مساعده ! تحويل لجامعة الملك عبدالعزيز

[Gdo]

السلام عليكم .. انا طالبه من المدينه المنوره و الحمدلله انقبلت في جامعة طيبه ( كلية العلوم التطبيقيه ) .. حابه احول لجامعة الملك عبدالعزيز .. ابغا اعرف ايش الية التحويل ؟ تاني شي انا حابه ان شاءالله اني بعد ما انقبل في الجامعه اني احول لكلية العلوم الطبيه التطبيقيه .. حلمي ادخل مختبرات , هل في امكانيه اني احول من كلية لأخرى ؟ ادا جبت معدل عالي يعني .. اتمنى تفيدوني

[nano-nano]

اهلين والف مبرووك التخرج من الثانوية ونتمنالك التوفيق في المرحلة الجامعية بخصوص انك تحولي من اول سنه ماتقدري ع طول كلية علوم طبية تطبيقة لجامعة الملك عبدالعزيز لانه لازم تدرسي سنه تحضرية من جديد وتجيبي معدل عالي بعدين تتسكني او تتخصصي اي تخصص تبغي لكن كلية علوم طبية من اول سنه ماينفع وانا شخصيا انصحك ترضي بقولك في المدينة لانه السنه التحضريه صعبه لكن مو مستحيله....تحياتي

[Gdo]

الله يبارك فيك اخوي , يب انا عارفه اني ما راح اقدر احول على طول . يعني ابغا اعرف دحين لازم ادرس سنه تحضيريه في جامعة طيبه بعدين اقدم طلب تحويل ؟ و بعدها ادا انقبلت ان شاءالله راح ارجع اعيد تحضيري .. هنا الشي الي انا ابغا اتأكد منه لو عدت التحضيري في جامعة الملك عبدالعزيز و جبت معدل عالي ان شاءالله هل في امكانيه اني ادخل كلية العلوم الطبيه التطبيقيه ؟؟!

[nano-nano]

المشاركة الأصلية كتبت بواسطة gdo الله يبارك فيك اخوي , يب انا عارفه اني ما راح اقدر احول على طول . يعني ابغا اعرف دحين لازم ادرس سنه تحضيريه في جامعة طيبه بعدين اقدم طلب تحويل ؟ و بعدها ادا انقبلت ان شاءالله راح ارجع اعيد تحضيري .. هنا الشي الي انا ابغا اتأكد منه لو عدت التحضيري في جامعة الملك عبدالعزيز و جبت معدل عالي ان شاءالله هل في امكانيه اني ادخل كلية العلوم الطبيه التطبيقيه ؟؟!

لو درستي سنه تحضريه في غير جامعة الملك عبدالعزيز انسي تتعادل سنه تحضرية من جامعه اخرى ورايح يقولولك لا زم تعيدي عندنا حتى لوكنتي متخصصه في المدينه بعد السنه التحضيريه الا في حالة انو تكملي سنتين في المدينه في كلية العلوم الطبية التطبيقية وتجي تحولي لكلية العلوم الطبية التطبيقيه ودي مشوار
ويبغالها (و)

[nano-nano]

المشاركة الأصلية كتبت بواسطة gdo الله يبارك فيك اخوي , يب انا عارفه اني ما راح اقدر احول على طول . يعني ابغا اعرف دحين لازم ادرس سنه تحضيريه في جامعة طيبه بعدين اقدم طلب تحويل ؟ و بعدها ادا انقبلت ان شاءالله راح ارجع اعيد تحضيري .. هنا الشي الي انا ابغا اتأكد منه لو عدت التحضيري في جامعة الملك عبدالعزيز و جبت معدل عالي ان شاءالله هل في امكانيه اني ادخل كلية العلوم الطبيه التطبيقيه ؟؟!

يب يب لو درستي التحضيري في الملك عبدالعزيز وجبتي معدل تقدري لازم تجيبي فوق 4.5 لانه البنات السنه دي ماشاء الله نسبهم موزون عاليه يعني لازم تجيبي موزون 90 وفوق واحد الاخوان والاخوات منزلين جدول الموزن للتسكين دي السنه اطلعي عليه وشوفي

[Darina]

نفس المشكلة ! متى يبدا التحويل للجامعة ؟؟وهل يوجد تحويل للفصل الدراسي الثاني

[قصة غروب]

اختي الله يسعدك بالنسبه للتحويل والاشياء هذي اكثر ناس بيفيدونك هم عمادة القبول والتسجيل
وانا انصحك تدخي الموقع وبتلاقيهم حاطين مواعيد التحويل الخارجي من جامعه الى اخرى وحاطين الشروط.
ولو في اي شي ثاني مو واضح بالنسبه لك هم حاطين ايميل لهم تقدري تراسليهم عليه.
ولو ماقدرتي تراسليهم احنا ممكن نساعدك هنا.
ربي يوفقك ويكتبلك الخير.

[19Arwa]

السلام عليكم
ياليت تساعدوني انا متخرجة من ثانوي هالسنه وتم قبولي بجامعة الدمام سنه تحضيري .. والترم الثاني راح ننقل الى جده .. يصير احول الترم الثاني الى جامعة الملك عبدالعزيز ؟؟

تكفون ساعدوني مره متوهقه ومو عارفه ايش وضعي