أدخل ضروري و قول رأيك >>> نبي الكل يسمعنا

[ana-vip]

الانجليزي وما ادراك ايش هوا


وربي سوت اختبار تجريبي جبت في 2من 7 ليسنينق البنت تهرج بسسسسسسسسسسسسسسسسرعه اقلها احنا ليفل ون ايش هوا دا انا مو بنت كلنتن تقلي هوا كدا

ثانيا :

ازا على الجامعه فصدقني كلامنا مايهمهم بشي اهم شي ولد العميد وولد الدكتوور خرجو 100100 هادا هوا المطلووب الباقين يصرفو نفسهم

حقنا ماكوول لازم تشد حيلك وشده الحيل تجي مع الاراده والاراده تجي مع الراحه والراحه مافي بدي الجامعه الا قليل


ما ادري ايش اقلك ماباليد حيله يعني ايش نعمل ولا شي علينا نرضى ونقول نبغى شهاده


من كتر ما اشوف كل يوم انقهر 100 مرا على اني تركت البترجي وطب ورضيت بدي الجامعه بس خلاص ماينفع الندم اتورطنا



تقبل

[girl.k.s.a]

أنا عن نفسي مو فاهمه شي وفي البداية أستسلمت ..

بس لما شفت الوضع ما يطمن والسالفه فيها رسوب

شديت حيلي ودحين بأحاول أحفظ كم كلمة إنقلش

وجوالي غيرت اللغة فيه إنقلش ,, هادا كله عشان أتقوى في الانقلش ..

وعقبال الجميع ’’

[okyshn]

لا انا الحمدلله كويسة بس خيو الي ارسلتلي اسم المعهد يعني ازا مومكن تقولي هوا فين موقعو الاعرابي...لوووول


بجد ورط خصوصن دحين الدكتورة طالبة مني اهرج عن الاقتصاد العالمي في فايف منت من دون ورق...وعليه تن ماركس..

يعني بالله كيف اصرفها دي..انا مومكن عندي كلمات كتيرة بس احوس في الجمل...


سي يو

[Marvellous]

المشاركة الأصلية كتبت بواسطة okyshn لا انا الحمدلله كويسة بس خيو الي ارسلتلي اسم المعهد يعني ازا مومكن تقولي هوا فين موقعو الاعرابي...لوووول بجد ورط خصوصن دحين الدكتورة طالبة مني اهرج عن الاقتصاد العالمي في فايف منت من دون ورق...وعليه تن ماركس.. يعني بالله كيف اصرفها دي..انا مومكن عندي كلمات كتيرة بس احوس في الجمل... سي يو

في جدة في فرعين ... واحد للأولاد مكانه في الحمراء (جنب مطعم حواس)

وواحد ثاني في حي السلامة على شارع صاري وهو حق البنات
وهذا رقمهم :
026523200
اتصلي واسأليهم عن فرع البنات
وتذكري إنك راح تستفيدي فايدة مــررررة رهيبة !!
وراح تدعيلي ^_^
.....................


أما بالنسبة لإختبار الـتحدث أنا ماأتذكر إنهم كانوا يحددوا لنا موضوع !!


احنا كنا نجيب الموضوع اللي نبغاه ونتكلم عنه ,, وأبغاك تعرفي حاجة :

(( أي أحد فينا كان يتكلم وقد مايخبص , يدوه 10 من 10 ))

يعني حتى لو خبصتي راح يدوك درجة كاملة
أما لو تدلعتي زلا تكلمتي ماراح يدوك شي


(( بس يبغالها شوية ثقة في النفس ... ))







وبالتوفيق يارب للجــــــــــــــميع ...

[ana-vip]

اختبار السبيكنق

مرا خااييفه منو لانو راح يجيني ضحكككككككككككككككككككككككككككككككككككككككككككككك فظظيييع الله يسسستر

[okyshn]

شوكرن خيو وان شالله بازن الله اتفاهم معاهم..


بس المشكلة في البرقراف الي يبو مننا التيتل نفسو صعب..يعني بالله اشل اهلي في الاقتصاد العالمي..


وغير كدا تبانا ندعم كلامنا بالصور سواء كان بعرض بور بويند او اي فكرة جديدة..


مسلن انا ابى اهرج عن انو النهضة تكون بالاقتصاد الاسلامي ..طيب الكلام دا كولو كويس واعرف اقولو بالعربي بس في الانقلش تناحة..


