مشكلتي كطالب زائر !

[بيان الرشيدي]

بسم الله الرحمن الرحيم
السلام عليكم ورحمة الله وبركاتة

انا موضوعي ملخبط والله ومني عارفة من فين ابدا
بس حقولكم كل شي من البداية
انا انسانة كنت تعليم عن بعد والحمدلله جبت معدل عالي
وحولت انتظام لفرع ( الفيصلية )
وطبعا انا ساكنة في جنوب جدة والفيصلية جدا بعيدة عليا
وطلبت تحويل للسليمانية كطالب زائر والحمدلله حولوني
بعد كذا لما داومت وجيت ابغا اختصار تخصصي
انا طبعا كنت ابغا علم نفس
وقلتلهم قالولي ماينفع لانك طالب زائر لازم تاخدي من تخصصات الكلية الي كنت فيها الي هيا الفيصلية واخترت تاريخ
وقلتلها ابغا علم نفس ولما عرفت معدلي قالتلي اكتبي اسمك ورقمك الجامعي
دوامت اسبوع كامل في تخصص تاريخ
ودحين لما فتحت الاوديس لقيتهم محوليني علم نفس
بس لسا كطالب زائر
يعني دحين لازم اجيب معدل عالي عشان تروح كلمة زائر من الاوديس ولا كيف مني فاهمه
ولاترم ويرجعوني الفيصلية وللعلم الفيصلية مافيها علم نفس

افيدوني جزاكم الله خير

[بيان عبدالعزيز]

يعني دحين لازم اجيب معدل عالي عشان تروح كلمة زائر من الاوديس ولا كيف مني فاهمه

يب ي قلبي لازم تجيبي معدل عالي وف الترم الثاني تروحي تراجعي عمادة القبول عشان يشيلونها لك وتكوني كطالبه ثابته عندهم^^

ولاترم ويرجعوني الفيصلية وللعلم الفيصلية مافيها علم نفس

لا ماراح يرجعونك اذا جبتي معدل عالي لا تخافي

والله يوفقك وييسرلك وشدي حيلك عشان تثبتين ف الجامعه=)

بالتوفيق

[بيان الرشيدي]

جزاك الله خير
بس كم المعدل المطلوب يعني تقريبا كم ؟

[بيان عبدالعزيز]

المشاركة الأصلية كتبت بواسطة بيان الرشيدي جزاك الله خير بس كم المعدل المطلوب يعني تقريبا كم ؟

ااممم تقريباً 3ونص او حاولي تجيبي اعلى^^

[بيان الرشيدي]

شكرا لكك ريحتيني الحمدلله
انا معدلي 4
جزاككككك الله خيرر

[بيان عبدالعزيز]

المشاركة الأصلية كتبت بواسطة بيان الرشيدي شكرا لكك ريحتيني الحمدلله انا معدلي 4 جزاككككك الله خيرر

العفو ي قلبي

ماشاءالله تبارك الله جميل وحافظي عليه=)

وياك يارب

=)

[أمل و طموح]

اللي اعرفو لازم تجيبي معدل 4 ونصصص