بنات الكيمياء حيوي ( الفيصليه ) مساعدة

[memas]

السلام عليكم بنات اخباركم
انا انقبلت كيمياء حيوي فحبيت اسالكم ايش رايكم بجدولي
امن وسلامة مختبرات
كيمياء عامه 2
احياء عامه 2
كيماء حيوية عامة
معمل احياء
معمل كيمياء
لغه عربية 1
18 ساعه
نفس الخطة رايكم ايش احذف وايش اضيف مع العلم ابغى ارفع المعدل واذا حذفت معمل الاحياء بينزل الترم الثاني
وايش افضل الاستاذات للمواد هاذي بالنسبة للفيصلية بليز ساعدونييي وشكرا

[ho0oby]

امن و سلامة دكتورة مها الخلف .. عموما المادة تعتمد ع الحفظ اكتر شي ف يمكن ما يفرق الدكتورة الا في الاسئلة و دكتورة مها اسألتها مقالي
احياء عامة دكتورة ندى ادريس مافي زيها و تعتمد على مبدأ اللي يدخل ف الدوري ما يدخل ف النهائي
معمل احياء كلو حفظ و عيناتو كتيييييييير اخدتو مع اريج
كيميا حيوي جينرال مع دكتورة حنان اسألتها سهلة لو ذاكرتي اول بأول و شرحها لو ما ركزتي في كل كلمة ممكن تضيعي و ماراح تعرفي ترجعي لحالك لول
عربي 1 اخدتو مع دكتورة نادية فلاتة اسألتها حلوة و اعطتنا اسألة بونس 10 درجات و انشطتها سهلة جدا لكن مررا دقيقة في التحضير يعني لو دخلتي بعدها لو مين تكوني برا يعني برا

و الباقية ما اخدتها لسا
ان شاء الله اكون افدتك
بالتوفيق :)

[memas]

مشكورة على المساعدة ho0oby
ياليت احد يفيدني في الباقي اكثر

[عاشقة المغامرة]

حبيبتي انتي تبي تنتحري ؟؟

يااحياء 202 او كيمياء202 مو كلهم في نفس الترم

والمعامل لاتاخذيها كلها مرة وحدة خففي ع عمرك شوي لانو معمل الاحيا حفظ ومعمل الكيميا كله شغل وحسابات

والافضل انو مثلا تاخذي مادة كيمياء202 ومعمل احياء والترم اللي بعدو احياء 202 ومعمل الكيميا
عشان لاتدخل المواد في بعضها

واذا راح تحذفي الاحياء خذي بدلها ثقافه

وبالنسبة للاستاذات كيميا حيوي "امل حسنين"
والاحياء202 انا اخذتهم مع ابتسام وفاطمة عطرجي بالعربي والحمدلله جبت a والاستاذة ندى تعطيه بالانقلش وزي ماقالت هوبي اللي بالدوري مايدخل في النهائي
والكيمياء202 انا جربت الدكتورة سعيدة وكرهتو ويقولو الاستاذة عايشة احسن
والاسئلة يوحدوها
والعربي درستو مع نسيت اسمها لقبها عسيري بس كان الاختبار النهائي نفس اسئلة الدوري
والثقافة مع نسيتها كمان بس هي احسن من سناء بس كانت تطلب واجب كثير بس ماتحاسب عليه اذا ماجبتي والاحسن لك سويلها عرض بور من البدايه واضمني النشاط من البدايه
والمعامل نسيتهم بس ترا كلهم معيدات وطيوبات مو كلهم اغلبهم
وبالتوفيق ياعسل

[memas]

هههههههههههههه مشكورة عاشقة المغامرة
كلامك افادني كثير
بس لو خليت الكيماء ومعمل الاحياء الترم الثاني يسير ظغط الترم الثاني مع مواد الترم الثاني مو ؟
و ابتسام تحذف زي ندى ؟؟؟؟؟؟؟

[ho0oby]

مو مشكلة لو اخرتي مواد للترم التاني معمل الاحياء محتاج حفظ فقط و بالعربي كمان
اصلن المعامل بساعة ماراح تأثر كتير ف خديها الترم اللي تحسي انك طفشانة

اما الاحياء صح دكتورة ندى بالانقلش لكن تحظف الشباتر حقت الدوري ما تدخل ف النهائي
و اصلن المادة مهي زي احياء 201
معلوماتها اسهل واقل ف الحفظ و نصيحة مني ترجمي قبل لا تذاكري
راح تسهل عليكي المذاكرة
انا اخدت عندها a+ رفعتلي المعدل مرا

و بالتوفيق

[كل الحكي]

طيب نظام انو اللي يدخل بالدوري ما يدخل بالنهائي عند كل الاساتذه والا بس ندى
وكمان مين احسن الاساتذه لمعمل الاحياء والكيمياء

[ho0oby]

المشاركة الأصلية كتبت بواسطة كل الحكي طيب نظام انو اللي يدخل بالدوري ما يدخل بالنهائي عند كل الاساتذه والا بس ندى وكمان مين احسن الاساتذه لمعمل الاحياء والكيمياء

ندى الوحيدة اللي تعمل الحركة دي
حتى اتزكر اتفقو كل الدكاترة يسوو فاينل موحد
لكن ندى الوحيدة اللي عارضت لانو كان مبدأها من الاساس الي نختبر فيه ف الدوري ما يدخل ف النهائي
و الدكاترة الباقين ما عملو الحركة دي

المعامل يدرسوها معيدات
عموما المعيدات متشددين اكتر من الدكاترة لانهم جدد في ميدان العمل

[كل الحكي]

طيب بأيش تنصحيني .. انا مفكره احول بعد ترمم ونفسي ارفع معدلي
وبجدد محتاررة .. وكمان نجحت بالحافه في الاحياء بالتحضيري

[memas]

خلاص قررت كذا الجدول يكون
احياء
كيمياء حيوي
معمل كيمياء
امن وسلامة المختبرات
عربي
وثقافة
شو رايك ؟
طيب سوال في الشعب مثلا زي الاحياء يكون السبت والاثنين والاربعاء من 9 الى 9 :50
ومكتوب في نفس المكان السبت من 2 الى 4:50 ايش يعني ؟