تجمع طالبات مادة (محاسبة منشآت متخصصة) مع د.سحر الجبروني *جديد*

[حأقعد عالكاشير]

صح يانجد يخص الحالة الاولى :)

[حأقعد عالكاشير]

ها بنات بشروا كيف كان الاختبار ؟؟

أنا عني حسيت لمن شفت الأسئلة طارت كل القيود من مخي

بس في النهاية حطيت اللي عندي والله يستر من الدرجة ^^

[بسمة حزن]

حاقعد انتي معايا بمحاضرة مالية اعتقد متى الاختبار حق المادة

وياليت تسوين فينا اجر وتنزلين محاضرات مالية زي متخصصة

[نجـــد]

صراحة قوة التكييف ماخلتني اركز :(

بس متفائله خير بالتصحيح .. ان شاء الله تساعدنا

[حأقعد عالكاشير]

بجد التكييف كان هلاااااااااك
والبنات يقولوا تصحيحها حلو إن شاء لله تراعينا

بسمة حزن
ياعسل انا مااخذت مالية
هالترم اخذه بس مراجعة ومنشآت وفقه معاملات
وبشري ان شاء الله دخلتي الاختبار :)

ربي يوفقكم جميعا

[BoBy]

وي يا بنات والله بغيت امووووووت من التجمد في الاختبار
شيء مو طبيعي والله صرت ارجف من البروده والمشكله نطلع علطول في الشمس
ومن بروده لحراره ومن حراره لبروده مما ادى الى زكام ومرض < هههههههاااااي

ان شاء الله تكون درجاتنا حلووووه
: )

وعقبال مراجعه اللي من جد خايفه منه يجي سهل والله جزئيه طووويله

[حأقعد عالكاشير]

بوبي سلاااامتك ياعسل من المرض والزكام :)
والله يسمع منك يارب وتكون درجاتنا حلوة
أما المراجعة أم المنكح اللي صارلي وصحبتي اليوم
أمس مذاااااااكرة وسهر ونجي اليوم يقولوا الاختبار أتأجل أبو الصدمة صراحه
بس يالله اسم اننا ذاكرنا وبكرة نراجع
.. .. ..
الحين في المرفق محاضرة اليوم
قسمين( الاعتمادات المستندية وخطابات الضمان)
وبكذا نكون خلصنا قسم البنوك
وقالت يوم الأربعاء حنبدأ في شركات التأمين
وحتعطينا اوراق عليها
وأبشركم قالت احتمال نخلص قبل رمضان أو في أول محاضرة أو محاضرتين من رمضان


وبالنسبة للبحث اليوم قلتلها انو الجزئية الخاصة بالافصاح العام بس صفحتين من كل المعيار
فقالت لي التلخيص حيكون في المعيار كااااامل(الافصاح والعرض كمان)
يبغالنا نشتغل مزبوط لانو مرررة طويل
وبالنسبة للقوائم قالت الايضاحات المرفقة بالقوائم مو لازم تكون من البحث
زي ماقلت أول بس الاربعة القوائم الاساسية

وبالتوفيــــــــــــــــــق

[beebaa40]

ايوااا اسمعووو بالنسبه لاختبار المنشآت
النظري كان موو حلووووو
خلونا نقولها تراعينا في التصحيح حقو
مرره يلخبططططط كاااان

[نجـــد]

حأقعد ع الكاشير

جزاكِ الله خير الجزاء

كفيتي ووفيتي :)

[المحاسب القوي]

الاخوات الفاضلات ، آسف على الدخلة الغلط ..

الاخت كاشيرة ^ــــــــ^ ابسألك الله يعافيك عن مادة فقه المعاملات .. منهجكم اش هو ؟

لو ملزمة ولا اي شي علميني من فين احصل عليها ، اكون لك من الشاكرين ..
ولو من دفتر لاكملتي دفترك علمينا نبي نسخة بقسم الطلاب :d

الله يوفقكم جميعاً باختبار المنشآت