°• دليلك إلى سنة ثانية صيدلة °•

[Lil Genius]

السلام عليكم ورحمة الله وبركاته

صباح الخير جميعاً أخواتي وإخواني دفعة 09
ألف مبروك انضمامكم لكلية الصيدلة ونحن سعداء جداً بكم
وحابين نساعدكم بكل طريقة ممكنة عشان تدخلوا سنة ثانية وانتوا متحمسين ومتفاءلين

هذا دليل عملناه لكم وإن شاء الله تستفيدوا منه


http://www.medkaau.com/vb/showthread.php?t=14740


بالتوفيق

^_^

[Dr. Kheeloo]

شكرا ع مجهووووووودك يا دكتورة

والله يحيكم

:)

[حابه # اتخصص]

الله يوفقكم ويساعدكم زي ما تساعدونا

[Dr. Kheeloo]

آمين يارب

:)

[pharm.d .s]

انا شوفت الرابط
ومرا التعريف وافي ومميز وشكرا على على المجهود
بس انا راح اقولكم شيء مرا مهم وخلوة قدام عيونكم
الستة سنوات في الصيدلة زي العقد لو اتفك العقد راح تخرب الدنيا
يعني بالعربي كل سنة معتمدة على الي قبلها
صح المواد سهلة بس لازم الواحد يعطي كل ذي حق حقة
ويجتهد في كل المواد
زي مثلا في تانية organic لازم الواحد يكون حافظ الرنقات مرا كويس لانو تالت ورابع راح يستخدمها في المدسينال
في انالتيكل راح تستخدموا المادة في الفايتو في رابع والكولتي في رابع
فسيولوجي اساس مهم جدا جدا مو بس SNS &PNS برضو في تقريبا جميع المواد لانو الواحد لازم يكون عارف الطبيعي عشان يفهم المرض وطبعا د.الهام في الفارماكولوجي تطلب برزنشينات قبل ما ناخد اي مجموعه ادوية وتسال في دي المادة يعني لاترموا الشيتات
الكالكوليش في الفارماسيوتكس دا مرا اساسي وفي المستشفى كتير يعطوا اسئلة من دا الكتاب
الستاتستك راح تستعملوة في رابع في الكولتي
البايوكمستري راح تستعملوة وفي اشياء لازم تنتبهوا فيها راح تفيدكم في صيدلة
ازا نسيت شيء ان شاء الله افتكر واجي اقولكم

[Dr. Kheeloo]

صدقتي اختي

و الله يحيك معانا هناك


بالنسبة ليا حأبدأ اراجع دي الاشياء

عشان الفارما

و الله يوفقنا و يوفقكم

:)

[pharm.d .s]

مو بس الفارما حتى الثرابيوتكس (الباثوفسيولوجي )
راح تساعدك مرا فيهم الفسيولوجي
<<<< لو كان عندك كتاب ترتورا يكون احسن

[حابه # اتخصص]

يعني ما ينفع شغل الفرمته الي نعملوا نهاية كل سنة
كلوا له علاقة بكلوا شي حلو ومو حلو
بس ياليت دكتورة اذا ما عليكي كلفة توضحيلنا الكتب الي راح نستفيد منها بالنسبة لكل مادة وراح اكون لك مشكورة

[pharm.d .s]

اممممم
شوفي انا عن نفسي اعمل فرمتة
لما رحنا تالت كانو الدكاترة في الفارما يخلونا نرجع نراجع انا طبعااا << رميت كل الورق
وكمان في المدسينال عقودنا الدكاترة باسماء الرنقات
بس انا باقولكم الكلام دااا عشان تستفيدوان من غلطتناااا لانو بصراحة ما احد قلي اني راح ارجع استفيد من المواد الي اخدتهااا
على الاقل لو سويتوا فورمات في الاجازة تكون المراجع الي اختبرتوا فيها عندكم موجودة عشان ترجعوا تراجعوااا
بالنسبة في المراجع اتوقع الي راح تشتروة بس كتاب الفارماسيوتكل كالكوليش اعتقد بمية وعشرين << بس مو متاكدة
بالنسبة للمواد التانية مو لازم يكون عندك كتب لانو اغلب الدكاترة يعطونا شيتات
بس انا من الناس الي يحبون يقنون الكتب وكل مادة عندي لها كتاب
بصراحة اتفشل لما اقول اني دكتورة شيتات
بس لو كنتي تحبي تشتري كتب راح اعطكي المراجع الي عندي

[Dr. Kheeloo]

كل شي متواجد في الرابط اللي وضعته د /ليل

فيما يخص سنة ثانية

اما الكتب كان بس بايو كيمستري حتى مو مره ... و اناتومي هو الاساس مافي شيتات
و هيستلوجي زيو

بس

:)