فيزيا او كيميا

[اوراق ملونة]

السلام عليكم ورحمة الله وبركاته

اتمنى يا طلاب وطالبات العلمي تفيدوني والقى اجابات منكم على اسئلتي مشكورين..

انا الان مو تحضيري لكن مجبره ادرس يا فيزياء او كيمياء

وبصراحه ماعندي معرفه كبيرة بالمادتين .واذكر ايام الثانوي كنت نوعا ما حابه الكيميا اكتر من باقي المواد العلمية والعكس مع الفيزيا

بس سؤالي من خلال دراستكم للمادتين ايش الاسهل ..؟ وياريت البنات تفيديني بافضل الدكتورات

وهل في الصيفي تنزل دي المواد اوماعندكم معرفه

وشكرا جزيلا ..موفقين يا رب

[Mirinoxd]

منهج 110 الفيزياء فيها صراحة اسهل
بس اذا المنهج اعلى من كذا ما اعرف والله يمكن الكيمياء اسهل
فما اعرف كيف نظامك حتدرسي منهج 110 ولا اعلى منو اذا اعلى احس لو تسألي ف قسم العلوم هما يفيدوكي افضل مننا
اذا بتاخذي فيزياء نصيحة سامية ابو شوشة, ماشاء الله عليها اتقان وتنظيم, يجي الاختبار بس تراجعي لانو كلو ينحفظ معاها ماشاء الله ف المحاضرات
واذا بتاخذي كيمياء ليلى الحربي وايمان حجازي كويسات

[Bassam99]

اذا كان المنهج 110 فالفيزياء أسهل

لأن الكيمياء كمنهج أطول ولها استثناءات او حالات شاذة كثيرة

[Somaiah Yousef]

كيمياء 110 ابدا ماعجبني :(

متعب في المذاكرةة

بعكس الفيزياء كان ممتع أكثر

على فكرة انا كنت اكره الفيزياء ايام الثانوي .. بس الجامعة غيييير

[اوراق ملونة]

كل الشكر لكم على تعاونكم معي .. انا فعلا حدرس 110 تبع التحضيري

يمكن لان الكيميا شغل معامل وكدا عشان كدا اصعب.؟؟ هوا بصراحه انا من النوع اللي مابيحب الرياضيات وما شابهها :)’ فمدري الفيزيا كيف حيكون نظامو

عموما اشكركم على افادتي واتمنى اراء اخرى مشكورين

[رفّات حُلم]

المشاركة الأصلية كتبت بواسطة اوراق ملونة كل الشكر لكم على تعاونكم معي .. انا فعلا حدرس 110 تبع التحضيري يمكن لان الكيميا شغل معامل وكدا عشان كدا اصعب.؟؟ هوا بصراحه انا من النوع اللي مابيحب الرياضيات وما شابهها :)’ فمدري الفيزيا كيف حيكون نظامو عموما اشكركم على افادتي واتمنى اراء اخرى مشكورين

أي منهج في التحضيري سواءً " فيزياء، كيمياء، أحياء ... " ما فيه معامل :)
الفيزياء سهللللللة مرة!
وحتى أسئلتهم تُعتبر سهلة جدًا جنب الكيميا اللي ما أقول صعبة
لكن الفيزياء أسهل!
ومزاكرة الفيزياء أمتع *
نصيحة لو سجلتي شوفي سناء أباظه
تراجع قبل الاختبار، وكمان لو ما فهمتي شي في الفيزياء عندك فيديوهات يوسف زويل تساععد مرررة
طبعًا؛ كيمياء .. عندك ليلى الحربي، ونها وزان، وإيمان حجازي

[Basma algHamdi]

الكيمياء ممتع و كثير حلو بس يبغالوا وقت طويل بالمزاكره
نا ادرسه مع عائشة مباركي مرا جميله سلايداتها
اما الفيزياء فما بعرف هنا كيف لأنو تعادلي
و بالتوفيق يارب ()"

[اوراق ملونة]

جزاكم ربي خير على تفاعلكم معي

انا ان شاء الله حسيت اني مايلة للكيمياء اكتر بس كمان اتمنى اراء منكم اكتر تفيدني مشكورين

وانا ان شاء الله حدرسها صيفي

[Reem Mohammed~]

الفيزياء اسهل
ميزة الفيزياء انه واضح واسئلته بالاختبار مافيها لف ودوران كثير
اصلا كنت احل والاقي في الخيارات اجابة وحده صحيحه ( ما يجيبو خيارات تحيرك )
بالاضافة انه فيه 10 بونص ( بس مو متأكده اذا تنزل بالصيفي او لا ) الكيمياء الفصل اللي فات نزلهم 5 بونص فقط بالنهائي :\

احس الكيمياء هرجها كثيير ><
وشوفي الانسب لك ، والله يسهلك يااارب <3

[Basma algHamdi]

شوفي ي عيني كيمياء التحضيري مرا سهل
معادلته سهلة بس بعض قوانينه يبغى لها تركيز حبتين
و تقدري تشوفي توصيف المقررات بموقع الجامعه


اذا حتدرسي كيمياء بالفيصليهه أختاري استازهه عائشه مباركي
بسببها حبيت المادهه و سهلتها عليا و تسوي اكسترا و ادا جيتي عندها
كمان المكتب بتساعدك الله يسعدها و يوفقها زي ماسهلت علينا ()