موقف ويبيله راي حكيم

حيرةطفل · #1 06-03-2011, 10:22 PM

السلام عليكم ورحمة الله وبركاته
ممكن رأيكم بهالموقف
طبعا نحن مجموعة بنات ف مركز واستاذتنا تقريبا في سننا وسبق اخذت رايكم بهدية اهديتها اياها
وماقصرتوا يارب يجزاكم كل خير
اللي بسالكم الحين
وحدة من البنات عرفت انو الاستاذة ملكت قبل فترة وزواجها قريب فجابت هدية لها وتفاجانا وقت مااعطتها
ولو مادخلت عليهم ماقالت طبعا ولا كنا نعرف بخطوبتها
حاسة انو موقفي مرة مش حلو مقابل هديتها الغالية والمكلفة وللسبب الاجمل
وهو زواج الاستاذة اللي مااعرف متى
بعد مارجعت البيت اتصلت البنت علي وتتعذر انها اشترت الهدية لانو ماحبت تقولنا وتدخل ف قيل وقال وانها عرفت من قروب استاذة تانية بالموضوع
بالله شو رايكم بموقفها
وهل اهنئ الاستاذة باتصال مباشر او مسج واعتب عليها انها مابلغتنا ع الاقل الواحد يفرح شوي ويعطيها هدية تناسب المناسبة
ارجوكم ردو علي ودلوني للطريق الصحيح وعسى ربي يؤجركم بما تقولوه يارب
لانكم بتفرجو كربتي نقرتين لعرض الصورة في صفحة مستقلة

بلاسس · 07-03-2011, 05:46 AM

عادي ممكن انشغلت مع الدورة حقت الجامعة اقتراح هدية خاتم ذهب او تعليق ذهب

n_n · 07-03-2011, 06:30 AM

والله لو أنا مكانها الأشياء الخاصه ألي زي هذي مو لازم طالباتي يعرفونها حتى لو أنا بعمرهم هذا شئ خاص جداً وبعدين مهما كان أنتوا طالبات عندها فمو من الطبيعي تدخل عليكم وتقول بنات أنا أنخطبت باركووولي ! !

F a r h · 07-03-2011, 10:56 PM

^^

صح كلآمهآ
مآيصيير أنو الاستاذه تدخل وتقول لكم
وأنتي ليه ششآيله هم وغم عآدي الوضع
هذآ شئ خآص
ويمكن الاستاذه أنزعجت من تصرف صحبتك بس مآبينت
في نآس مآتحب هييك

الاستاذه مو محتآجه منكم شئ
فلا تززعلي

حيرةطفل · 07-03-2011, 11:20 PM

اخواتي انا اللي اقصدو انو البنت لما صارحت الاستاذة بانها تعرف وقالت شو رايك اقول للبنات قالتلها طيب بس مو قدامي وهي البنت اللي اخفت الموضوع وهي بلسانها قالت انو كنت باقول نجمعلها هدية خفت احرجكم رحت شريت هدية باسمي وتخصني ماابي اجبركم
ايش رايكم بالله

المستغفره ربها · 07-03-2011, 11:51 PM

حببتي لاتعاتبي الاستاذه ابدا بس اتصلي وباركيلها وقولي توي عرفت وفرحت لك من قلبي

وعوضي حببتي الهديه تكون للزواج

والهديه منك لوحدك بتكون احلا

الألماسة الذهبية · 08-03-2011, 08:01 AM

حصل خير يااختي حيرة طفل ..
كل شخص وتصرفه وهو حيكون مقتنع فيه فلا تنقهري منها ..
والبنت يمكن عندها وجهة نظر ويمكن عارفه إنا بينكم وحدة ماديتها مش ولابد ولاتبي تحرج احد من هنا تصرفها يكون حلو ..
نصيحتي لك أولا تباركي للأستاذة وقولي لها توي أدري عنك والهدية ياإنك تهديها لها الآن أو خليها على الزواج يكون أفضل وأنصحك أهدي لها أنتي لحالك لاتكون مشتركة بينكم ترى بيكون لها طعم خاص ..
إن شاءالله أكون أفدتك ..