وغير كدا فايف منت ايش احفز فيها يعني ازا ماكنت بلبل في الانقلش بروح فيها غير انو المس تبعنا تقول من الشروط لازم توزيعي نزراتك وصوتك يكون عالي وتتفاعلي...ياهو دا كولو يخرج من فين ازا ماعرفت اقول الجملة صوح..

اخ بس ادعولي..


سي يو

[TURKI ALharbi]

ياسلام تكلمتو ع الانقلش وع السياسات الداخليه للجامعه معروف ان الجامعه سياستها تعسفيه يعنى سياسه تطفيش تصعيب ولو على المواقف اظنك نسيت وقت الخروج الى شويه تصير مضاربات بسبب الزحمه عند البوابات وغير كذا الاله حقت البيبسي ماتقبل ريال جديد والريال القديم اندثر راح مع الرياح يعنى الواحد لما يكون عطشان يجلس جنب الاله وينتظر احد يعطف عليه ويعطيه ريال قديم والله حاله ولا على طريقه الواسطات في الدخول ناحيه مبنى 73 يعنى يقولون لازم تكون بالمستوى الرابع ومعايه واحد في نفس الكلاس كل يوم يدخل بسيارته مطلع تصريح بالواسطه والله حاله صرت كل يوم بالجامعه تقريبا امشي 2 كيلو بسبب المواقف وبعد ابي اعرف العشره ريال الى تنقص من المكافاءه وين تروح ؟؟؟؟؟ نرجع للانقلش شوف ياعزيزى الانقلش اموت اموت اموت لو قلي تكلم عن اى شيء لكن لو قلي اقراء ولا حول لى من مضارع لماضي اطفشه الين اجيبها صح انا مستوى ثانى صراحه مره متعه وحماس يعنى مره فللله والمذاكره عن نفسي بس الكلمات الجديده اعرف الترجمه حقتها بالانقلش وغيرو مره بسيط


الانجليزي وما ادراك ايش هوا


وربي سوت اختبار تجريبي جبت في 2من 7 ليسنينق البنت تهرج بسسسسسسسسسسسسسسسسرعه اقلها احنا ليفل ون ايش هوا دا انا مو بنت كلنتن تقلي هوا كدا
صراحه حرام عليك باليسننق وربي احنا مستوى ثانى والمقطع الى نسمعو مايتعاد والله اقل واحد جاب من 30 16 انا عن نفسي الحمد لله جبت 24
حاولى تركزى لا تطالعى بدكتوره وقت اليسننق طالعى بالاسئله صدقينى تجيبي الفل مارك

[أنثى وحيدة]

استاذة الانجلش قالت انتوا ليش ساكتين على هذا الوضع هم يبغوا يرسبوكم بعدين تتوكلوا على الله يعني براااااااااااااااااا

وقالت لازم تشتكوا وتكتبوا في المنتديات مسكينة اجنبية وماهي دارية انك في السعودية تشتكي ومحد يسمعك

[okyshn]

اوما تخيلو لو نشتكي..والله يصفو ابو جدنا...


بس لازم نتعود عالتفحيط من دحين عشان يسهل علينا بعدين..

سي يو

[Marvellous]

المشاركة الأصلية كتبت بواسطة okyshn شوكرن خيو وان شالله بازن الله اتفاهم معاهم.. بس المشكلة في البرقراف الي يبو مننا التيتل نفسو صعب..يعني بالله اشل اهلي في الاقتصاد العالمي.. وغير كدا تبانا ندعم كلامنا بالصور سواء كان بعرض بور بويند او اي فكرة جديدة.. مسلن انا ابى اهرج عن انو النهضة تكون بالاقتصاد الاسلامي ..طيب الكلام دا كولو كويس واعرف اقولو بالعربي بس في الانقلش تناحة.. وغير كدا فايف منت ايش احفز فيها يعني ازا ماكنت بلبل في الانقلش بروح فيها غير انو المس تبعنا تقول من الشروط لازم توزيعي نزراتك وصوتك يكون عالي وتتفاعلي...ياهو دا كولو يخرج من فين ازا ماعرفت اقول الجملة صوح.. اخ بس ادعولي.. سي يو

ماشاء الله عليك !!

كويس والله الإقتصاد الإسلامي ها ؟؟؟؟