شباب كيف سالم شاهين ولا سيد صبغت الله؟؟؟؟ Phyz 202

[Eng.khaled]

شباب انا ادرس عند سالم شاهين دحين ومتردد انقل لسيد صبغت الله ولا لا


انا عارف انو مافي احد يشرح تمام في الفيزياء لكن اهم شي الدرجات والتعامل ؟؟


فإيش تنصحوني

[Baf]

سالم شاهين ابعد عنو مرررررة .. شديد وكذا طالب اعرفو اخد F عندو ..

سيد صبغت الله احسنهم بس مايدف درجات يعطيك حقك بس بدون زيادة ..

[البرق الاصفر]

شوف
بالنسبة لسالم شاهين
انا اخذت عنده فيزيا 101
ماقدرت امشي فيها الا بمدرس خصوصي
بس لو تمشي معاه تمام وتكون مساعده في المحاضرة والشاطر حقه اللي ما يخذله في سؤال تلاقيه يدفك في الدرجات
وغير كذا
بالنسبة للكويزات
حاول تحل كل الكويزات مع اصحابك او مع خصوصي ولا تنسى افكارها بالمرة لانه حيعمل كويز مساعد وهو عبارة عن جميع الكويزات اللي سويتها قبل فلو انت حليتها كلها وحفظت افكارها فالكويز المساعد تضمنه باذن الله
بالنسبة لشرحه
سالم شاهين مستواه في الفيزيا عالي وهذا اللي مسبب مشكلة في تعليمه للمادة وغير كذا تلاقيه يتفلسف في القانون وتلاقي من القانون الواحد كتب مية قانون تانين او انه تلاقيه يكتب السبورة كلها قوانين وفي الاخير يديك قانون واحد تحفظه
الفكرة كلها انه يعلمك كيف استنتجو القانون المتعلق بالدرس
وحاول انك ما تشرد في ذهنك
لانه لو غفلت لحظة حاول تلقطه بعدها
هو طيب ان كنت معاه مية مية

[Eng.khaled]

الف شكر يا غالي انتا كفيت ووفيت صراحة وما اقول الا الله يوفقك دنيا واخره

[Eng.Ahmad]

والله شوف انا درست عند سيد سبغت الله
والله شرحو ما يحتاج وكمان كويزاتو سهله بس الدرجاااااات يديك حقك
ما يزودك درجه
وكمان في حاجه شديييييييييييييييييييييييييييييد في التحضير مررررررررررررررره

[عوكل المبي]

شوووووف يا بش مهندس انا باقوووولك نصيحة ابعد عن سالم شاااهين شرحوووووا مررة مو تماااام ومحتقدر تمشي معاااه غير بخصوووصي انا درست عنده وكانت كويزاته صعبة بس الحمدللله بعد الله ثم الخصووصي عديت من 101 بدرجة حلووة لكن لو كنت على شرحه وكوزاته كاااان اخذت المادة معايا دا الترم شووفلك غيره .....