حصريـــا لايفوتكم^_^تجربتي وكل شيء بـ لابي من فايلات لخطة ب(كيمياءو..) بسدحه لعيونكم

[نور عيني08]

السلام عليكم ورحمة الله وبركاته

كيفكم ياحلوين؟....... كيفكم ياصيايا؟؟..... ايش اخباركم؟ ..... وكيف اجازتكم بعد الكرف اللي شفناه بالاختبارات ؟؟....
وكيف الدرجات للي طلعت نتايجهم ؟.........وكيف الحلوين اللي لسى داخلين الجامعه؟؟<<ياليييييل اخلصي علينا

انا اليوم جايه وكلي حماااس واندفاع<<اوبس الله يستر من هالاندفاع هع
بعد ماخلصت الاختبارات وفرحانه الحمدلله
اخر وناسه وفله مع الصيف
وقلت لازم اقدم لكم خبرتي في خطتي احم احم <<برآ
واقلكم ع كل شيء ممكن يفيدكم بهالخطه ع اساس تجربتي فيها <اخوووص يا ابو التجارب انتي هع وخر عنه وخر

بصراحه الواحد لو لقي زي هالمواضيع يوفـــــــــــــــر عليه تعب ووقت وجهد وهو يدور ع نماذج او ملخصات او حلول
و انطلقت فكرتي من كم موضوع شفته هنا بهالمنتدى يشبه هدا واستفدت منه مرررررررررررررا
فحبيت اقدم اللي اقدر عليه واساعدكم باللي عندي زي مادعيت من قلبي للي ساعدوني

المهم<<ايييوه هدا اللي نبي بلا كثرة هرج هع

اممم حنبدا خطوه بخطوه
اولا: مقدمه بسيطه عن انطباعاتي عن الماده
تانيا:استاذات الماده وملاحظاتي ع المذاكره فيها
تالتا: الفصول اللي معانا وبعض الملاحظات
واخييييرا كل مافي لابي من نماذج وحلول وملخصات بسدحه هنا

بس عندي رجاااء اخير يااااااااليت لا حد يررررررررررررررد لين ما اخلص من كل شيء علشان الناس تستفيييييييييد لين تدخل موضوعي ماتقعد تدور ع الفايلات بين الردود


واتمنى هالموضوع يفيد الجمييييع واحسبه لوجه الله تعالى واصدق رد اعتبره دعوه صاااادقه من قلب

خليكم معانا حنقلع قريبا ..... انتظرووونا

......لي عوده ودمتم بخير

[نور عيني08]

حأبدا بالاحصااااء
اولا: الاحصاء ماده ممتعه جداااااا وحلوه وممكن نقول عليها شبيهه الى حد ما للرياضيات وانا احب الرياضيات بصراحه بس الفرق ان الاحصاء
ماده من واقع حياتنا يعني تسوا احصاء للناس اواستبيان لشيء معين وتحصروا النتائج او تعرفوا احتمال شيء معين كم حيكون مثل عائله لديها اطفال ماهو احتمال يجيبوهم كلهم اولاد وزي كدا<<حفظت هالمثال من كثر ماعمونا بيه هع
يعني اشياء مرتبطه بحياتنا العمليه مو زي الرياضيات حسابات فقط من غير ماتكون مرتبطه ارتباط تام بحياتنا
واحب اقول شيء
ع اني ماكنت دايم افهم من استاذتي ومايعجبني شرحها
ومن المعروف انه الاستاذ/ه لهم تاثير ع حب الطالبـ/ه للماده وتقبلها
بس انا كنت احيانا احضر اكسترا لما افضى واكون مو فاهمه مع استاذه ثانيه واستمتع مرررررا

