امكانية التحويل للصيدلة

[nebras1993]

يا جماعة أنا دخلت تمريض ومعدلي 4 و نص .. وقدمت تحويل من عمادة العقبول و التسجيل للصيدلة من تاني يوم بعد التسكين ومني عارفة في امكانية أني تتحول من التمريض ولا لا ؟! و متى وكيف اعرف أني اتحولت ؟! او كيف اعرف انو تحويلي مرفوض ؟! الأودس لحد دحين تمريض .. ومرة خائفة أني أقعد تمريض .... أبا احد بفكر معايا ايش أسوي و كل يوم خوفي يزيد لمن موعد بداية الدراسة يقرب .. و شكرًا طولت عليكم معليه استحملوني يومين

[دره جده]

آه نبراس .. نوعا ما مثلك تمامااا ونفسسسسسس الحاله .. طلبت تحويل بس للآن زي ماهو تمريض .. وع حسب مافهمته من الاستاذه الي حولت عندها تقول انتظري لين رمضان اذا ماتغيرلك شى في الاودس معناه ماتحولتي ومثل ماانتي !
....
الله ييسر اموورنا وان شاء الله احد يفيدنا

[Lo0ooLo0o]

نفسك برضو ماطلعلي شي لحد دحين

[Rañdøm]

اللي اعرفه ... ان نتائج التحويل تظهر بعد الدراسه باسبوعين !
=)

[йά₫₫σσ]

امااااا اسبوعييييييييييين
و متى نلحق نعادل موادنا و تتسوا لنا جداول زي الخلق


الله المستعان

[الحمد الله على كل حال]

الى الان ماضهر شيء

[THE HILL]

الحمد لله على كل حال

..نتايج التحويل حتطلع ان شاء الله باللي يرضيكم..


شفت ردك عبالي جيتي عندنا ^^ .. الله يوفقك ويستحسن تراجعي العماده ولا تركني الأودس ممكن يطلع التحويل ف يوم وليله

،،

[الحمد الله على كل حال]

راجعت العماده ورتبت الجدول الادارة والاقتصاد وربي كل ما امشي اذكر التعب والدراسة وتنزل الدمعه اه بس رحت دخلت القبول والتسجيل حاولت مافي فايده كلهم فتامينات
على فكرة ماني قادرة افتح حتى الكتاب جاتني صدمه بس الله يسامحهم يارب حطموني
حتى بطاقتي ما راح اغيرها هي الوحيدة الي تذكرني بالتعب والدراسهه واني علمي بطاقة التحضيرية
والبيانات في المنتدى ما راح اكتب دارة واقتصاد ابدا حتى لو ماتغيرت

والله يوفق جميع طلاب الصيدلة والطب وما جاورها اكيد فيهم الخير

[AL-Lord Sari]

اختي "الحمدلله على كل حال"

لا تزعلي ولا تندبي حظك لعله خير انك بكلية الادارة والاقتصاد ربنا دائما ما يكتب الا اللي فيه خير للانسان

انا كنت متخصص هندسة رابغ وحذفت ترمين يعني سنة كاملة حتى احول طب وما كنت ابغى غير الطب وقدمت خطاب تحويل في شهر 7 وقالولي النتيجة بشهر 8 راجعتهم بشهر 8 قالولي بعد العيد عرفت انه تصريفة واول اسبوع من رمضان دخلت على عميد الطب وقالي ما اقدر اساعدك وقفل الدنيا بوجهي ضيعت سنة ع الفاضي بس رضيت بالامر الواقع واقتنعت باللي مكتوب لي وكنت ادعي ربنا يكتبلي الخير في دراستي
وسبحان الله الاسبوع الماضي يوم السبت دخلت الاودس ابغى اسوي جدولي بالهندسة حصلت نفسي بكلية الصيدلة وبجدة يعني الفرحة فرحتين فرحة اني بدرس بجدة وفرحت اني بدرس في كلية طبية ولمن سالت عن الصيدلة وكيف دراستها ومستقبلها الحمدلله ارتحت لها كتير خاصة اني بدرس تخصص دكتور صديلي وحمدت ربي انه ما تخصصت طب

الخلاصة انه ارضي باللي مكتوب لكي لعله هو البوابة لشيء عظيم ممكن يحصل بحياتك
وعشان ما اطول اكتر اقرأي كتاب ( من الذي حرك قطعة الجبن الخاصة بي ) تحصليه في مكتبة جرير
كتاب صغير تختميه في ساعة ومفيد كتير كتير كتير للي في متل حالتك

ودائما وابدا الحمدلله على كل حال