انطباعكم عن الفكر الفلسفي

[قيس77]

السلام عليكم
بالنسبه لي الاسئلة كانت مربكه و من بين السطور

واعتقد فيه سؤال ماهو من المنهج اللي يقول في صلاة الفجر تقرأ سورة السجده والانسان.

[محمد275]

والله ياقيس انا مدري بس نموذجي أ ياليت احد يعطينا الاجوية

[kawlany]

الاسئلة فلسفة زود على فلسفة المادة كانت الاختيارات للتغليط والاسئلة من بين السطور اما السورتين فهي فلسفة فوق المنهج وجوابه اظن خطأ

[سينيوري]

ان شاء الله ناجحين يا شباب

تفاءلوا

انا شعرت اني جبت العيد ولكن متفاءل بالله وأملي فيه لا ينقطع

[هدددددء]

والله طلعت من القاعة وانا متأكد راسب... بس ذلحين قاعد اصحح اجاباتي وان شاء الله الامور تماام

وجهنة نظري ان المادة ماتستحق ندرسها ..
لا واللي يقهر انهم يجيبوا اسئلة تعجيزية ولا يحددوا في المنهج يعني يبغاك تحفظ الكتاب كامل
والمصيبة الكبرى انها ثلاث ساعات .. يعني تنكب المعدل

الله ييسرها

[mohshehri]

وفقكم الله اخواني الكرام اتوقع اللي قراء الكتاب كامل راح يجاوب من بين الاسطر صعبه ومجهدة الصراحة ولازم سوال او سؤالين شطحة من برا المنهج والعلم عند الله

رعاكم الله اخواني

[ملك الاحساس]

والله أسئلة مالها داعي أبدا

لكن الله ييسرها بإذن الله كلنا ناجحين

[المحزوون]

يا شباب اذكروا الله وتفائلوا ..

الترم الماضي احد اقاربي اختبر المادة وخرج من الاختبار واتصل فيني وقال لاتنزلها لي الا في ترم التخرج قلت ليه صعب الاختبار قال من الحين راسب 100% مافهمت ولا سؤال بس مثل ماوصيتك خلها اخر ترم ..

يوم طلعت النتائج جاب 68 وحلف بالله انه مدفوف ويقول لو درجتي بعد 20 مدفوف ههههههههههههههه :)


اهم شي التفاؤل والله يوفقنا واياكم ..

[لورآآآآنس]

سؤال صلاة الجمعة ذا لحس مخي وش دخل السؤال هذا بالفلسفة بعدين مادة الفلسفه صعبه المفروض اقل شيء يكون في مساحة حرة بمخك 50 قيقا !!
بعدين المادة ذي صراحه ماتفهم بسهولة والله اللي يذاكرها يوصل لمرحلة انه يقرأ ويحس انه مايدري وش يقرأ يعني المخ يقفل تماماً

[ملك الاحساس]

ياشباب انا صراحة طبقت الطريقة المحزونية

اللي ماتعرفه صح على طول هههههههههههههه

متفائل بإذن الله