ليش اخترت كليه التقنيه دون غيرها من الكليات الصحيه

[mzat kau]

[]
سلااااااام ياحلووووين والله انا طفشانا قلت خليني اسوي موضوع شويه نتكلم سوى خخخخخ




سوالي هوا


ايش السبب اللي خلاك تختار كليه العلوم الطبيه التطبيقيه وماخلاك تختار الطب او الاسنان او الصيدله ؟؟؟!!!!


قولنا حكياتك <<< للفاضيين فقط


وبس هوا دا ]

[mzat kau]

ممم انا حبدا لاني اول الطفشانين


انا زمااااان كان حلم الطفوله عندي انو انا دكتورة هع دكتورة ايش لاحديسالني انو دكتورة وخلاص خخخ

وكبرت وكبر الحلم وبدينا الفلسفه هههههههههههههه


الموهم لمن دخلت الثنوي سالتني اختي انو ايش ناويه قولتلها الطب طبعا قالتلي يععع مو حلو 7 سنين حتعجزي وانتي لسه تدرسي وقالت لي في كليه جديده ااسمها التقنيه جديده ومرة مطلوبه وانا صحبتي تدرس مختبرات ومرة مبسوطه تقول طعب شويه بس مرة حلو وحتشتغل بسرعه وحلو لانو مطلوب << اهم شي انها زبطتلي الكليه
وقالتلي خمسه سنين بس وتسيري دكتورة يعني اختصار لوووووووول
مرررررررررة حبيت الكليه وقلت خلااااااااااص هيا دي لاني مرة ماكنت اعرف انو في كليه بدا الاسم اصلا
خخخخ بس والترم التاني من الجامعه ( التحضيري ) وانا مخططه خلاص تقنيه مختبررراات وماكنت اعرف الاقسام التانيه لسه << بدري هههههه الا مرة صحبتي قالت في علاج طبيعي وووو
انا سمعت علاج طبيعي اووووووووه قلت هوا دا خخخخخخخ ايش هوا ماكنت اعرف بعدين قلت يابنتي ادخلي الموقع وشوفي بلا تناحه وعرفت عن ايش وحبيتو وقلت ان شا الله ربي يسهلي هوا ولو ماقبلوني فيه حرجع لقسمي القديم المختبرات ههههههه


بس خلصت الحكايه بس في سوال محيرني ومو نومني من زمان






الطيارة فيها بوري خخخخخخخخخخخخخخخخخخخخخخخخ << غباااار



لا لا لا امزح

ابا اعرف كييييف اختي اتعرفت عليها !!! واختي تدرس محاسبه وهاديك مختبرات يعني كل وحده تدرس في مكان كيف عرفتها <<< ياسعييييييد خخخخخخخ

[dr.HANAN]

انا لسا تحضيري بس نفس الحاله مراا طفشانه مادري اش دخلني الموضوع احس مالوا داعي ارد

بس مبروك عليك تخصص وبالتوفيق ياعسل

[mzat kau]

^^^^
الطفش عامل شغل مع اهل البلد خخخخخخخخخخخخ

[crazy chance]

الصراحة انا كان حلمي طب بس لما خلص المتوسط ودخلتمؤسسة الملك عبد العزيز للموهوبين بدات تتغير الفكرة بدات ادور على حاجة فيها تقنية واجهزة ولما رحت الثانوي بصمت اني ميولي ماهي طبية بعد ماشاركت في المسابقة الوطنية حقت الفيزيا ففكرت انو مافي شي اقرب للتقنية والاجهزة والفيزياء اقصد عامل مشترك بينهم غير تقنية طبية وباذن الله اشعة عشان كدا اخترت هادي الكلية

[LPRocks]

ليش اخترتها

هممممممممممم

انا كان عندي حب للمختبرات من صغري لدرجة كان عندي مجهر ضوئي لعبة كان يكبر وكل شي و معاه عينات نملة مفعوصة و مجموعة عينات ثانية ،، في الثانوية بدء ميولي يتغير وصار نفسي ادخل الطب و اطلع طبيب شرعي الي يتعامل مع الجثث مازل ميولي دايم غريب بس لما دخلت السنة التحضيرية استرجعت حبي للمختبرات و حطيت كلية العلوم الطبية في الرغبات رقم واحد بس معا كلام الأصحاب والطب افضل ومدري وزي كذا رجعت كلية العلوم الطبية لرقم ثلاثة وحطيت رقم 1 و 2 طب و طب رابغ و الحمد لله شاء القدر ودخلت لكلية العلوم الطبية و ولو دخلت الطب ماأعتقد اني راح افرح نفس الفرح بدخولي العلوم الطبية بس مازلت اعتبر الطب هوا طموحي الأعلى و المختبرات هيا شغفي لذا مازلت مقتنع بهذي الكلية وان شاء الله اقدر اكمل للماستر فيها ^_^

موضوع حلو mzat kau

[الذئب 9]

كيف دخلت >>>>>>>>>> سؤال جميل
أنا كان طموحي من الابتدائبة هو الهندسة و خصوصا جامعة البترول و شاءت الاقدار اني ادخل جامعة الملك عبدالعزيز و لما كنت في الثانوي كان عندي قريب يشتغل صيدلي و منو عرفت حاجة اسمها مختبرات و حببني فيها اكثر وهذي هي قصتي

[mzat kau]

كرايزي شانس مررة الله يوفقك :):)<< ماتحسو تركيب الجمله غلط خخخ


ال بي روكس مادري احس الشغف تقدر تبدع فيه اكتر اما الطموح هوا حلم ولا كيف لان الشغف حتحبو من قلبك :ٍ

[Under The Sea]

انا كنت أدور على أكثر حاجة يكون فيها الإنسان بعيد عن المرضى والناس
لأن الناس تتعب
ويا mzat kau ترى القسم مو قديم بالمررررررة بنات خالتي اعمارهم في التلاتين وهما درسوا علوم طبية :ً

[JuStice]

.

ههههههههههه حتى إنتوا طفشانين زيي !

طيب هدي قصة حياتي :

في البداية بالإبتدائية والمتوسطة كنت ناوي هندسة ورياضيات , دخلت الثانوية كرهت الرياضيات بس برضه هدفي هندسة !!

لما جات السنة التحضيرية بجلالة قدرها غيرت رأيي واستحوذ الطب على تفكيري ..

وكنت حاط الطب رغبة أولى وطب رابغ تانية وصيدلة تالتة وعلوم طبية تطبيقية رغبة رابعة ..!

نزل التسكين بعد معاناة طويلة مع الإنتظار ولقيت إني علوم طبية .. فرحت بها مرة لأنها برضه مجال طبي بالمستشفيات

وكان في بالي تقنية مختبرات على طول .. بس بسبب أستاذ جهاد الله يبارك فيه شرح لنا إنه المختبرات كيمياء

وإن الأشعة فيزياء .. وأنا أحب الفيزياء أكتر .. فالله يوفقني للأشعة

والآن بانتظار يوم 14 بفارغ الصبر !

.