خيارات بعد التخرج ؟

[عاطلة10]

السلام عليكم
تخرجت ولله الحمد من قسم الكيمياء الحيوية

انطلاقا من "وما ندم من استشار" حابة استشير اهل الخبرة ايش أفضل خطوة اتخذها الأن؟
فكرت في تصنيف الهيئة بس مثل ما قرأت تدريب سنة وبعدها سحب دم و غالبا مستشفى خاص! < ندرس اكثر من 4 سنوات عشان نسحب دم!
وبرضه فكرت في الدبلوم التربوي, بس قرأت ان الخدمة المدنية ماتسمح لنا ندرس!

و حاليا التقديم عالماستر مددوه ل 30 - 5 , و متخوفة ارجع اكمل ماستر في قسمنا ويكون ماله مستقبل !

الاسئلة :
هل ماجستير كيمياء حيوية له مستقبل؟ ( ماستر كيمياء حيوية سريرية خارج الحسبان تقريبا شروطه ماتقبلني )
او ماستر احياء حيوان ؟ هل مستقبله أفضل؟ < و هل تلزمني دراسة سنة تكميلية؟
او اقدم على تخصصات اخرى مثل الادارة العامة- دراسات طفولة ...الخ؟ بعض برامج الماستر تقبل جميع التخصصات
او برنامج التعقيم اللي تقدمه هيئة التخصصات الصحية؟

صراحة ندمت اني دخلت هالقسم الله المستعان

جزاكم الله كل خير و الله يحقق لكم كل أمنياتكم

[invisble star]

وعليكم السلام

اول شي مبروك ع التخرج
بنسبه للنقطه الاولى صحيحه تدربي سنه و في النهاية فني سحب دم و الي سمعته دحين في برامج مسوينها الي هيا زي ما ذكرتي تعقيم ، ومكافحة عدوه، وسحب دم طبعا لازم تراجعي شروط تقديم والحلو فيها لكي اولويه في التوظيف سواءً قطاع حكومي او خاص قدمي عليها لو حابه شغل المستشفيات

عندك في شهر ٧ احتمال يفتح برنامج اخصائى مختبرات حق الحرس تدرب سنه في الرياض و بعد سنه من كل قسم من البرنامج ياخذو فقط عدد معين والباقي يخرج بشهاده تدريب تساعده لو حاب يقدم في مكان
وفترة التدريب تعاملي كموظفه يعني تستلمي راتب ... في معلومه سمعتها انو دي سنه ماحيفتحو بس انتي شيكي لو حابه

بالنسبه لتدريس سمعت انو تقدري تختبري كفايات كيميا عام +خاص عشان يقبلكي النظام و تدخلي جداره لتدريس كيمياء طبعا لو اخذتي شهادة التربوي حتفيديك في المفاضله
تقدري تشتغل في مصانع في قسم الجوده عندك مصنع الجمجوم و البترجي غيرها

الماستر انا زيك ضايعه مو عارفه ايش اختار، اخاف اكمل و برضو اندم
احياء انا حاذفتو لانو حالهم من حالنا

كيميا التحليليه ممكن لانو في وظايف

ادراه طبعا وظايفه كثيره لكن لازم تحطي في بالك الي يقدمو عليه كثير

اتمنى اكون افدتك لانو كنت زيك ضايعه و احتجت نصيحه

[Jamvog]

سعاد
اشتقنالك
جدااا وان شاء الله بعد ايام
راح تشوفي الذ الاطباق با المنتدى
وانتي اختاري واطلبي مني كل ما تتمني