دخول الكلية .. مساعده لاهنتم

[Abdulaziz-R]

.
.



السلام عليكم ورحمة الله وبركاته

كيف حالكم ؟! أخباركم ؟!

المهم ..
أنا طالب تحضيري علمي خطّة أ

حبيت أسأل عن الدرجات المطلوبة لدخول كليتكم الموقّرة ؟!
وهل دخول الكلية يعتمد على المعدل العام للفصلين , أو على مواد معيّنة
ولو على مواد معيّنة وش هي المواد ؟!


لأني اظن الفيزياء مطلوبة عندكم ..
ويمكن يادوب أنجح وأجيب 65


أفيدوني


.

.

[Abdulaziz-R]

.
.

وكم المعدل العام ؟!
أو كم المعدل للمواد المحددة بالارقام ؟!

[ROBOT]

اهلين اخوي ...اهلين بآل التحضيري الكرام .
بالنسبة للمعدل المطلوب فهو 3 من 5
اما الدرجات المطلوبة فهي كالتالي :
رياضيات 75
فيزياء 75
انجليزي 75
والمهم في هذا كله هو النسبة الخاصة للكلية وهي اعتقد 72 وهذا يختلف من دفعة لأخرى حسب اعداد الطلبة اللي اختارو هذه الكلية ... فكل ما زاد عدد الطلاب زادت النسبة الخاصة (( علاقة طردية ))
اما بالنسبة للدرجات في المواد السابقة فهي موجودة من ضمن الشروط لكن في الغالب غير معمول فيها ... بالتوفيق خيو .. واي استفسار ان شاء الله انا والشباب الباقين راح نجاوبك على كل استفساراتك

[ahmed 19]

شوف حبيبي انت بس انجح وجيب معدل محترم(مو عالي بس محترم)وتنقبل
ترا دخول الكلية سهل مرررا مررا مررا

انا ما اقصد من كلامي انك خلاص تجيب العيد
بس اقصد لا تخاف ولا تشيل هم

[Abdulaziz-R]

يعطيكم العافية .....

طيب لو أخذت الفيزياء صيفي أقدر أدخل الكليّة ..
لأني لو أخذت 35 في النهائي باخذ 65 ..
لان درجات الدوري عندي نازلة .. وماني فاهم كثير من الفيزياء .. واختباري بعد بكره ..


يعني انا ما عندي مشكلة اخذها صيفي واجيب فيها درجة كويسة ..
أقدر اذا اخذتها صيفي يسكنوني في الكلية ,,,,



وشكراً
.
.

[ROBOT]

المشاركة الأصلية كتبت بواسطة abdulaziz-r يعطيكم العافية ..... طيب لو أخذت الفيزياء صيفي أقدر أدخل الكليّة .. لأني لو أخذت 35 في النهائي باخذ 65 .. لان درجات الدوري عندي نازلة .. وماني فاهم كثير من الفيزياء .. واختباري بعد بكره .. يعني انا ما عندي مشكلة اخذها صيفي واجيب فيها درجة كويسة .. أقدر اذا اخذتها صيفي يسكنوني في الكلية ,,,, وشكراً . .

شوف حبيبي ... حاول بقثدر المستطاع انك تعدي هذه المادة ولو بالستين وان شاء الله انك تعوض في باقي المواد ... بس اهم شي لا تتحط في بالك انك تاخذها صيفي ... لأن في الغالب لمن تاخذها مررة ثانيه تكون النفسية تعبانه شوي

واذا قصدك انك ترسب عشان تجيب 75 في المرة الثانية ... فلا تفكر كذا لأن كثير ما جابو 75 ودخلو الكلية ... لأن الشرط اللي مهم انك لازم تجيب معدل 3 ... شد حيلك والله يحقق مرادك

[ahmed 19]

الافضل انك ما ترسب

انت من ايش تذاكر رياضيات وفيزياء ؟؟

[Abdulaziz-R]

طيب ..


بما انكم مريتوا بهالمرحلة الحين لو اخذت f رسوب وليس dn
لا رحت صيفي .. لو جبت 85 مثلاً أخذها ولا فقط 60
اقصد f مو dn

[Black Soul]

يالغالي .. ابغاك تشيل فكرة الرسوب من راسك مرة

أكثر الناس يفكر انو لو رسب نفسه في مادة واخدها صيفي بيقدر يرفعها ويرفع معدلو ويدخل الي يبغاه

وبعدها يتفاجأ ان كلامه كله خطأ وياكلها ع راسو < انا ما اقصد اني اخوفك بس دامك تقدر تنجح انسى الفكرة هذه

وصدقني النجاح بـ 60 في السنة التحضيرية .. أفضل بكثير من النجاح بـ 95 في الصيفي

لأنهـ أساسا مهما جبت درجة عالية في المادة ينكتب عندك في كشف الدرجات f

لا وبعد بمجرد انك تاخد f في اي مادة ، المعدل الـي من 5 والي من 100% يطيح .. وما يرتفع بسهولة

....

لكن عشان لا تقول اني حطمتك :-) .. تقدر تشتهد وتجيب الي تقدر عليه .. وتقدم ع الكلية .. ولو ما انقبلت ادخل اي كلية ثانية لترم واحد وترفع المعدل اكثر وتحول بعدها

يعني عندك اكثر من طريقة أضمن وافضل من الرسوب

((ووالله ما رديت الا لإهتمامي لك ولأني عانيت نفس الشيء في التحضيري))

تحياتي لك .. وبالتوفيق في كل أمورك

[Abdulaziz-R]

^
^

{ والله في عون العبد ما كان العبد في عون أخيه }

يعطيك العافية حبيب قلبي ..
والله يوفقنا وياك