تانيا: انا جربت 4 استاذات
استاذه شفياء : تشرح وتشرح بس تحسي نفسك ضاااااااااااااايعه
نصييييييييحه استاذنوها انكم تحضروا عند استاذه غيرها من البداااايه واستاذنوا الاستاذه التانيه انها تحضركم عندها بدال شفياء
استاذه نهله: خطييره ماشاء الله عليها تشرح وتفهمك فكرة الامثله والتمارين مرا كويس بس ماتحل كل شيء
تعتمد عليك انتي تحلي والاشياء الصعبه تحلها بس اما تفهمي معاها تروحي تحلي لوحدك يطلع حلك صح يعني مايحتاج
ولما يكون عندم استفسار اسئلوها لانها تفهم اي وحده حتى لو مو من طالباتها ربي يسعدها
استاذه ود: تشرح شرحها وسط لكنها تحل كل شيء
انا بالنسبه لي نهـــــــــله توب ومافي غبار عليها اهم شيء الفهم مو الحل
دكتوه سماح سندي:هدي حق السكشن مررررررررررررا كويسه وتوب التوب تشرح وتحل وتفهم وكل شيء
بس نحن ع حظنا اعطتنا اول سكشن بس وبعدها ماصارت تعطي سكاشن صاروا استاذاتنا يعطوا في دي الحاله روحوا عند نهله
واللي سمعت فيها عبير بالبيد كويسه

طريقة المذاكره:
الاحصاء يبغاله مذاكره اووووول باووووول ولاتراكموها لانكم لازم تفهموا وتطبقوا وتحلوا لاسئله اللي يحدودها لكم بالسليبول حق كل درس
وتحضروا سكاشن حتى لو حليتوا الاكسرسايز لوحدكم وطلع صح الافضل احضروا سكشن لانهم يقولوا ملاحظات عامه تفيدكم
وذاكروا من الكتاب وملخصات السعدي لانها مرا تفيد وتلخص لكم الافكار
ويوم الاختبار بعد ماتذاكروا حلوا كم نموذج ضرووووووووووري لانه بصراحه اللي في الكتاب اشياء مباشره ودايم النماذج فيها لفات
فخدوا افكار اللفات من النماذج

تالتا: الفصول اللي معانا حسب السيلبول
شابتر1: عن الاحصاء وانواعه والعينات والاخطاء الاحصائيه ..هدا نظري يعني لازم ينحفظ
شابتر 2: عن التوزيعات التكرايه وتمثيلها بالرسومات ..تفهوا البينات اذا كانت وصفيه او كميه تستخدموا لها أي رسم واي جدول
شابتر3: عن مقاييس النزعه المركزيه ومقاييس التشتت ومقاييس الموقع واستكشاف البيانات وتحليلها ..هنا قوانين لكل مقياس وتطبقوا عليها وتقارنوا بينهم
شابتر10 و13: معامل الارتباط والانحدار ..تحسبوهم بقوانين ولما يطلع لكم الناتج تعرفوا علاقتهم طرديه او عكسيه
شابتر4:الاحتمالات ومبدئ العد ..هنا لازم تحلوا كتير لان الافكار تختلف من مسأله لمسأله
شابتر5: الاحتمالات التوزيعيه وتجربة ذوحدين ..هنا قوانين تطبقوا عليها بس لازم تفرقوا بين مساله ذو حدين وغيرها من صياغه السؤال
شابتر 6 الاخير: التوزيع الطبيعي ..هنا تكشفوا عن مساحه الاحتمالات من جدول وفيها قوانين علشان تتوصلوا للكشف

اخيرا حارفع الفايلات اللي عندي للاحصاء
1- قاموس الاحصاء يفيدكم في معرفة معاني الكلمات
2- ملخصات الاستاذ جمال السعدي لشابتر 1 جزئين و2 و3

...لي عوده ودمتم بخير

[نور عيني08]

علشان مو راضي يترفع مع بعض حأفرع جزء جزء

تابع الملخصات شابتر 4 و5 و6

.....لي عوده ودمتم بخير

[نور عيني08]

