أبغى أحول من الرحآب لـ السليمانية ؟؟ [عنوآن مُع ـدل]

[rony3]

السلام عليكم ورحمه الله وبركاته

ابغا اخد رأيكم في موضوعي الي شايله همو ليا اكتر من 3 ايام مني عارفه اش اسوي


اولا معدلي 4.24 ومني من جده يعني كنت اداوم يوميا ساعتين اخرج مع ادان الفجر ومارجع الا قريب المغرب
وقلت عادي كلو يهون في سبيل العلم والقسم الي انا ابغاه

اخترت كليه تصاميم وفنون( فرع الرحاب ) بعد التحضيري عشان قسم التصميم الداخلي

وماقبلوني

رحت كلمتهم طبعا رئيسه القسم مارضيت تدخلنا وقفلت الباب مشغولها حضرتها


سألت السكرتريه اش الحل طيب قالتلي تدرسي رسم وفنون

انا مابغا ادرس رسم وفنون

ولا تصميم داخلي انسدت نفسي منو حسبي الله ونعم الوكيل في كل من كان له سبب في عدم قبولي



ابغا احول للسلمانيه ادرس اداره عامه او قانون


علما انه معدلي يسمحلي ادخل اي كليه ابغاها بس اش نقول غير حسبي الله ونعم الوكيل


فكرت اعتذر وفكرت اسحب ملفي وفكررت كتيير وليا يومين مني قادره انام من كتر التفكير

الي عندو معلومه يفيدني بيها اتمنى يساعدني



علما انو زي ماقلتلكم مني من جده عشان استسهل الموضوع طريق سفر وهم تعب ودراسه

والحمدالله معدلي عالي

وفي الاخير يبغوني ادخل رسم وفنون :( حسبي الله ونعم الوكيل

[fo3]

حسبي الله ونعم الوكيل

[طفوليه]

حسبنا الله

[Hend Hussein]

بسم الله الرحمن الرحيم

أنا للأسف توي مستجدة فما راح أقدر أفيدك ..
بس حابة أواسيكي . لأنه للأسف من جد كل شي ماشي بالعكس
وما عندهم تنظيم كافي ولا صحيح ..
كنا نأمل من جامعة بهذا الحجم وبهذا الكم من الكوادر إنها تكون خدماتهم
بمستوى أرقى من كذا ..يتمآشي مع باقي الجامعات في كل مكان.
بس العيب من بعض الموظفين اللي ماعندهم أمانه في عملهم .
وحآبة أقولك .. أكثري من الصلاة على النبي صلى الله عليه وسلم
ومن الإستغفار بنية إن الله ييسر لك أمرك ..وابشري بالخير بإذن الله
حتى لو ما انقبلتي في أي شي من هذي ربي راح يكتب لك أفضل منها
ويمكن يدفع عنك شر إنتي ماتعلميه ..
إعذريني على الإطالة .. بس والله إني حاسة بشعورك جدا جدا وما حبيت أطلع وما أعلق.

[شـروق الزهراني <3]

الله يفرّج عليك



وينولك مرادك ~

[ريم ريم ريم]

لاتفقدي الامل اختي كملي دراستك ....والله معك

وماشالله معدلك عالي انقلي ...والي يوصلك كل يوم ويجيبك ...مادم انه وصلك الكليه ونتي في التحضيري
ان شالله يوصلك الكليه الثانيه
ودرسي الي تبيه نفسك

ولا تفكري تتركي الدرسه ...لااح تندمين كثير
كثير

مثل حالتي ...صحباتي الان ..متوظفات ...وتوي اتندم
والان توي افكر ادرس

[ريم ريم ريم]

بس والله دخلت اعطيكي رايي فقط
وتوكلي على الله والي شيفون نفوووسهم ...وقاعدين وراى الطاولات
الله يسلط عليهم منهووو اقوى منهم ..ياخذ بحقك وحق غيرك

استغفري ربك ...ورح تنالي مردك باذان الله

[المستندات]

مرحبا اختي

فيكي طيب تدرسي رسم وفنون وبعدين تحولي ولا كمان ما ينفع ؟
هما صح يكرهو الواحد باللي يحبو
بس دا مو معناتو خلاص نترك لهم المجال يدرسونا على كيفهم
ادرسي وبعدين حولي ازا ممكن التحويل كدا ، كمان التحويل بين تخصص والثاني في نفس الكلية أتوقع أسهل من التحويل بين كلية والثانية

شوفي انتي روحي للسليمانية وقوليلهم أبحول للادارة لو خلاص مصممة تحولي ادارة
أو خلي وحدة من زميلاتك تسألك هنا قبل ما تنزلي على جدة ويرجعوكي على الفاضي

ان شاء الله تتسهلك يارب

[Nayomi]

حبيبتي الظلم كلنا مرينا فيه وخاصة في قسم التصاميم والفنون بس فضلنا وراهم الين خصصونا القسم اللي نبغاه لو م قبلوكي تصميم داخلي ادخلي رسم وفنون ادرسي ترم واطلبي تحويل الترم الجاي وان شاءالله حيقبلوكي
لانو كتير حولو الترم اللي فات
لا تضيعي على نفسك وهما في الاول والاخير مو فارق معاهم
الله يختارلك اللي فيه الخير

[بيلف]

أدرسي أي قسم و لك خيار التحويل يا عسل

شوفي هنا عمادة القبول والتسجيل كل سنة تحط تاريخ للي يبغى يحول من كلية لكلية
http://admission.kau.edu.sa/AccessPa...ng=AR&SYS_ID=7

أهم شي لا تستلمي بسهولة أنشبي لهم ( معليش ع الكلمة العامية لكن هذا اللي صاير )

وعشان تتحمسي وتعرفي أن العقليات هاذي راح تقابلك كثير شوفي هذا الطالب قصته
و شوفي أصراره وين وصله