][ الإعتـراض على نظـآم مُحاضـرات السنتـرآ | لنجد الحل هُنـآ | ][

[*الأمل البعيد*]

صحيح مانبي نضيع لازم وحدة ترأسنا يعني تكون هيا صاحبة المجموعة ؟!؟!؟

[رشــآ]

انا كمان ان شاء الله حكون معاكم يوم الاثنين
وارسلت بياناتي لنور ..

[miss mo0o0n]

مايحتاج تعرفوا بعض راح تكون متجمعين في نفس المكان
ووقتها راح تعرفوا انكم بنات الانتساب ض1

[Rare-Rose]

لحظ لحظة هم قفلوا الحذف والاضافة دوبي فاتحتها موجودة عندي ياعالم احد يرد علي كيف يقفلوها
ثاني شيء انا اشوف الحضور احسن والاعتراض المباشر افضل
يعطيكي العافية على فكرتك بس اش يضمني مايسون لي فصل مثل طلاب مكة
ثاني شي واحدة قريبتي ما خذه اعفاء وتبي تعترض بس خايفة يشيلون منها الاعفاء
عاد انا قلت لها سيبي الخوف هذا من الملك مو من جيوبهم بس خايفة برضه
عن نفسي بإذن الله من7 وانا في الجامعة والله ما اسكت لهم وش يحسبون انهم جامعة هارفرد ولا اكسفورد
ترى حتى بالاعتراف العالمي مالهم شيء فلا يشوفون انفسهم علينا
رضينا بالهم والهم مارضي فينا
انا مو ضد الغاء السنترا عشان اللي برى جدة
راضيين به يقطع بس يرجع مثل اول 3 اسابيع
اما محاضرات مسجلة ومن كم سنة ومو نفس الاستاذة اللي بتعطيني هذا اذا ماكملت والمناهج كانت متغيرة
اما المناقشة اللي يبغوها فمع نفسهم والله تناقش مين وتسيب معها 50 بنت في المحاضرة كيف بيكفي الوقت للاسئلة نضحك على مين احنا
وبالنسبة للبنات اللي قاعدين يحبطون في البنات قولي خير ولا اسكتي
عاجبك الوضع مع نفسك لكن تحبطين غيرك لا
واتذكرا يابنات اش سوو بنات جامعة الملك خالد وجامعة ام القرى وكيف اخذوا حقهم
اللي تبغى حقها تجي يوم الاثنين مبنى العمادة والقبول على الساعة 9:30 يكون اتجمعنا
لازم صوتنا يوصل احنا ما نرضى بالظلم اكثر من كذا
خلاص بلغ السيل الزبى
اللي خايفة على مستقبلها ومن جدة تجي واللي برى جدة وتقدر تجي برضوا تجي
ترى ما يحك جلدك غير ظفرك

[ALOA]

طيب الدكتور اسامة الطيب راح يكون متواجد يوم الاثنين في كلية البنات اللي بالفيصلية في قاعة الجوهرة الساعة 11 صباحا ليسمع متطلبات الطالبات والشكاوي احنا بدنا نروح هناك افضل من الجامعة لانو في الجامعة ماراح نستفيد شي هو مو موجود احنا نبغاه هو لانو القرار ماتنفذ الا بعد موافقته هو شخصيا وتوقيعه يعني هو كان راضي احنا بدنا نتاقش معاه هو افضل

[ايات الحفني]

مافي شي هايتغير لاتعبو نفسكم هدا تمهيد عشان السنة الجاية مافي محاضرات مرة احنا نعتبر تعليم عن بعد مو انتساب الانتساب على اقل كورس محاضرات نفهم منه المنهج ببساطة استهتار وهانرضى بالامر الواقع في الاخير ....

[دكتوره منال]

تجمع يوم الاثننين قدام العمادة وانا معكم ان شاءالله

[لمار عزوز]

الموضوع هذا مخصص للمعترضات
اللي ماعندها إعتراض تروح تشوف المحاضرات المسجله وتمسك كتبها
أحسن لها

[*الأمل البعيد*]

بنات تعرفو ان استاذة علؤم القران في الفيصيلة تقوؤوؤوؤل طالبو بحقوقكم ﻵن الجامعة جالسة تاخذ مليارات في جيوبهم والمدير اؤلهم وهذه فلؤس حق بناية ومنشئات ومخططات لطلاب يقدمو ع دراسة ولهم سنوات مخلينها بس مخططات مابنو شيء في الجامعة قمممممممممممة النصب والنهب ربي ياخد حقنا منهم

[Enoy]

المشاركة الأصلية كتبت بواسطة ALOA طيب الدكتور اسامة الطيب راح يكون متواجد يوم الاثنين في كلية البنات اللي بالفيصلية في قاعة الجوهرة الساعة 11 صباحا ليسمع متطلبات الطالبات والشكاوي احنا بدنا نروح هناك افضل من الجامعة لانو في الجامعة ماراح نستفيد شي هو مو موجود احنا نبغاه هو لانو القرار ماتنفذ الا بعد موافقته هو شخصيا وتوقيعه يعني هو كان راضي احنا بدنا نتاقش معاه هو افضل

اتمنى التجمع يكون بالفيصلية للقاء بالدكتور والمناقشة معه في حل هذه المصيبة