متي تبدأ محاضرات التعليم عن بعد؟ ؟

[نهووش]

السلام عليكم ورحمة الله..
انا تم قبولي بالجامعة واستملت الرقم الجامعي يوم الأربعاء 27 يناير 2016
بعدها نزلت تطبيق MY kau وانتظرت نزول المواد حتى لقيتها صباح اليوم الجمعة..طيب متي ابدا الدراسة وفين القي المحاضرات وبالنسبة للمواد شفت جنب كل مادة مكتوب في خانة اليوم "M" و "R" وش معنى ذي الرموز
وماهو البلاك بورد وهل تنزل المحاضرات فيه بس
أفيدوني جزاكم الله خير

[نهووش]

رجاء ردوا علي😓...محتاسة كثير بموضوع المحاضرات وكيفية حضورها..اللى يعرف اتمني يفيدني

[م.المرزوقي]

عليكم السلام ورحمة الله

وحده وحده :)

اولا مبروك القبول والله يوفقك

ثانيا المحاضرات تبدأ من الاسبوع القادم
والمحاضرات ستكون بحسب جدولك اكيد واضح لك الايام
الاحد u والاثنين m والثلاثاء t والاربعاء w والخميس r

وحضور المحاضرات يكون عن طريق الجهاز اما لابتوب او آيباد
ممكن تطلبي عن طريق قوقل ( الدخول الموحد لجامعة الملك عبدالعزيز )
حيطلب منك تدخلي اسم المستخدم والرقم السري
غالبا اسم المستخدم هو الرقم الجامعي
والرقم السري هو رقم الهوية ولكن استبدلي اول رقم بالحرف a الكبير

واول ما تفتح الصفحه اضفطي على ايقونه البلاك بورد
راح تفتح لك صفحتك الشخصية وفيها كل موادك

[نهووش]

جزاك الله خير ماقصرت 😊 م.المرزوقي

[م.المرزوقي]

العفو ما سوينا شيء

[fanoo-97]

انا زيك اول ترم لي والمحاضرات بدات الاسبوع ذا وتقدري تحضريها بالبلاك بوورد قبل ماينحسبلك غياب وربي يوفقنا
حبيت اسالك انتي خطه أ ولا ب
انا خطه أ وإن شاء الله تكوني زيي مع الايام حنتعود على النظام

[نهووش]

المشاركة الأصلية كتبت بواسطة fanoo-97 انا زيك اول ترم لي والمحاضرات بدات الاسبوع ذا وتقدري تحضريها بالبلاك بوورد قبل ماينحسبلك غياب وربي يوفقنا حبيت اسالك انتي خطه أ ولا ب انا خطه أ وإن شاء الله تكوني زيي مع الايام حنتعود على النظام

بس انا دخلت البلاك بورد ذا قبل كم ساعة ومافي عندي شي ولاجدول دراسي ولاحاجة إنما بس بتطبيق my Kay نزلت المواد أمامحاضرات مافي مررة كم مرة دخلت له عشان اتأكد انه مافاتني شي لكن للأسف مافي شي😟.....وأنا خطة أ بإذن الله