الي قالت في تدريب عشان نسير اخصائيين مختبر في مستشفى الحرس تدخل ضروري !!

[NoNa al7ellwa]

السلام عليكم
اختكم في الله ماااا ناااامت و واصلت يوم كامل عشان اطلع من بدري لمستشفى الحرس لانو السواق مو فاضيلي طول اليوم ..
المهم دخلت وحده من المباني ..
دخلت سييييده على قسم التوظيف قلت ابغى وظيفة .. قالو يبغالك بطاقة الهيئة .. قلت طيب في تدريب عندكم للكيمياء الحيوي .. قال ما ادري .. بس كيمياء حيوي عادتا نحطكم سحب دم !!
قلللت نننننععععععمممم !!! انا مني راضيه بفنية مختبر تقولي سحب دم !! و ربي صددددمه

المهم قلت طيب مين حق التدريب قالي روحي اسألي في الرسبشن ...

و انا رايحة الرسبشن شافني واحد موظف اظنو شافني حايسه و يبغى يساعدني .. المهم قالي ايش عندك ؟؟ قلتلو ابغى المسؤول عن التوظيف ولا التدريب و لا اي شيء قالي تعالي معايا
و وداني لمكتبو طلع مدير المدير التنفيذي ..
جلس يسوي اتصالات لكل اقسام المستشفى .. و كلم الهيئة الطبية .. قالولو كيمياء حيوي لازم يتدربو اقل شيء 6 شهور في اي مستشفى بعديين نعينهم سحب دم !!

انا ترا خلاااااااص قمه التحطيم جالسة اقولو يعني حقين الدبلوم الي يدرسو سنتين يشتغلو في المختبر و احنى بكالريوس كيمياء حيوي سحب دم !!

لا و يقولي انتي اشتغلي فترة في سحب الدم بعديين نسمحلك تدخلي المختبر << حسيت اني باكسر اجهزتهم نسمحلك قال .. قووويا صراحة

المهم مرررره ما اقنعني قالي انتي اتدربي و تعالي احنى ما نطالع لتصنيف الهيئة انتي على حسب شهادتك نوظفك في المكان الي يناسبك ..

قلتو طيب انا ما جيت مستشفى الحرس الا لسبب واااااحد .. قالولي عندكم برنامج اني اتدرب و اخذ كورس انجليش و كم مادة كمان و اسير اخصائية .. و سار يسوي اتصالات قال لا ما عندنا كدا .. ما اقتنعت ..

خرجت من مكتب الادمي دا و جالسة افحط في المستشفى ادور المختبر ..
رحت سألتهم قالو في ناس يتدربو عندنا و كدا.. قلتهم كيماء حيوي ايش يتدربو ؟ قال و الله ما عندي فكرة روحي اسألي الدكتور عبد الفتاح ..
و الف وادور مكتبو و لما وصلت ما لقيتوو ..
طلعلي واحد مدري من فين بس شكلو يشتغل في المتخبر .. قلتلو لو سمحت فين دكتور عبد الفتح قالي دحين البريك حقو .. فسألتو عن التدريب و البرنامج دا .. قال انا ما سمعت عن البرنامج دا هنا
يقول بس لما كنت اشتغل في الرياض كان في طلاب كيمياء حيوي يتدربو و يدرسو عشاااان يسيروو فنيين مو سحب دم .. يقول اما كيمياء حيوي يسيرو اخصائيين مستحيل ×_×

الله يسامحك يالي قلتيلي روحو الحرس و ربي قمه التحطيم .. بالله اذا كنتي متأكدة من البرنامج دا اديني رقم المسؤول عن التدريب او البرنامج دا بليييز و اسألو لاني بجد متحطمه .. ابروز شهادتي و اعلقها في غرفتي اصرفلي ×_×

[جيزان]

نونا هلا فيك
اول شي انتي استلمتي وثيقه التخرج ؟ وكيف معدلك ؟ إن شاء الله تماااام

ثاني شي والله هيا قالت لي بنفسها انو الكيمياء حيوي مررة حلو بس يحتاجوا تدريب اكثر في برنامج الحرس ,,, وارسلت لها رساله وردت عليا حطيتها لكي في المرفق لاني بصراحه ماافهمت كلامها بالضبط وملخبط انتي أقرأي وشوفي

ثالث شي انا غير الدكتورة بسمع عنو كثير انه خريجي الكيمياء حيوي حتى من استاذات الجامعه عندنا في الفيصليه وكمان واحد من اعمامي جاي من كندا دكتور بيقول انو تخصص الكيمياء حيوي بحكم دراستهم وانوا اقرب تخصص للكليات الطبيه بس بيحتاجوا تدريب يروحوا عندهم ويصيروا اخصائين مختبر وبرضوا في النت ابحثي وتأكدي بنفسك ,,,, واكبر دليل شوفي هذا الموضوع اخر رد
http://www.skaau.com/vb/showthread.php?t=522940


رابع شي : ليه مااتشوفي هيئه الغذاء والدواء بسمع مررررة روعه وشغلك في لابات وراتب فوق 9000 شوفي هذا موقعهم
http://www.sfda.gov.sa/Ar/Home
وهذا رقمهم اذا حابه تتصلي وتشوفي تتأكدي
012038222


الله يوفقك يااااااااااااااااااااارب وتلاقي الوظيفه اللي تعجبك

[ريفوو]

طيب بنات هيئة الغذاء والدواء دي بالزبط ايش طبيعة العمل فيها؟؟
انا أحياء دقيقة وبرضو قالو ممكن نلاقي شغل في دي الهيئة
:::::
واختبار الهيئة دا اللي 6 شهور مدري تدريب الهيئة
من أية هيئة بالزبط؟
انا بس اسمع هيئة هيئة
ابغى اعرف هيئة ايش؟

[بيو كيميائية ^_^]

طيب انت ماوضحتي لهم
شيء ثاني فيه ويفتح سنويا في جنوري في جدة والرياض والاحساء
الرياض اكثر واحد فيه تخصصات كثيير
انا بحثت في النت عن هالبرنامج وكل مايتعلق فيه وهو بعد حق المايكرو كمان
وعلى فكرة هم ماياخذون كثير ولا يعلنون في كل مكان والحرس واسطات
طيب قدمتي في برنامج مستشفى الملك فيصل التخصصي
هو امس قفل التسجيل وانا كان امس اختباري بس حتى لو قبلوني مابروح عشان يبدون الشهر الجاي

ايوا صح فيه كلية الملك سعود للعلوم الصحية قدمي فيها وصيري نيرس لو حابة