا موجب او سالب, وفيه حق شابتر 3 ,طيب ممكن تقوليلي عناوينها عشان اعرف ايش تبغى اي جدول في الاختبار, ويجيبوها في الاختبار كل جدول لوحدو ولا مع بعض تابعه موقادرة اتصور كيف بيجي عندي بعض المخاوف الله يسهل علينا

وسؤال ثاني بعد اذنكم ,, دحين الكاش والكابيتل كيف افرق بينهم واحد صندوق والتاني راس مال طيب اشوف في المسئلة في شراء المعدات مثلا ينقص من الكاش بس انا اشوف انو الكابتيل كمان المفروض ينقص بس هو حالها بس للكاش ونفس الشي تكاليف الاعلان نقصت من الكابيتل بس ليش مانقص الكاش اشوفهم نفس بعض صح ؟؟

ياريت اللي فاهمة تفهمني دي النقط الله يجزاها خير ويوفقها

[همس البنفسجْ]

شوفي حبيبتي

ايش الفرق بين الكاش والكابيتل ...؟

الكابيتل هو رأس المال اللي انا بدأت بيه المشروع ( ومايزيد أو ينقص إلا بالايرادات أو المصروفات )

مثلا كان عندي 10 ألف وبدأت المشروع

هنا حيزيد عندي الكاش والكابيتل ،، وبكذا المعادلة حتكون متساوية

Assets= Liabilities+owner equty

0+10,000 = 10,000

حلو ..

اذا اشتريت معدات قيمتها 5 الف بالكاش ،، حينقص الكاش طبعا ،، وحيزيد عندي المعدات بقيمة ال5 الف

يعني حشيل من الكاش وأحطه في المعدات ( والكاش والمعدات تحت الأصول )

في المعادلة الاصول حتتفرع لكاش ومعدات

Cash + equipment = liabilities + owner equity

10,000+ 0= 5000 + 5000

وبكذا المعادلة حتكون متساوية ،، لكن لو نقصنا من الكابيتل راح تخرب المعادلة معانا

وبالاضافة انو الكابيتل هوا نفسه 10 الف مازاد ولا نقص ،، مجرد اني بالعشرة الف اشتريت معدات

ان شاء الله تكون وضحت معاك الحين

[همس البنفسجْ]

بالنسبة لتكاليف الاعلان

أي مصروفات لازم حينقص الكابيتل .. والكاش حينقص اذا دفعت هذا المصروف كاش ..

واذا مادفعته فهو دين عليا

طيب لو افترضنا انو بال 5 الف الباقية ف الكاش .. كان عندي مصروف إعلان قيمته 1000

ودفعت الفلوس كاش .. كيف حتكون المعادلة ..؟

المعدات حتجلس زي ماهيا طبعا ،، الكاش حينقص الف وحيصير 4 الف..

وبما إنه مصروف ،، فالكابيتل حينقص الف كمان

cash+equipment =liabilities +owner

0+9000= 5000 + 4000

وكذا المعادلة حتكون متساوية ..

طيب في حالة اني مادفعت المصروف ،، فالكاش حيبقى زي ماهوا

وحيكون دين عليا بقيمة ألف ..

اذا الدين حيزيد عندي 1000 ،، والكابيتل حينقص 1000 ،،

لانو زي ماقلت اي مصروف لازم يأثر ع الكابيتل

والمعادلة حتكون كذا

cash+ equipment = liabilities +owner

9000+ 1000 = 5000 + 5000

وبكذا المعادلة برضوا متساوية

وان شاء الله أكون عرفت اوصل المعلومة بطريقة سلسة وسهلة

موفقة ي رب

[الحائرة دائما]

رووحي ربي يسعدك ويوفقك في اختباراتك يا عسسل :)


الحمد لله فهمتها كويس ماشاء الله وعرفت افرق بينهم مشكوورة والله ماقصرتي يالغلا

[همس البنفسجْ]

المشاركة الأصلية كتبت بواسطة الحائرة دائما رووحي ربي يسعدك ويوفقك في اختباراتك يا عسسل :) الحمد لله فهمتها كويس ماشاء الله وعرفت افرق بينهم مشكوورة والله ماقصرتي يالغلا

ويسعدك يااارب انتي بعد ،، وماسويت إلا الواجب

آمين ربي يعدي اختباراتي هالأسبوع على خير ..

وعفوآ والله