وش رايكم في العلوم السياسية ؟؟؟؟؟

[$hatem$]

السلام عليكم ...
هذي اول مشارك لي وياليت تساعدوني فيها ..
انا طالب أدرس سنة تحضيرية مسار إداري و إنساني أنا ناوي إن شاء الله ادخل تخصص قانون أو علوم سياسيه ...
وانا الصراحه حلمي اكون قنصل أو سفير أو محامي أو محقق أو ظابط أو أي شيء عسكري أو سياسي بعين الله إن شاء الله ..

اللي ابي اعرفه عن التخصص هذا كم سنه دراسه بكالوريس و كم سنه ماجستير و دكتوراه ؟؟
واذا تخرج من التخصص هذا اشتغل بس في الوزاره الخارجيه ولا في اماكن ثانيه اقدر اشتغل فيها ؟؟
وكيف الهدف اني اصير قنصل ولا سفير إن شاء الله ايش لازم ادرس ولا ما اقدر اصير كذا ؟
وانا إن شاء الله ناوي ادرس في امريكا ما جستير

و إذا ماله مستقبل وش رأيكم في تخصص القانون يا ترا لو دخلت علوم سياسية أقدر أحول إلى قانون أو لا

ياليت احد يساعدني .. أو يعطيني ايميله للفايده ..

وشكرا

[ديمـا]

تخصص علوم سياسية برأيي حلو
ولو القسم مفتوح للبنات دخلته
وكمان القانون القسم حلو، وليه مستقبل
وعلى سنوات الدراسة 4 سنين للبكالوريس لقسم القانون وعلوم السياسية
وانتا وشطارتك يمكن تخلصها قبل
وعلوم السياسية ,, تصير بالسفارة أو بالخارجية أو ممكن شيء بالعسكرية
بالتوفيق إن شاء الله

[Hamad.Y]

أخوي تخصص القانون أهم من العلوم السياسية..وأفضل بمليون مره..

وفرص عمله أوسع بكثير ..

بس أنت لآزم تختار رغبتك..بغض النظر عن المدة الدراسية أو الفرص الوضيفية..

لأن أي شيء تدرسه وأنت تحبه مارح تحس بالسنوات سواء 4 أو 5..

ورح تبدع فيه لأنك تحبه..

وإبداعك (معدلك العالي) يفتح لك ألف باب وباب..

وبالتوفيق