اخر شيء في الملخصات ياحلوين شابتر 10 و13
ونبدأ بالنماذج اولا اختبارات دوري اول

...لي عوده ودمتم بخير

[نور عيني08]

ونماذج اخرى للدوري الاول
اي نموذج اللي مكتوب عليه جمال السعدي معناه ان الاستاذ جمال السعدي كاتب طريقة الحل

...لي عوده ودمتم بخير

[نور عيني08]

ودحين نبدأ بنماذج الدوري التاني

...لي عوده ودمتم بخير

[نور عيني08]

ودحين نماذج الفاينل
وبكدا خلصنا من الاحصاء وحنبدأ ان شاء الله بعده بالاحياء

...لي عوده ودمتم بخير

[نور عيني08]

اممممم قبل لا ابدأ بالاحياء
لقيت عندي بعض الحلول لاسئلة كتاب الاحصاء
فقلت احطها امكن احد يستفيد منها

مع اني افضل انكم تحلوا بنفسكم وبس تتاكدوا منها
للمعلوميه انا ماكنت افتحها نهائي وكنت اتاكد من الاستاذات
فلا اعلم مدى دقتها وصحتها بس انا حملتها من المنتدى هدا
وان شاء الله تكون صحيحه

...لي عوده ودمتم بخير

[نور عيني08]

اخر شيء باسئلة الكتاب ياحلوين

...لي عوده ودمتم بخير

[نور عيني08]

والآن جاء دور الاحياء وحأختصر النقاط فيه

اولا: الاحياء مايبغا له تفصيل لانه بالمختصر اكتر ماده تضمنوا فيها الدرجات لانها تعتمد ع جهد الطالب وحفظه بس انتبهوا تخلوها اخر اهتمامكم وتركزوا ع الكيمياء والاحصاء زيي وتضيع درجاتكم فيها
وتندمــــــــــــــــــــــــــوا قد شعر راسكم

تانيا: الدكتورات في الاحياء مو مهمين يعني لو جاتك دكتوره تقرا فقط من السلايدات زي حالتي الدكتوره فريال عادي مشي معاها لانه يعتمد ع حفظك بس لو جاتك دكتوره كويسه زي دكتوره حنان الشاذلي تفهمك وتحفظ فخير ونعمه

تالتا : نصييييييييييييييحه من مجرررررب ما ابغاكم تغلطوا نفس غلطتي
الاحياء لا تذاكروه في نفس اليوم لان المعلومات كتيره وممكن تتخربط عليكم وممكن مايكفيكم الوقت تخلصوه
حاولوا تنزلوا التست بانك قبل باسبوع وكل يوم امسكوا كم ورقه علشان لا تملوا من الحفظ ويسهل عليكم يوم الاختبار مراجعة المعلومات مو حفظها من جديد وكمان حاولوا تطبعوا المترجم لانه يختصر عليكم نص الوقت وتقارنوه بالاساسي

والاهم في الاحياء الربـــــــــــــــــــــــــــــــط حاولوا تربطوا الاسئله بالاجوبه
يا بحروف يا باشخاص يا باطول كلمه بالسؤال واطول كلمه جواب <<هدا ربط صحبتي ربي يسعدها حاولوا تبدعــــــــــــوا في الربط
والله هدي افضل وسيله وانا مجربتها اللي اربطها بسرعه احلها بالاختبار واللي ماتنربط معايا اتردد في حلها بالاختبار لان الكلمه تمر عليكم كتيييييييييييييييييييييييير

واخير: حأرفع لكم الفايلات
الملف الاول والتاني تست بانك الاساسي للدوري الاول من دكتورتي
والملف التالت تست بانك الدوري الاول متـــــــــــــــــــــرجم انا لقيته في المنتدى ساعدني كتير بس فيه بعض الفقرات عدلوها
والملف الرابع والخامس تست بانك الاساسي للدوري التاني من دكتورتي

...لي عوده ودمتم بخير