كم لازم أجيب نسبه في التانوي عشان أدخل دي الجامعه؟؟؟

[M!ss 5o05a]

بسم الله الرحمن الرحيم
السلام عليكم ورحمة الله وبركاته ...
أنا طالبه تخرجت من التانويه ونسبتي مره حطمتني
لاني ما توقعتها ونفسي أدخل دي الجامعه
المهم
أبغى أعرف كم النسبه اللي وقفوا عليها السنه اللي فاتتة
علما بأن نسبتي 96.7
وجزاكم الله خير

[روووني]

والله يا حلوه هذا يعتمد على القدرات والتحصيلي
في بنات كانو جايبين في الثانوي 100%ومادخلو الجامعه لانو القدرات والتحصيلي خسفتهم
وهذا يعتمد على نسبتك الموزونه مو التراكميه
السنه اللي فاتت وقفو التسجيل اذاماكنت غلطانه على 84 او 85 وبعدين كتير بنات سحبو من الجامعه علشان مايبغو سنه تحضيريه وراحو يدرسو في جامعات وكليات تانيه

قامو ارسلو مسج للبنات اللي نسبهم اقل وقبلو كتير لين اعتقد وماني متا كده 82
كلو يعتمد على القدرات والتحصيلي

والله يوفقك

اذا قلت معلومه خطأصححوها ليا

[وفاء جدة]

وعليكم السلام ورحمه الله وبركاته
اول شئ انتي اختبرتي قدرات وتحصيلي؟؟؟؟؟؟

ثاني شئ النسب اللي ياخذوها هي الموزونه اللي بعد ماتختبري قدرات......

العام وقفت النسب في الانتظام 82

والتأهيلي 76

الله يوفقك ويكتب لك اللي فيه الخير.....

[$$د.عباادي$$]

القبول فالجامعه سهل جدا

بس شدي حيلك فاختبار القبول الجاي

والسنة دي الجامعه بتقبل

أعداد كبيرة

توصل ل30000

حسب كلام الصحف

تحياتي...

[نسيم الوجود]

شوفي حوبــــــي النسبة اللي آخذتيهـآ آنسيهـآ مآرآح تقدري تغيريهـآ صح يمكن الومك لان الاسئلة مو من الوزآره يعني كان المفروض تجيبي 100%

الحين اهم شي اختبآر القبول جيبي نسبته للقدرآت والتحصيلي فوق 80 واضمن لك ان شاء الله تدخلينهـآ ..

شوفي انا من خريجات سنه الوزآرهـ وانتي تعرفي كيف يعني وزآآرهـ بس جلست سنه بالبيت وما سجلت بالجامعه .. جبت نسبة 94 وكانت تدخلني التخصص اللي ابغآهـ بدون تعب القدرآت ولا التحصيلي بس ربك رآآد لي اني ماسجل الا السنه اللي راحت يعني اول مافرضوآ اختبار القبول على البنـآت وتخيلي وانا جالسه بالبيت محد يقولي كيف بتجي الاسئلة ولا كيف الاختبـآر يعني كنت حـآآيسة بس علمت حـآلي وجبت نسبة مرررره حلوه في اختبار القبول ودخلت الجآآمعه من فوق خشمهمـ كلهمـ

يعني لاتحطمي نفسكـ زيـآدهـ ..ونسبتكـ مقآرنة بنسبتي مرره حلوهـ ولا انتي اش رآآيكـ !!

آهمـ شي اختبآر القبولـــــ وحتى اظن ان اليوم البنات بدأو يختبروآ اذا ما كنت غلطآنهـ ..

اذا اختبارك لسـآ عليهـ ..ذآآكـري للاختبـآر وسيبكـ من المفهين اللي يقولو لاتذآكروآآ<<زي اخوي يوم جآب العيد

..على الاقل تعرفي طريقة الاسئلة ..


ومن نـآحية على كمـ بيوقفوآ هذآ آكيد كل سنه يتغير .. بس العـآمـ وقفوآ على 84 مو 82 لان صحبتي 82 ومـآنـآدوهـآآ ولا رسلو لهـآ مسج ولا حآجه ..<<<طبعا هذي نسبة ثانوي وقدرات وتحصيلي



الله يوفقكـ







نسيمـ

[نسيم الوجود]

نسيت حـآآجهـ ..


خلي مـآآآمتكـ وبـآبـآآتكـ يدعون لكـ .. دعوآآتهمـ لهـآآ مفعول عجيـــــــــــب ..






نسيمـ

[*طالبة العلم*]

يااختي قووولي الحمدلله نسبتك مرررررة حلووة ماشاء الله وتدخلك بالراااحه

بنات نسبهم في الثانوي في الثمانينات وبالقدرات دخلو الجامعه !!

وبنات نسبهم في التسعينات وبالقدرات دخلو الكلية !!

يعني كله يعتمد على القدراااااااااات .. شدي حيلك والله يوووفقك

>> اذا كان اختبارك اليووم طمنينا شو سوويتي : ) ...~

[ahmed_al0lyan]

وعليكم السلام ورحمة الله وبركاته

ليش متحطمه نسبتك ما شاء الله عليكي مره حلوه

انا نسبتي 86 وانقبلت فالجامعه

هيا ما تعتمد على نسبة الثانويه بس تعتمد كمان على القدرات والتحصيلي

وما ادري كم بالميه ياخدو من كل نسبه ادخلي على موقع الجامعه وشوفي في شروط القبول اضن مكتوبه

على العموم هدي النسب التلاته ياخدوها وما ادري كيف يوزنوها من ميه بعدين يحطو نسبه معينه للقبول

كانت النسبه في السنه حقتنا من 80 انتضام و اللي جايب 79 يدخلوهم انتقالي يعني بدون مكافأه

شدي حيلك في القدرات والتحصيلي وان شاء الله مقبوله
ا

[υикиσωи]

وعليكم السلام ورحمة الله وبركاته ..


يا قلبي لا تتحطمي ولا شي ...
نسبتك الحمد لله مو بطالة ابدااا ..

وحيعتمد القبول كمانا على التحصيلي والقدرات ...
فازا كنتي جايبة في التمانينات .. فان شالله نقول انك حتدخلي ..


ربي معاكي ...
=)

[MNMO0ONA]

ايوا صح ياعسل اهم شي القدرات والتحصيلي تجيبي فيهم نسبه حلوة
شوفي انا اتخرجت بنسبه 99 والقدرات والتحصيلي ماجبت فيهم ديك النسبه واتخسفت النسبه من 99 تنزل 79 واتقبلت تاهيلي شايفه هههههههههههه
اهم شي القدرات والتحصيلي